ਦੇਹਰਾਦੂਨ- ਉੱਤਰ ਭਾਰਤ ਵਿਚ ਮੌਸਮ ਨੇ ਕਰਵਟ ਲੈ ਲਈ ਹੈ, ਮੈਦਾਨੀ ਇਲਾਕਿਆਂ ਦੇ ਨਾਲ-ਨਾਲ ਪਹਾੜੀ ਇਲਾਕਿਆਂ ਵਿਚ ਵੀ ਮੀਂਹ ਪੈ ਰਿਹਾ ਹੈ। ਉੱਤਰਾਖੰਡ ਵਿਚ ਮਾਨਸੂਨ ਪੂਰੀ ਤਰ੍ਹਾਂ ਸਰਗਰਮ ਹੋ ਗਿਆ ਹੈ ਅਗਲੇ 4 ਦਿਨਾਂ ਤੱਕ ਮੋਹਲੇਧਾਰ ਮੀਂਹ ਦਾ ਖ਼ਤਰਾ ਬਣਿਆ ਹੋਇਆ ਹੈ। ਉੱਤਰਾਖੰਡ 'ਚ ਮੌਸਮ ਵਿਭਾਗ ਨੇ 1 ਜੁਲਾਈ 2025 ਤੱਕ ਲਈ ਭਾਰੀ ਮੀਂਹ ਦਾ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਹਿਮਾਲਿਆਂ ਸੂਬੇ ਦੇ ਕਈ ਜ਼ਿਲ੍ਹਿਆਂ ਵਿਚ ਮੀਂਹ ਕਾਰਨ ਹੜ੍ਹ, ਲੈਂਡ ਸਲਾਈਡ ਅਤੇ ਸੜਕਾਂ ਦੇ ਬੰਦ ਹੋਣ ਦਾ ਖ਼ਤਰਾ ਬਣਿਆ ਹੋਇਆ ਹੈ।
ਕਿਨ੍ਹਾ-ਕਿਨ੍ਹਾ ਖੇਤਰਾਂ 'ਚ ਚਿਤਾਵਨੀ?
ਉੱਤਰਾਖੰਡ ਦੇ ਦੇਹਰਾਦੂਨ, ਨੈਨੀਤਾਲ, ਪੌੜੀ, ਚਮੋਲੀ, ਬਾਗੇਸ਼ਵਰ, ਰੁਦ੍ਰਪ੍ਰਯਾਗ, ਉੱਤਰਕਾਸ਼ੀ ਇਨ੍ਹਾਂ ਜ਼ਿਲ੍ਹਿਆਂ ਵਿਚ ਗਰਜ-ਚਮਕ ਅਤੇ ਮੋਹਲੇਧਾਰ ਮੀਂਹ ਪੈਣ ਦੀ ਸੰਭਾਵਨਾ ਜਤਾਈ ਗਈ ਹੈ। 30 ਜੂਨ ਨੂੰ ਦੇਹਰਾਦੂਨ, ਟਿਹਰੀ ਅਤੇ ਬਾਗੇਸ਼ਵਰ ਵਿਚ ਫਿਰ ਤੋਂ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ। ਦੇਹਰਾਦੂਨ ਅਤੇ ਟਿਹਰੀ ਵਿਚ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ।
ਮੌਸਮ ਵਿਭਾਗ ਦੀ ਸਲਾਹ:
-ਪਹਾੜੀ ਇਲਾਕਿਆਂ 'ਚ ਲੈਂਡ ਸਲਾਈਡ ਦਾ ਖ਼ਦਸ਼ਾ ਹੈ, ਯਾਤਰਾ ਤੋਂ ਬਚੋ।
-ਹੇਠਲੇ ਖੇਤਰਾਂ ਵਿਚ ਰਹਿਣ ਵਾਲੇ ਲੋਕ ਸਾਵਧਾਨ ਰਹਿਣ।
-ਚਾਰਧਾਮ ਜਾਂ ਕਿਸੇ ਹੋਰ ਉੱਚਾਈ ਵਾਲੀ ਯਾਤਰਾ 'ਤੇ ਜਾਣ ਤੋਂ ਪਹਿਲਾਂ ਮੌਸਮ ਦੀ ਤਾਜ਼ਾ ਜਾਣਕਾਰੀ ਲੈਣਾ ਯਕੀਨੀ ਬਣਾਓ।
-ਜ਼ਰੂਰੀ ਸਾਜੋ-ਸਾਮਾਨ ਅਤੇ ਐਮਰਜੈਂਸੀ ਨੰਬਰ ਆਪਣੇ ਕੋਲ ਰੱਖੋ।
ਚਾਰਧਾਮ ਯਾਤਰਾ 'ਤੇ ਪ੍ਰਭਾਵ ਸੰਭਾਵੀ
ਮੌਸਮ ਵਿਭਾਗ ਨੇ ਚਾਰਧਾਮ ਯਾਤਰੀਆਂ ਨੂੰ ਵੀ ਸਾਵਧਾਨੀ ਵੱਲ ਧਿਆਨ ਦੇਣ ਦੀ ਸਲਾਹ ਦਿੱਤੀ ਹੈ। ਕਈ ਖੇਤਰਾਂ ਵਿਚ ਮੀਂਹ ਕਾਰਨ ਸੜਕਾਂ 'ਤੇ ਚਿੱਕੜ ਅਤੇ ਰੁਕਾਵਟਾਂ ਆ ਸਕਦੀਆਂ ਹਨ। ਸਥਾਨਕ ਪ੍ਰਸ਼ਾਸਨ ਵੱਲੋਂ ਰੈਸਕਿਊ ਟੀਮਾਂ ਤਾਇਨਾਤ ਕਰ ਦਿੱਤੀਆਂ ਗਈਆਂ ਹਨ ਅਤੇ ਐਲਰਟ 'ਤੇ ਕੰਮ ਚਲ ਰਿਹਾ ਹੈ।
ਅੱਜ, ਕੱਲ੍ਹ ਤੇ ਪਰਸੋਂ ਪਵੇਗੀ ਭਾਰੀ ਬਾਰਿਸ਼ ! IMD ਨੇ ਜਾਰੀ ਕੀਤੀ ਚਿਤਾਵਨੀ
NEXT STORY 
