ਨੈਸ਼ਨਲ ਡੈਸਕ : ਕਹਿੰਦੇ ਹਨ ਕਿ ਇਸ਼ਕ ਨਾ ਸਰਹੱਦਾਂ ਦੇਖਦਾ ਹੈ ਅਤੇ ਨਾ ਹੀ ਭਾਸ਼ਾ। ਉੱਤਰ ਪ੍ਰਦੇਸ਼ ਦੇ ਫਿਰੋਜ਼ਾਬਾਦ ਜ਼ਿਲ੍ਹੇ ਵਿੱਚ ਇੱਕ ਅਜਿਹੀ ਹੀ ਅਨੋਖੀ ਪ੍ਰੇਮ ਕਹਾਣੀ ਪਰਵਾਨ ਚੜ੍ਹੀ ਹੈ। ਇੱਥੇ ਜਰਮਨੀ ਤੋਂ ਆਏ ਲਾੜੇ ਗੁਸਤਾਵ ਨੇ ਸ਼ਿਕੋਹਾਬਾਦ ਦੀ ਰਹਿਣ ਵਾਲੀ ਖੁਸ਼ੀ ਨਾਲ ਹਿੰਦੂ ਰੀਤੀ-ਰਿਵਾਜਾਂ ਅਨੁਸਾਰ ਵਿਆਹ ਕਰਵਾਇਆ ਹੈ। ਵਿਦੇਸ਼ੀ ਲਾੜੇ ਨੇ ਨਾ ਸਿਰਫ਼ ਸ਼ੇਰਵਾਨੀ ਅਤੇ ਸਾਫ਼ਾ ਪਹਿਨਿਆ, ਸਗੋਂ ਹੱਥਾਂ 'ਤੇ ਮਹਿੰਦੀ ਲਗਾ ਕੇ ਭਾਰਤੀ ਪਰੰਪਰਾਵਾਂ ਦਾ ਮਾਨ ਵੀ ਵਧਾਇਆ।
ਸਵਿਮਿੰਗ ਪੂਲ ਤੋਂ ਸ਼ੁਰੂ ਹੋਈ ਸੀ ਲਵ ਸਟੋਰੀ
ਇਸ ਜੋੜੇ ਦੀ ਮੁਲਾਕਾਤ ਕਿਸੇ ਫ਼ਿਲਮੀ ਕਹਾਣੀ ਤੋਂ ਘੱਟ ਨਹੀਂ ਹੈ। ਸਾਲ 2023 ਵਿੱਚ ਜਦੋਂ ਗੁਸਤਾਵ ਭਾਰਤ ਘੁੰਮਣ ਆਇਆ ਸੀ, ਤਾਂ ਜੈਪੁਰ ਦੇ ਇੱਕ ਹੋਟਲ ਵਿੱਚ ਉਸ ਦੀ ਮੁਲਾਕਾਤ ਖੁਸ਼ੀ ਨਾਲ ਹੋਈ। ਉਸ ਸਮੇਂ ਖੁਸ਼ੀ ਸਵਿਮਿੰਗ ਪੂਲ ਵਿੱਚ ਤੈਰਾਕੀ ਸਿੱਖ ਰਹੀ ਸੀ। ਖੁਸ਼ੀ ਜੈਪੁਰ ਵਿੱਚ ਇੱਕ ਜਰਮਨ ਕੰਪਨੀ ਵਿੱਚ ਕੰਮ ਕਰਦੀ ਹੈ। ਪਹਿਲੀ ਮੁਲਾਕਾਤ ਤੋਂ ਬਾਅਦ ਦੋਵਾਂ ਵਿੱਚ ਗੱਲਬਾਤ ਵਧੀ, ਦੋਸਤੀ ਹੋਈ ਅਤੇ ਫਿਰ ਦੋਵਾਂ ਨੇ ਹਮੇਸ਼ਾ ਲਈ ਇੱਕ-ਦੂਜੇ ਦਾ ਸਾਥ ਨਿਭਾਉਣ ਦਾ ਫੈਸਲਾ ਕਰ ਲਿਆ।
ਵਿਆਹ ਵਿੱਚ ਤਾਇਨਾਤ ਕੀਤੇ ਗਏ 4 ਟ੍ਰਾਂਸਲੇਟਰ
ਵਿਆਹ ਦੀਆਂ ਰਸਮਾਂ ਵਿੱਚ ਭਾਸ਼ਾ ਦੀ ਕੋਈ ਰੁਕਾਵਟ ਨਾ ਆਵੇ, ਇਸ ਲਈ ਖ਼ਾਸ ਪ੍ਰਬੰਧ ਕੀਤੇ ਗਏ ਸਨ। ਗੁਸਤਾਵ ਅਤੇ ਉਸ ਦੇ ਪਰਿਵਾਰ ਨੂੰ ਹਿੰਦੀ ਨਹੀਂ ਆਉਂਦੀ ਸੀ, ਇਸ ਲਈ ਵਿਆਹ ਦੇ ਸਥਾਨ 'ਤੇ 4 ਟ੍ਰਾਂਸਲੇਟਰ ਤਾਇਨਾਤ ਕੀਤੇ ਗਏ ਸਨ। ਪੰਡਿਤ ਜੀ ਵੱਲੋਂ ਪੜ੍ਹੇ ਗਏ ਮੰਤਰਾਂ ਅਤੇ ਵਿਆਹ ਦੀਆਂ ਰਸਮਾਂ ਦਾ ਮਤਲਬ ਵਿਦੇਸ਼ੀ ਮਹਿਮਾਨਾਂ ਨੂੰ ਅੰਗਰੇਜ਼ੀ ਅਤੇ ਜਰਮਨ ਭਾਸ਼ਾ ਵਿੱਚ ਸਮਝਾਇਆ ਗਿਆ।
ਭਾਰਤੀ ਰੰਗ ਵਿੱਚ ਰੰਗੇ ਵਿਦੇਸ਼ੀ ਮਹਿਮਾਨ
ਜਰਮਨੀ ਤੋਂ ਆਏ ਬਾਰਾਤੀ ਭਾਰਤੀ ਸੰਸਕ੍ਰਿਤੀ ਅਤੇ ਪਰਾਹੁਣਚਾਰੀ ਦੇਖ ਕੇ ਕਾਫੀ ਖੁਸ਼ ਨਜ਼ਰ ਆਏ। ਗੁਸਤਾਵ ਨੇ ਸ਼ਿਕੋਹਾਬਾਦ ਦੇ ਲੋਕਾਂ ਦੇ ਪਿਆਰ ਦੀ ਜੰਮ ਕੇ ਤਾਰੀਫ ਕੀਤੀ ਅਤੇ ਕਿਹਾ ਕਿ ਭਾਰਤ ਦੀਆਂ ਵਿਭਿੰਨਤਾਵਾਂ ਉਨ੍ਹਾਂ ਨੂੰ ਹਮੇਸ਼ਾ ਯਾਦ ਰਹਿਣਗੀਆਂ। ਵਰਮਾਲਾ ਤੋਂ ਲੈ ਕੇ ਵਿਦਾਈ ਤੱਕ ਦੀ ਹਰ ਰਸਮ ਵਿੱਚ ਵਿਦੇਸ਼ੀ ਮਹਿਮਾਨਾਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
'ਮਨ ਕੀ ਬਾਤ' 'ਚ ਬੋਲੇ PM ਮੋਦੀ: ਰਾਸ਼ਟਰਪਤੀ ਭਵਨ 'ਚ ਲੱਗੇਗਾ 'ਰਾਜਾਜੀ' ਦਾ ਬੁੱਤ
NEXT STORY 
