ਪ੍ਰਯਾਗਰਾਜ : ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ ਵਿੱਚ ਆਸਥਾ ਅਤੇ ਸਨਾਤਨ ਪਰੰਪਰਾ ਦਾ ਪ੍ਰਤੀਕ 'ਮਾਘ ਮੇਲਾ 2026' ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ। ਹਿੰਦੂ ਪੰਚਾਂਗ ਅਨੁਸਾਰ ਮਾਘ ਮਹੀਨੇ ਨੂੰ ਬੇਹੱਦ ਪਵਿੱਤਰ ਅਤੇ 'ਦੇਵ ਮਾਸ' ਮੰਨਿਆ ਜਾਂਦਾ ਹੈ, ਜਿੱਥੇ ਸੰਗਮ ਵਿੱਚ ਇਸ਼ਨਾਨ ਕਰਨ ਨਾਲ ਅਕਸ਼ੈ ਪੁੰਨ ਅਤੇ ਪਾਪਾਂ ਤੋਂ ਮੁਕਤੀ ਮਿਲਦੀ ਹੈ। ਸਰੋਤਾਂ ਅਨੁਸਾਰ, ਇਹ ਮੇਲਾ 3 ਜਨਵਰੀ ਤੋਂ ਸ਼ੁਰੂ ਹੋ ਕੇ 15 ਫਰਵਰੀ 2026 ਤੱਕ ਚੱਲੇਗਾ।
6 ਮੁੱਖ ਇਸ਼ਨਾਨ ਪਰਵਾਂ ਦੀ ਸੂਚੀ
ਮਾਘ ਮੇਲੇ ਦੌਰਾਨ ਤ੍ਰਿਵੇਣੀ ਸੰਗਮ (ਗੰਗਾ, ਯਮੁਨਾ ਅਤੇ ਸਰਸਵਤੀ ਦਾ ਮੇਲ) ਦੇ ਤੱਟ 'ਤੇ ਦੇਸ਼-ਵਿਦੇਸ਼ ਤੋਂ ਲੱਖਾਂ ਸ਼ਰਧਾਲੂ ਅਤੇ ਸਾਧੂ-ਸੰਤ ਪਹੁੰਚਦੇ ਹਨ। ਸਰੋਤਾਂ ਅਨੁਸਾਰ ਇਸ ਸਾਲ ਦੇ ਮੁੱਖ ਇਸ਼ਨਾਨ ਹੇਠ ਲਿਖੇ ਅਨੁਸਾਰ ਹਨ:
• ਪਹਿਲਾ ਇਸ਼ਨਾਨ (ਪੋਹ ਪੂਰਨਿਮਾ): 3 ਜਨਵਰੀ 2026
• ਦੂਜਾ ਇਸ਼ਨਾਨ (ਮਕਰ ਸੰਕ੍ਰਾਂਤੀ): 14 ਜਨਵਰੀ 2026
• ਤੀਜਾ ਇਸ਼ਨਾਨ (ਮੌਨੀ ਅਮਾਵਸਿਆ): 18 ਜਨਵਰੀ 2026 (ਇਹ ਸਭ ਤੋਂ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ)
• ਚੌਥਾ ਇਸ਼ਨਾਨ (ਬਸੰਤ ਪੰਚਮੀ): 23 ਜਨਵਰੀ 2026
• ਪੰਜਵਾਂ ਇਸ਼ਨਾਨ (ਮਾਘੀ ਪੂਰਨਿਮਾ): 1 ਫਰਵਰੀ 2026
• ਛੇਵਾਂ ਇਸ਼ਨਾਨ (ਮਹਾਸ਼ਿਵਰਾਤਰੀ): 15 ਫਰਵਰੀ 2026
ਮੌਨੀ ਅਮਾਵਸਿਆ ਅਤੇ ਕਲਪਵਾਸ ਦਾ ਵਿਸ਼ੇਸ਼ ਮਹੱਤਵ
ਸਰੋਤਾਂ ਮੁਤਾਬਕ, ਮਾਘ ਮੇਲੇ ਦਾ ਸਭ ਤੋਂ ਪੁੰਨਕਾਰੀ ਦਿਨ ਮੌਨੀ ਅਮਾਵਸਿਆ (18 ਜਨਵਰੀ) ਹੈ, ਜਿਸ ਦਿਨ ਮੌਨ ਰਹਿ ਕੇ ਇਸ਼ਨਾਨ ਕਰਨ ਨਾਲ ਮਾਨਸਿਕ ਸ਼ਾਂਤੀ ਅਤੇ ਮੋਕਸ਼ ਦੀ ਪ੍ਰਾਪਤੀ ਹੁੰਦੀ ਹੈ। ਇਸ ਦੇ ਨਾਲ ਹੀ, ਮੇਲੇ ਵਿੱਚ ਕਲਪਵਾਸ ਦੀ ਖਾਸ ਪਰੰਪਰਾ ਹੈ, ਜਿੱਥੇ ਸ਼ਰਧਾਲੂ 29 ਦਿਨਾਂ ਤੱਕ ਸੰਗਮ ਦੇ ਤੱਟ 'ਤੇ ਰਹਿ ਕੇ ਸਾਧਨਾ ਕਰਦੇ ਹਨ।
ਇਸ਼ਨਾਨ ਲਈ ਸ਼ੁਭ ਮਹੂਰਤ
ਧਾਰਮਿਕ ਮਾਨਤਾਵਾਂ ਅਨੁਸਾਰ, ਇਸ਼ਨਾਨ ਅਤੇ ਦਾਨ ਲਈ ਬ੍ਰਹਮ ਮਹੂਰਤ ਨੂੰ ਸਰਵੋਤਮ ਮੰਨਿਆ ਗਿਆ ਹੈ। ਸਰੋਤਾਂ ਅਨੁਸਾਰ, ਸ਼ਰਧਾਲੂਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਸਵੇਰੇ 4:00 ਵਜੇ ਤੋਂ 5:30 ਵਜੇ ਦੇ ਵਿਚਕਾਰ ਪਵਿੱਤਰ ਇਸਨਾਨ ਕਰਨ, ਕਿਉਂਕਿ ਇਸ ਸਮੇਂ ਕੀਤੇ ਗਏ ਇਸ਼ਨਾਨ ਦਾ ਫਲ ਕਈ ਗੁਣਾ ਵੱਧ ਜਾਂਦਾ ਹੈ।
ਡਰਾਈਵਰ-ਆਫਿਸ ਬੁਆਏ ਦੇ ਨਾਂ ’ਤੇ 60 ਸ਼ੈੱਲ ਕੰਪਨੀਆਂ, 6200 ਕਰੋੜ ਰੁਪਏ ਦੇ ਘਪਲੇ ਦਾ ਪਰਦਾਫਾਸ਼
NEXT STORY 
