ਸ਼ਿਮਲਾ- ਭਾਜਪਾ ਪਾਰਟੀ ਦੇ ਸੀਨੀਅਰ ਨੇਤਾ ਅਤੇ ਸਾਬਕਾ ਮੁੱਖ ਮੰਤਰੀ ਸ਼ਾਂਤਾ ਕੁਮਾਰ ਨੇ ਕਿਹਾ ਹੈ ਕਿ ਭਾਜਪਾ ਬਹੁਮਤ ’ਚ ਆਵੇਗੀ ਪਰ ਬਾਗ਼ੀ ਵੀ ਵਧੇਰੇ ਹਨ। ਕੌਣ ਆਜ਼ਾਦ ਕਿਸ ਨੂੰ ਜਿੱਤਾਂਗਾ ਜਾ ਹਰਾਏਗਾ, ਇਹ ਪਤਾ ਨਹੀਂ ਹੈ। ਸ਼ਾਂਤਾ ਕੁਮਾਰ ਨੇ ਪਾਲਮਪੁਰ ’ਚ ਵੋਟ ਪਾਉਣ ਮਗਰੋਂ ਪੱਤਰਕਾਰਾਂ ਨੂੰ ਕਿਹਾ ਕਿ ਜੰਗ ਖ਼ਤਮ ਹੋ ਗਈ ਹੈ ਅਤੇ ਅੱਜ ਸ਼ਾਮ ਨੂੰ ਵੋਟਿੰਗ ਪ੍ਰਕਿਰਿਆ ਖ਼ਤਮ ਹੋ ਜਾਵੇਗੀ। ਦੱਸ ਦੇਈਏ ਕਿ ਹਿਮਾਚਲ ’ਚ ਅੱਜ ਸਾਰੀਆਂ 68 ਵਿਧਾਨ ਸਭਾ ਸੀਟਾਂ ’ਤੇ ਵੋਟਿੰਗ ਹੋ ਰਹੀ ਹੈ।
ਸ਼ਾਂਤਾ ਕੁਮਾਰ ਨੇ ਅੱਗੇ ਕਿਹਾ ਕਿ ਮੁਕਾਬਲਾ ਸਖ਼ਤ ਹੈ ਪਰ ਭਾਜਪਾ ਪਾਰਟੀ ਦਾ ਰੁਝਾਨ ਕਾਫ਼ੀ ਜ਼ਿਆਦਾ ਹੈ। ਨਿਸ਼ਚਿਤ ਰੂਪ ਨਾਲ ਭਾਜਪਾ ਪੂਰਨ ਬਹੁਮਤ ’ਚ ਆਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਉਹ ਭਾਜਪਾ ਦੀ ਜਿੱਤ ਨੂੰ ਲੈ ਕੇ ਆਸਵੰਦ ਹਨ ਪਰ ਉਨ੍ਹਾਂ ਨੇ ਇਸ ਦਰਮਿਆਨ ਭਾਜਪਾ ਦੇ ਬਾਗ਼ੀ ਨੇਤਾਵਾਂ ’ਤੇ ਵੀ ਚਿੰਤਾ ਜਤਾਈ। ਉਨ੍ਹਾਂ ਕਿਹਾ ਕਿ ਇਸ ਵਾਰ ਚੋਣਾਂ ’ਚ ਉਮੀਦਵਾਰਾਂ ਦੀ ਗਿਣਤੀ ਵੱਧ ਹੈ ਪਰ ਬਾਗ਼ੀ ਵੀ ਵਧੇਰੇ ਹਨ। ਜਿੱਥੇ ਘੱਟ ਵੋਟਾਂ ਨਾਲ ਜਿੱਤ ਹਾਰ ਹੁੰਦੀ ਹੈ, ਉੱਥੇ ਕੋਈ ਆਜ਼ਾਦ ਸਮੀਕਰਨ ਵਿਗਾੜ ਸਕਦੇ ਹਨ।
ਆਜ਼ਾਦ ਉਮੀਦਵਾਰ ਪਤਾ ਨਹੀਂ, ਕਿੱਥੋਂ ਕਿਸ ਨੂੰ ਜਿੱਤਾ ਦੇਣਗੇ, ਕਿੱਥੋਂ ਹਰਾ ਦੇਣਗੇ। ਭਾਜਪਾ ਦੇ 17 ਤੋਂ ਵਧੇਰੇ ਆਜ਼ਾਦ ਉਮੀਦਵਾਰ ਚੋਣ ਲੜ ਰਹੇ ਹਨ। ਇਹ ਆਪਣੀ ਹੀ ਪਾਰਟੀ ਦੇ ਉਮੀਦਵਾਰ ਖਿਲਾਫ਼ ਆਜ਼ਾਦ ਚੋਣਾਂ ’ਚ ਉਤਰੇ ਹਨ। ਕਾਂਗਰਸ ਦੇ ਵੀ 7 ਤੋਂ ਜ਼ਿਆਦਾ ਆਜ਼ਾਦ ਉਮੀਦਵਾਰ ਚੋਣ ਮੈਦਾਨ ਵਿਚ ਹਨ।
ਯੋਗ ਅਧਿਆਪਕਾਂ ਦੀ ਤਨਖਾਹ 'ਚ ਜਨਤਾ ਦੇ ਯੋਗਦਾਨ ਲਈ ਕੇਜਰੀਵਾਲ ਨੇ ਵਟਸਐੱਪ ਨੰਬਰ ਕੀਤਾ ਜਾਰੀ
NEXT STORY 
