ਭੁਵਨੇਸ਼ਵਰ (ਏਜੰਸੀ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 25 ਅਕਤੂਬਰ ਨੂੰ ਓਡੀਸ਼ਾ ਦੇ 2 ਘੰਟਿਆਂ ਦੇ ਦੌਰੇ 'ਤੇ ਜਾਣਗੇ ਅਤੇ ਇਸ ਦੌਰਾਨ ਉਹ ਭੁਵਨੇਸ਼ਵਰ ਦੇ ਬਾਹਰੀ ਇਲਾਕੇ 'ਚ ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੇ 169 ਕਰੋੜ ਰੁਪਏ ਦੇ ਡਾਟਾ ਸੈਂਟਰ ਦਾ ਉਦਘਾਟਨ ਕਰਨਗੇ। ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਮੁੱਖ ਸਕੱਤਰ ਦਫ਼ਤਰ ਵਲੋਂ ਸਾਂਝੇ ਕੀਤੇ ਗਏ ਸੰਭਾਵਿਤ ਪ੍ਰੋਗਰਾਮ ਅਨੁਸਾਰ, ਪੀਐੱਮ ਮੋਦੀ ਭਾਰਤੀ ਹਵਾਈ ਫ਼ੌਜ ਦੇ ਵਿਸ਼ੇਸ਼ ਜਹਾਜ਼ ਰਾਹੀਂ ਸ਼ਾਮ ਕਰੀਬ 4.30 ਵਜੇ ਇੱਥੇ ਬੀਜੂ ਪਟਨਾਇਕ ਅੰਤਰਰਾਸ਼ਟਰੀ ਏਅਰਪੋਰਟ 'ਤੇ ਪਹੁੰਚਣਗੇ।
ਏਅਰਪੋਰਟ ਤੋਂ, ਪ੍ਰਧਾਨ ਮੰਤਰੀ ਹੈਲੀਕਾਪਟਰ ਰਾਹੀਂ ਖੁਰਦਾ ਹੈਲੀਪੈਡ ਜਾਣਗੇ ਅਤੇ ਫਿਰ ਉੱਥੋਂ ਸੜਕ ਮਾਰਗ ਤੋਂ ਜਟਨੀ ਦੇ 'ਇਨਫੋ ਵੈਲੀ-2' ਸਥਿਤ ਆਰਬੀਆਈ ਕੇਂਦਰ ਪਹੁੰਚਣਗੇ, ਜਿੱਥੇ ਉਦਘਾਟਨ ਸਮਾਰੋਹ ਆਯੋਜਿਤ ਹੋਵੇਗਾ। ਪ੍ਰੋਗਰਾਮ ਅਨੁਸਾਰ, ਉਹ ਆਰਬੀਆਈ ਦੇ ਡਾਟਾ ਸੈਂਟਰ 'ਚ ਲਗਭਗ ਇਕ ਘੰਟਾ ਬਿਤਾਉਣਗੇ ਅਤੇ ਫਿਰ ਸੜਕ ਮਾਰਗ ਰਾਹੀਂ ਭੁਵਨੇਸ਼ਵਰ ਪਰਤਣਗੇ। ਇਸ ਤੋਂ ਬਾਅਦ ਸ਼ਾਮ ਕਰੀਬ 6.30 ਵਜੇ ਉਹ ਸੂਬੇ ਲਈ ਰਵਾਨਾ ਹੋ ਜਾਣਗੇ। ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਸੂਬਾ ਇਕਾਈ ਦੇ ਉਪ-ਪ੍ਰਧਾਨ ਜਤਿਨ ਮੋਹੰਤੀ ਨੇ ਕਿਹਾ, "2024 'ਚ ਓਡੀਸ਼ਾ 'ਚ ਪਾਰਟੀ ਦੀ ਸਰਕਾਰ ਬਣਨ ਤੋਂ ਬਾਅਦ ਇਹ ਪ੍ਰਧਾਨ ਮੰਤਰੀ ਦਾ ਰਾਜ ਦਾ 9ਵਾਂ ਦੌਰਾ ਹੋਵੇਗਾ।" ਉਨ੍ਹਾਂ ਕਿਹਾ ਕਿ ਨਵੀਂ ਮੁੰਬਈ ਤੋਂ ਬਾਅਦ, ਜਟਨੀ 'ਚ ਆਰਬੀਆਈ ਦਾ ਇਹ ਇਸ ਤਰ੍ਹਾਂ ਦਾ ਦੂਜਾ ਡਾਟਾ ਸੈਂਟਰ ਹੋਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਕਾਰ ਬਾਜ਼ਾਰ ਨੇੜੇ ਇਕ ਵਿਅਕਤੀ ਦਾ ਗੋਲੀ ਮਾਰ ਕੇ ਕਤਲ, ਕਿਸ਼ਨਗੜ੍ਹ 'ਚ ਵਾਪਰੀ ਵਾਰਦਾਤ
NEXT STORY 
