ਲੇਹ— ਭਾਰਤ ਦੀ 1971 ਦੀ ਜੰਗ ’ਚ ਪਾਕਿਸਤਾਨੀ ’ਤੇ ਮਿਲੀ ਜਿੱਤ ਦੇ ਮੌਕੇ ’ਚ ਕੱਢੀ ਗਈ ‘ਸੁਨਹਿਰੀ ਜਿੱਤ ਦੀ ਮਸ਼ਾਲ’ ਦਾ ਲੱਦਾਖ ਦੇ ਸਰਹੱਦੀ ਖੇਤਰ ਤੁਰਤੁਕ ਅਤੇ ਤਯਾਕਸ਼ੀ ’ਚ ਲੋਕਾਂ ਨੇ ਬੱਚਿਆਂ ਨਾਲ ਰਿਵਾਇਤੀ ਡਾਂਸ ਕਰ ਕੇ ਸਵਾਗਤ ਕੀਤਾ। ਜ਼ਿਕਰਯੋਗ ਹੈ ਕਿ ਭਾਰਤੀ ਸੁਰੱਖਿਆ ਦਸਤਿਆਂ ਦੀ 1971 ਦੀ ਜੰਗ ’ਚ ਪਾਕਿਸਤਾਨ ਦੀ ਜਿੱਤ ਦੇ ਇਸ ਸਾਲ ਦਸੰਬਰ ’ਚ 50 ਸਾਲ ਪੂਰੇ ਹੋ ਰਹੇ ਹਨ। ਇਸ ਦੀ ਯਾਦ ’ਚ ‘ਸੁਨਹਿਰੀ ਜਿੱਤ ਦੀ ਮਸ਼ਾਲ’ ਕੱਢੀ ਗਈ ਹੈ, ਜੋ ਕਿ ਮੰਗਲਵਾਰ ਨੂੰ ਸਿਆਚਿਨ ਗਲੇਸ਼ੀਅਰ ਦੇ ਜਮਾਵ ਬਿੰਦੂ ’ਤੇ ਪਹੁੰਚੀ ਸੀ।
ਰੱਖਿਆ ਮੰਤਰਾਲਾ ਦੇ ਬੁਲਾਰੇ ਕਰਨਲ ਏਮਰੋਨ ਮੁਸਵੀ ਨੇ ਦੱਸਿਆ ਕਿ ‘ਸੁਨਹਿਰੀ ਜਿੱਤ ਦੀ ਮਸ਼ਾਲ’ ਸਮਾਰੋਹ ਦੇ ਹਿੱਸੇ ਦੇ ਤੌਰ ’ਤੇ ਤੁਰਤੁਕ ਅਤੇ ਤਯਾਕਸ਼ੀ ਪਿੰਡਾਂ ਦੇ ਫ਼ੌਜੀਆਂ, ਸੀਨੀਅਰ ਨਾਗਰਿਕਾਂ, ਸਥਾਨਕ ਲੋਕਾਂ ਅਤੇ ਸਕੂਲੀ ਬੱਚਿਆਂ ਨੇ ਬਹੁਤ ਉਤਸ਼ਾਹ ਨਾਲ ਹਿੱਸਾ ਲਿਆ ਅਤੇ ‘ਸੁਨਹਿਰੀ ਜਿੱਤ ਦੀ ਮਸ਼ਾਲ’ ਨੂੰ ਪ੍ਰਾਪਤ ਕੀਤਾ। ਇਸ ਮੌਕੇ ’ਤੇ ਵਿਜੇ ਮਸ਼ਾਲ ਨੂੰ ਸਲਾਮੀ ਦਿੱਤੀ ਗਈ ਅਤੇ ਸ਼ਰਧਾਂਜਲੀ ਸਮਾਰੋਹ ਦਾ ਵੀ ਆਯੋਜਨ ਕੀਤਾ ਗਿਆ।
ਤੁਰਤੁਕ ਅਤੇ ਤਯਾਕਸ਼ੀ ਪਿੰਡ ਦਾ ਇਤਿਹਾਸਕ ਮਹੱਤਵ ਹੈ। 1971 ਦੀ ਜੰਗ ਵਿਚ ਇਨ੍ਹਾਂ ਦੋਹਾਂ ਪਿੰਡਾਂ ਨੂੰ ਪਾਕਿਸਤਾਨ ਦੇ ਗੈਰ-ਕਾਨੂੰਨੀ ਕਬਜ਼ੇ ਤੋਂ ਮੁਕਤ ਕਰਵਾਇਆ ਗਿਆ ਸੀ। ਇਸ ਸਮੇਂ ਤੋਂ ਇਸ ਖੇਤਰ ਵਿਚ ਕਾਫੀ ਤੇਜ਼ੀ ਨਾਲ ਆਰਥਿਕ ਅਤੇ ਸਮਾਜਿਕ ਤਰੱਕੀ ਹੋਈ ਹੈ। ਇਹ ਖੇਤਰ ਲੱਦਾਖ ਦੇ ਸੈਰ-ਸਪਾਟਾ ਦੇ ਤੌਰ ’ਤੇ ਤਬਦੀਲ ਹੋਇਆ ਹੈ।
ਕੇਰਲ ਸਰਕਾਰ ਨੇ ਤਾਲਾਬੰਦੀ ’ਚ ਛੋਟ ਦੇਣ ਦਾ ਕੀਤਾ ਐਲਾਨ, 6 ਦਿਨ ਖੁੱਲ੍ਹਣਗੀਆਂ ਦੁਕਾਨਾਂ
NEXT STORY 
