ਨਵੀਂ ਦਿੱਲੀ- ਕਾਂਗਰਸ ਨੇਤਾ ਜੈਰਾਮ ਰਮੇਸ਼ ਨੇ ਵਰਲਡ ਕੱਪ 2023 ਫਾਈਨਲ ਵਿਚ ਟੀਮ ਇੰਡੀਆ ਦੀ ਹਾਰ ਮਗਰੋਂ ਭਾਰਤੀ ਕ੍ਰਿਕਟਰਾਂ ਨੂੰ ਦਿਲਾਸਾ ਦੇਣ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਵਿੰਨ੍ਹਿਆ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ 'ਮਾਸਟਰ ਆਫ਼ ਡਰਾਮਾ' ਦੱਸਿਆ।
ਕਾਂਗਰਸ ਨੇਤਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਪੋਸਟ ਕੀਤਾ, 'ਮਾਸਟਰ ਆਫ਼ ਡਰਾਮਾ ਇਨ ਇੰਡੀਆ' ਨੇ ਖ਼ੁਦ ਬਣਾਏ ਗਏ ਅਤੇ ਕੋਰੀਓਗਰਾਫ਼ ਕੀਤੇ ਗਏ ਦਿਲਾਸਾ ਵੀਡੀਓ ਦੀ ਕੱਲ ਜਾਰੀ ਕੀਤੀਆਂ ਗਈਆਂ ਤਸਵੀਰਾਂ ਨੇ ਪਿੱਛੇ ਦਾ ਝੂਠ ਪੂਰੀ ਤਰ੍ਹਾਂ ਉਜਾਗਰ ਕਰ ਦਿੱਤਾ। ਚਿਹਰਾ ਬਚਾਉਣ ਦੀ ਕਵਾਇਦ ਉਲਟੀ ਪੈ ਗਈ ਹੈ। ਭਾਰਤ ਦੇ ਨੌਜਵਾਨ ਇਨ੍ਹਾਂ ਹਤਾਸ਼ ਹਰਕਤਾਂ ਤੋਂ ਮੂਰਖ ਨਹੀਂ ਬਣਨਗੇ।
ਜ਼ਿਕਰਯੋਗ ਹੈ ਕਿ ਇਕ ਵਾਇਰਲ ਵੀਡੀਓ 'ਚ ਭਾਰਤੀ ਕ੍ਰਿਕਟ ਟੀਮ ਨੂੰ ਆਸਟ੍ਰੇਲੀਆਈ ਟੀਮ ਤੋਂ 6 ਵਿਕਟਾਂ ਤੋਂ ਮਿਲੀ ਹਾਰ ਮਗਰੋਂ ਪ੍ਰਧਾਨ ਮੰਤਰੀ ਨੂੰ ਭਾਰਤੀ ਕ੍ਰਿਕਟ ਟੀਮ ਦੇ ਮੈਂਬਰਾਂ ਨੂੰ ਦਿਲਾਸਾ ਦਿੰਦਿਆ ਵੇਖਿਆ ਗਿਆ। ਇਹ ਵੀਡੀਓ ਭਾਜਪਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕੀਤੀ ਸੀ।
ਭਾਜਪਾ ਨੇ ਰਾਹੁਲ ਦੀ 'ਪਨੌਤੀ' ਟਿੱਪਣੀ 'ਤੇ ਕੀਤਾ ਪਲਟਵਾਰ, ਦੱਸਿਆ 'ਮੰਦਬੁੱਧੀ'
NEXT STORY 
