ਬੈਂਗਲੁਰੂ - ਦੇਸ਼ ਵਿੱਚ ਸ਼ੁੱਕਰਵਾਰ ਨੂੰ ਕੋਵਿਡ-19 ਟੀਕਾਕਰਨ ਵਿੱਚ 26.92 ਲੱਖ ਲੋਕਾਂ ਦਾ ਟੀਕਿਆਂ ਦੀ ਖੁਰਾਕ ਦੇ ਕੇ ਕਰਨਾਟਕ ਚੋਟੀ 'ਤੇ ਰਿਹਾ। ਸਿਹਤ ਅਤੇ ਪਰਿਵਾਰ ਕਲਿਆਣ ਅਤੇ ਮੈਡੀਕਲ ਸਿੱਖਿਆ ਮੰਤਰੀ ਦੇ ਸੁਧਾਕਰ ਨੇ ਰਾਤ 9 ਵਜੇ ਤੱਕ ਦੇ ਅੰਕੜਿਆਂ ਦੇ ਆਧਾਰ 'ਤੇ ਇਹ ਜਾਣਕਾਰੀ ਦਿੱਤੀ। ਮੰਤਰੀ ਦੇ ਦਫ਼ਤਰ ਦੁਆਰਾ ਜਾਰੀ ਇੱਕ ਬਿਆਨ ਦੇ ਅਨੁਸਾਰ ਕਰਨਾਟਕ ਤੋਂ ਬਾਅਦ ਬਿਹਾਰ ਵਿੱਚ 26.6 ਲੱਖ ਤੋਂ ਜ਼ਿਆਦਾ ਖੁਰਾਕ ਦਿੱਤੀ ਗਈ। ਉਥੇ ਹੀ, ਉੱਤਰ ਪ੍ਰਦੇਸ਼ ਵਿੱਚ 24.8 ਲੱਖ ਤੋਂ ਜ਼ਿਆਦਾ ਖੁਰਾਕ, ਮੱਧ ਪ੍ਰਦੇਸ਼ ਵਿੱਚ 23.7 ਲੱਖ ਤੋਂ ਜ਼ਿਆਦਾ ਖੁਰਾਕ ਅਤੇ ਗੁਜਰਾਤ ਵਿੱਚ 20.4 ਲੱਖ ਤੋਂ ਜ਼ਿਆਦਾ ਖੁਰਾਕ ਦਿੱਤੀ ਗਈ। ਸੂਬੇ ਦੇ ਸਿਹਤ ਵਿਭਾਗ ਦੁਆਰਾ ਰਾਤ 8.30 ਵਜੇ ਜਾਰੀ ਅੰਕੜਿਆਂ ਦੇ ਅਨੁਸਾਰ ਕਰਨਾਟਕ ਨੇ ਟੀਕਾਕਰਨ ਦੇ 31,75,000 ਦੇ ਟੀਚੇ ਦੇ ਮੁਕਾਬਲੇ 26,92,955 ਲੋਕਾਂ ਨੂੰ ਟੀਕੇ ਦੀ ਖੁਰਾਕ ਦਿੱਤੀ। ਸੁਧਾਕਰ ਨੇ ਟੀਕਾਕਰਨ ਅਭਿਆਨ ਦੀ ਸਫਲਤਾ ਨੂੰ ਲੈ ਕੇ ਸਾਰੇ ਸਿਹਤ ਕਰਮਚਾਰੀਆਂ ਅਤੇ ਹੋਰ ਕਰਮਚਾਰੀਆਂ ਦਾ ਧੰਨਵਾਦ ਕੀਤਾ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
ਪੀ.ਐੱਮ. ਮੋਦੀ ਦੇ ਜਨਮ ਦਿਨ 'ਤੇ ਗੁਜਰਾਤ 'ਚ ਉਨ੍ਹਾਂ ਦਾ 71 ਫੁੱਟ ਲੰਬਾ ਕਟ ਆਉਟ ਬਣਾਇਆ ਗਿਆ
NEXT STORY 
