ਇਸਲਾਮਾਬਾਦ - ਪਾਕਿਸਤਾਨੀ ਫੌਜ ਦੇ ਬੁਲਾਰੇ ਨੇ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ (ਜੇ. ਐੱਨ. ਯੂ.) 'ਚ ਪ੍ਰਦਰਸ਼ਨਕਾਰੀਆਂ ਦੇ ਨਾਲ ਇਕਜੁੱਟਤਾ ਪ੍ਰਕਟ ਕਰਨ ਲਈ ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੁਕੋਣ ਨੂੰ ਬੁੱਧਵਾਰ ਨੂੰ 'ਬਹਾਦਰ ਸ਼ਖਸੀਅਤ' ਦੱਸਿਆ ਪਰ ਜਲਦ ਹੀ ਆਪਣਾ ਟਵੀਟ ਡਿਲੀਟ ਕਰ ਦਿੱਤਾ।
ਮੇਜਰ ਜਨਰਲ ਆਸਿਫ ਗਫੂਰ ਨੇ ਆਪਣੇ ਨਿੱਜੀ ਟਵਿੱਟਰ ਅਕਾਊਂਟ ਤੋਂ ਪਾਦੁਕੋਣ ਦੀ ਤਰੀਫ ਕੀਤੀ ਪਰ ਥੋੜੇ ਸਮੇਂ ਬਾਅਦ ਹੀ ਉਨ੍ਹਾਂ ਨੇ ਆਪਣਾ ਟਵੀਟ ਬਿਨ੍ਹਾਂ ਕਿਸੇ ਕਾਰਨਾਂ ਤੋਂ ਡਿਲੀਟ ਕਰ ਦਿੱਤਾ। ਉਨ੍ਹਾਂ ਹੁਣ ਡਿਲੀਟ ਕੀਤੇ ਜਾ ਚੁੱਕੇ ਟਵੀਟ 'ਚ ਆਖਿਆ ਕਿ ਨੌਜਵਾਨਾਂ ਅਤੇ ਸੱਚ ਦੇ ਨਾਲ ਖੜ੍ਹੇ ਹੋਣ ਲਈ ਦੀਪਿਕਾ ਪਾਦੁਕੋਣ ਦੀ ਤਰੀਫ ਕੀਤੀ ਜਾਣੀ ਚਾਹੀਦੀ ਹੈ। ਆਪਣੇ ਮੁਸ਼ਕਿਲ ਸਮੇਂ 'ਚ ਸਾਬਿਤ ਕੀਤਾ ਹੈ ਕਿ ਤੁਸੀਂ ਇਕ ਬਹਾਦਰ ਸ਼ਖਸੀਅਸ ਹੋ। ਤੁਸੀਂ ਇੱਜ਼ਤ ਹਾਸਲ ਕੀਤੀ ਹੈ। ਇਨਸਾਨੀਅਤ ਸਾਰੀਆਂ ਚੀਜ਼ਾਂ ਤੋਂ ਉੱਪਰ ਹੈ। ਪਾਦੁਕੋਣ ਜੇ. ਐੱਨ. ਯੂ. ਹਮਲੇ ਦਾ ਵਿਰੋਧ ਕਰ ਰਹੇ ਵਿਦਿਆਰਥੀਆਂ ਦੇ ਨਾਲ ਇਕਜੁੱਟਤਾ ਪ੍ਰਕਟ ਕਰਨ ਲਈ ਮੰਗਲਵਾਰ ਸ਼ਾਮ ਅਚਾਨਕ ਯੂਨੀਵਰਸਿਟੀ ਪਰਿਸਰ ਪਹੁੰਚ ਗਈ ਸੀ।
ਅਮਰੀਕਾ-ਈਰਾਨ ਤਣਾਅ 'ਤੇ ਭਾਰਤ ਸਰਕਾਰ ਦਾ ਬਿਆਨ, ਖਾੜੀ ਖੇਤਰ ਦੇ ਹਾਲਾਤ 'ਤੇ ਸਾਡੀ ਕਰੀਬੀ ਨਜ਼ਰ
NEXT STORY