ਨਵੀਂ ਦਿੱਲੀ : ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਦੇ ਨਾਲ ਹੀ 1 ਅਕਤੂਬਰ ਤੋਂ ਦੇਸ਼ ਭਰ ਵਿੱਚ 19 ਕਿੱਲੋ ਵਾਲੇ ਕਮਰਸ਼ੀਅਲ ਐੱਲ.ਪੀ.ਜੀ. (LPG) ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਦਿੱਤਾ ਗਿਆ ਹੈ। ਲੇਹ ਤੋਂ ਲੈ ਕੇ ਕੰਨਿਆਕੁਮਾਰੀ ਅਤੇ ਅਹਿਮਦਾਬਾਦ ਤੋਂ ਲੈ ਕੇ ਪੂਰਬੀ ਸੂਬਿਆਂ ਤੱਕ ਕਮਰਸ਼ੀਅਲ ਸਿਲੰਡਰ ਦੇ ਰੇਟ ਵਧ ਗਏ ਹਨ। ਹਾਲਾਂਕਿ, ਆਮ ਉਪਭੋਗਤਾਵਾਂ ਲਈ ਰਾਹਤ ਦੀ ਗੱਲ ਇਹ ਹੈ ਕਿ 14.2 ਕਿੱਲੋ ਵਾਲੇ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਮੁੱਖ ਸ਼ਹਿਰਾਂ ਵਿੱਚ ਕਮਰਸ਼ੀਅਲ ਅਤੇ ਘਰੇਲੂ ਸਿਲੰਡਰ ਦੇ ਨਵੇਂ ਰੇਟ:
ਦਿੱਲੀ: ਦਿੱਲੀ ਵਿੱਚ 19 ਕਿੱਲੋ ਵਾਲਾ ਕਮਰਸ਼ੀਅਲ ਸਿਲੰਡਰ 62.50 ਰੁਪਏ ਮਹਿੰਗਾ ਹੋ ਕੇ 2,810 ਰੁਪਏ ਦਾ ਹੋ ਗਿਆ ਹੈ, ਜੋ ਸਤੰਬਰ ਵਿੱਚ 2,747.50 ਰੁਪਏ ਦਾ ਸੀ। ਇੱਥੇ ਘਰੇਲੂ ਸਿਲੰਡਰ ਦੀ ਕੀਮਤ 942 ਰੁਪਏ 'ਤੇ ਸਥਿਰ ਹੈ।
ਪਟਨਾ: ਪਟਨਾ ਵਿੱਚ ਕਮਰਸ਼ੀਅਲ (ਨੀਲਾ) ਸਿਲੰਡਰ ਸਭ ਤੋਂ ਵੱਧ 71.50 ਰੁਪਏ ਮਹਿੰਗਾ ਹੋ ਕੇ 3,100.50 ਰੁਪਏ ਦਾ ਹੋ ਗਿਆ ਹੈ। ਇੱਥੇ ਘਰੇਲੂ ਸਿਲੰਡਰ 1,031.50 ਰੁਪਏ ਦਾ ਹੈ।
ਮੁੰਬਈ: ਮੁੰਬਈ ਵਿੱਚ ਕਮਰਸ਼ੀਅਲ ਸਿਲੰਡਰ 63 ਰੁਪਏ ਮਹਿੰਗਾ ਹੋ ਕੇ 2,764 ਰੁਪਏ ਦਾ ਹੋ ਗਿਆ ਹੈ, ਜਦਕਿ ਘਰੇਲੂ ਸਿਲੰਡਰ 941.50 ਰੁਪਏ 'ਤੇ ਬਰਕਰਾਰ ਹੈ।
ਚੇਨੱਈ: ਚੇਨੱਈ ਵਿੱਚ ਕਮਰਸ਼ੀਅਲ ਸਿਲੰਡਰ 2,983 ਰੁਪਏ ਦਾ ਹੋ ਗਿਆ ਹੈ (ਸਤੰਬਰ ਵਿੱਚ 2,916.50 ਰੁਪਏ) ਅਤੇ ਘਰੇਲੂ ਸਿਲੰਡਰ 957.50 ਰੁਪਏ ਦਾ ਹੈ।
ਲਖਨਊ ਅਤੇ ਭੋਪਾਲ: ਲਖਨਊ ਵਿੱਚ ਕਮਰਸ਼ੀਅਲ ਸਿਲੰਡਰ 62.50 ਰੁਪਏ ਵਧ ਕੇ 2,932.50 ਰੁਪਏ (ਘਰੇਲੂ 979.50 ਰੁਪਏ) ਅਤੇ ਭੋਪਾਲ ਵਿੱਚ 2,815 ਰੁਪਏ (ਘਰੇਲੂ 947.50 ਰੁਪਏ) ਦਾ ਹੋ ਗਿਆ ਹੈ।
ਲੇਹ ਵਿੱਚ ਸਭ ਤੋਂ ਮਹਿੰਗਾ: ਦੇਸ਼ ਵਿੱਚ ਸਭ ਤੋਂ ਮਹਿੰਗਾ ਸਿਲੰਡਰ ਲੇਹ ਵਿੱਚ ਹੈ, ਜਿੱਥੇ ਕਮਰਸ਼ੀਅਲ ਸਿਲੰਡਰ 64.50 ਰੁਪਏ ਦੇ ਵਾਧੇ ਨਾਲ 3,450 ਰੁਪਏ ਅਤੇ ਘਰੇਲੂ ਸਿਲੰਡਰ 1,179 ਰੁਪਏ ਦਾ ਹੈ।
UPSC ਦੇ 100 ਸਾਲ ਪੂਰੇ ਹੋਣ 'ਤੇ ਹੋਵੇਗਾ ਖ਼ਾਸ ਸਮਾਗਮ, PM ਮੋਦੀ ਅੱਜ ਜਾਰੀ ਕਰਨਗੇ ਯਾਦਗਾਰੀ ਸਿੱਕਾ ਤੇ ਡਾਕ ਟਿਕਟ
NEXT STORY 
