ਨਵੀਂ ਦਿੱਲੀ : ਭਾਰਤ ਦੀ ਮਹਾਰਤਨ ਕੰਪਨੀ ਆਇਲ ਇੰਡੀਆ ਲਿਮਟਿਡ (OIL) ਨੇ ਵਿਦੇਸ਼ੀ ਧਰਤੀ 'ਤੇ ਇੱਕ ਵੱਡੀ ਸਫਲਤਾ ਹਾਸਲ ਕੀਤੀ ਹੈ। ਕੰਪਨੀ ਨੂੰ ਲੀਬੀਆ ਵਿੱਚ ਤੇਲ ਅਤੇ ਗੈਸ ਦਾ ਇੱਕ ਨਵਾਂ ਖਜ਼ਾਨਾ ਮਿਲਿਆ ਹੈ। ਇਹ ਖੋਜ ਅਜਿਹੇ ਸਮੇਂ ਵਿੱਚ ਹੋਈ ਹੈ ਜਦੋਂ ਅਮਰੀਕਾ ਅਤੇ ਇਰਾਨ ਦਰਮਿਆਨ ਵਧਦੇ ਤਣਾਅ ਕਾਰਨ ਵਿਸ਼ਵ ਭਰ ਵਿੱਚ ਊਰਜਾ ਸੰਕਟ ਪੈਦਾ ਹੋ ਗਿਆ ਹੈ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ 100 ਡਾਲਰ ਪ੍ਰਤੀ ਬੈਰਲ ਤੋਂ ਪਾਰ ਪਹੁੰਚ ਚੁੱਕੀਆਂ ਹਨ।
ਆਇਲ ਇੰਡੀਆ ਨੇ ਸਟਾਕ ਐਕਸਚੇਂਜ ਨੂੰ ਦਿੱਤੀ ਜਾਣਕਾਰੀ ਵਿੱਚ ਦੱਸਿਆ ਕਿ ਇਹ ਭੰਡਾਰ ਲੀਬੀਆ ਦੇ ਏਰੀਆ 95/96 ਬਲਾਕ 'ਚ ਮਿਲਿਆ ਹੈ। ਇਸ ਪ੍ਰੋਜੈਕਟ 'ਚ ਆਇਲ ਇੰਡੀਆ ਦੀ 25 ਫੀਸਦੀ ਹਿੱਸੇਦਾਰੀ ਹੈ। ਇਹ ਕੰਪਨੀ ਇੱਕ ਭਾਰਤੀ ਕੰਸੋਰਟੀਅਮ (ਸਾਂਝੇ ਸਮੂਹ) ਦਾ ਹਿੱਸਾ ਹੈ, ਜਿਸ ਵਿੱਚ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਟਿਡ (IOCL) ਵੀ ਸ਼ਾਮਲ ਹੈ।
ਇਹ ਤੇਲ ਬਲਾਕ ਲੀਬੀਆ ਦੇ ਦੱਖਣ-ਪੱਛਮੀ ਹਿੱਸੇ ਵਿੱਚ ਘਡਾਮੇਸ ਬੇਸਿਨ ਨਾਮਕ ਖੇਤਰ ਵਿੱਚ ਸਥਿਤ ਹੈ, ਜਿਸਦਾ ਕੁੱਲ ਖੇਤਰਫਲ ਲਗਭਗ 6,630 ਵਰਗ ਕਿਲੋਮੀਟਰ ਹੈ। ਜਾਣਕਾਰੀ ਅਨੁਸਾਰ, ਇੱਥੇ ਕੁੱਲ 8 ਖੂਹ ਪੁੱਟਣ ਦੀ ਯੋਜਨਾ ਸੀ, ਜਿਨ੍ਹਾਂ ਵਿੱਚੋਂ ਛੇਵੇਂ ਖੂਹ (A1-96/02) ਦੀ ਡ੍ਰਿਲਿੰਗ ਦੌਰਾਨ ਤੇਲ ਅਤੇ ਗੈਸ ਦੀ ਇਹ ਨਵੀਂ ਖੋਜ ਹੋਈ ਹੈ। ਇਸ ਤੋਂ ਪਹਿਲਾਂ 2012 ਅਤੇ 2014 ਦੇ ਵਿਚਕਾਰ ਵੀ ਚਾਰ ਖੂਹਾਂ 'ਚ ਸਫਲਤਾ ਮਿਲੀ ਸੀ।
ਕੌਮਾਂਤਰੀ ਮਾਨਤਾ ਤੇ ਮਹੱਤਤਾ
ਲੀਬੀਆ ਦੀ ਨੈਸ਼ਨਲ ਆਇਲ ਕਾਰਪੋਰੇਸ਼ਨ (NOC) ਨੇ ਇਸ ਖੂਹ ਨੂੰ ਬਲਾਕ ਦੀ ਪੰਜਵੀਂ ਅਧਿਕਾਰਤ ਖੋਜ ਵਜੋਂ ਮਾਨਤਾ ਦੇ ਦਿੱਤੀ ਹੈ। ਮਾਹਿਰਾਂ ਅਨੁਸਾਰ, ਇਸ ਖੋਜ ਨਾਲ ਆਇਲ ਇੰਡੀਆ ਦੀਆਂ ਵਿਦੇਸ਼ੀ ਸੰਪਤੀਆਂ ਦੀ ਕੀਮਤ 'ਚ ਵਾਧਾ ਹੋਵੇਗਾ ਤੇ ਭਵਿੱਖ ਵਿੱਚ ਉਤਪਾਦਨ ਸ਼ੁਰੂ ਹੋਣ ਨਾਲ ਕੰਪਨੀ ਦੀ ਆਮਦਨ ਦੇ ਨਵੇਂ ਸਰੋਤ ਪੈਦਾ ਹੋਣਗੇ। ਇਹ ਪ੍ਰਾਪਤੀ ਭਾਰਤੀ ਕੰਪਨੀ ਦੀ ਕੌਮਾਂਤਰੀ ਪੱਧਰ 'ਤੇ ਮਜ਼ਬੂਤ ਹੁੰਦੀ ਪਕੜ ਨੂੰ ਦਰਸਾਉਂਦੀ ਹੈ।
ਮਹਿੰਗਾ ਹੋ ਸਕਦਾ ਹੈ ਰਸੋਈ ਗੈਸ ਸਿਲੰਡਰ, ਨਿਯਮਾਂ 'ਚ ਵੀ ਹੋਣ ਜਾ ਰਹੇ ਵੱਡੇ ਬਦਲਾਅ
NEXT STORY 
