ਨਵੀਂ ਦਿੱਲੀ - ਗਲੋਬਲ ਮੁੱਦਿਆਂ 'ਤੇ ਹੋਣ ਵਾਲੇ ਗ੍ਰੈਂਡ ਚੈਂਲੇਂਜਸ ਐਨੁਅਲ ਮੀਟਿੰਗ 'ਚ ਪੀ.ਐੱਮ. ਮੋਦੀ ਸ਼ਾਮਲ ਹੋਏ। ਆਨਲਾਈਨ ਹੋਏ ਇਸ ਬੈਠਕ ਨੂੰ ਸੰਬੋਧਿਤ ਕਰਦੇ ਹੋਏ ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਆਉਣ ਵਾਲਾ ਭਵਿੱਖ ਅਜਿਹੇ ਸਮਾਜ ਦੇ ਜ਼ਰੀਏ ਤਿਆਰ ਹੋਵੇਗਾ, ਜੋ ਸਾਇੰਸ ਅਤੇ ਇਨੋਵੇਸ਼ਨ 'ਚ ਨਿਵੇਸ਼ ਕਰੇਗਾ। ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਸਾਇੰਸ ਅਤੇ ਇਨੋਵੇਸ਼ਨ ਦੇ ਖੇਤਰ 'ਚ ਦੂਰਦਰਸ਼ੀ ਤਰੀਕੇ ਨਾਲ ਪਹਿਲਾਂ ਨਿਵੇਸ਼ ਕਰਨਾ ਹੋਵੇਗਾ, ਤਾਂ ਹੀ ਫਾਇਦਾ ਹੋਵੇਗਾ। ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਇਸ ਬੈਠਕ ਨੂੰ ਭਾਰਤ 'ਚ ਹੋਣਾ ਸੀ ਪਰ ਮਹਾਮਾਰੀ ਦੀ ਵਜ੍ਹਾ ਨਾਲ ਬਦਲੇ ਹੋਏ ਹਾਲਾਤਾਂ 'ਚ ਇਸਦਾ ਵਰਚੁਅਲ ਪ੍ਰਬੰਧ ਹੋ ਰਿਹਾ ਹੈ। ਟੈਕਨਾਲੋਜੀ ਦੀ ਇੰਨੀ ਵੱਡੀ ਤਾਕਤ ਹੈ ਕਿ ਮਹਾਮਾਰੀ 'ਚ ਵੀ ਇਹ ਸਾਨੂੰ ਵੱਖ ਨਹੀਂ ਕਰ ਸਕੀ।
ਪੀ.ਐੱਮ. ਨੇ ਕਿਹਾ ਕਿ ਭਾਰਤ 'ਚ ਇੱਕ ਕਾਫ਼ੀ ਮਜ਼ਬੂਤ ਅਤੇ ਵਾਇਬਰੈਂਟ ਸਾਇੰਟਫਿਕ ਕਮਿਉਨਿਟੀ ਹੈ। ਸਾਡੇ ਕੋਲ ਚੰਗੀਆਂ ਵਿਗਿਆਨਕ ਸੰਸਥਾਵਾਂ ਹਨ। ਉਹ ਭਾਰਤ ਦੀ ਵੱਡੀ ਵਿਰਾਸਤ ਹਨ, ਖਾਸਕਰ ਪਿਛਲੇ ਕੁੱਝ ਮਹੀਨਿਆਂ 'ਚ ਕੋਰੋਨਾ ਨਾਲ ਲੜਾਈ ਦੇ ਲਈ। ਅੱਜ ਅਸੀਂ ਰੋਜ਼ਾਨਾ ਕਰੋਨਾ ਦੇ ਮਾਮਲੇ 'ਚ ਕਮੀ ਅਤੇ ਕੁਲ ਕੇਸਾਂ 'ਚ ਕਮੀ ਦੇਖ ਰਹੇ ਹਾਂ। ਭਾਰਤ 'ਚ ਰਿਕਵਰੀ ਰੇਟ 88 ਫ਼ੀਸਦੀ ਹੈ। ਲਾਕਡਾਊਨ ਨੂੰ ਲੈ ਕੇ ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਭਾਰਤ ਲਾਕਡਾਊਨ ਲਗਾਉਣ ਵਾਲੇ ਸ਼ੁਰੂਆਤੀ ਦੇਸ਼ਾਂ 'ਚ ਸੀ। ਭਾਰਤ ਮਾਸਕ ਨੂੰ ਉਤਸ਼ਾਹਿਤ ਕਰਨ ਵਾਲੇ ਸ਼ੁਰੂਆਤੀ ਦੇਸ਼ਾਂ 'ਚ ਸੀ। ਭਾਰਤ ਨੇ ਪ੍ਰਭਾਵੀ ਤਰੀਕੇ ਨਾਲ ਕਾਨਟੈਕਟ ਟ੍ਰੇਸਿੰਗ ਦਾ ਕੰਮ ਸ਼ੁਰੂ ਕੀਤਾ। ਭਾਰਤ ਰੈਪਿਡ ਐਂਟੀਜਨ ਟੈਸਟ ਲਾਗੂ ਕਰਨ ਵਾਲੇ ਸ਼ੁਰੂਆਤੀ ਦੇਸ਼ਾਂ 'ਚ ਸੀ।
ਪੀ.ਐੱਮ. ਮੋਦੀ ਨੇ ਕਿਹਾ ਕਿ ਅਸੀਂ ਕਈ ਕਦਮ ਚੁੱਕੇ ਹਾਂ, ਜਿਸ ਦੇ ਨਾਲ ਹੈਲਥ ਕੇਅਰ ਸਿਸਟਮ ਬਿਹਤਰ ਹੋਇਆ ਹੈ। ਸੈਨੇਟਾਈਜੇਸ਼ਨ, ਬਿਹਤਰ ਸਾਫ਼-ਸਫਾਈ, ਜ਼ਿਆਦਾ ਤੋਂ ਜ਼ਿਆਦਾ ਟਾਇਲਟ, ਸਭ ਤੋਂ ਜ਼ਿਆਦਾ ਇਸ ਨਾਲ ਕਿਸ ਨੂੰ ਫਾਇਦਾ ਹੁੰਦਾ? ਇਸ ਨਾਲ ਗਰੀਬਾਂ ਅਤੇ ਕਮਜ਼ੋਰ ਤਬਕੇ ਦਾ ਫਾਇਦਾ ਹੁੰਦਾ ਹੈ। ਅਸੀਂ ਵੈਕਸੀਨ ਵਿਕਸਿਤ ਕਰਨ ਦੇ ਮਾਮਲੇ 'ਚ ਕੰਮ ਕਰ ਰਹੇ ਹਾਂ। ਪ੍ਰਭਾਵੀ ਵੈਕਸੀਨ ਡਿਲਿਵਰੀ ਸਿਸਟਮ 'ਤੇ ਕੰਮ ਕਰ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਦੁਨੀਆ ਦੀ 60 ਫ਼ੀਸਦੀ ਵੈਕਸੀਨ ਭਾਰਤ 'ਚ ਬਣਦੀ ਹੈ। ਭਾਰਤ ਗਲੋਬਲ ਹੈਲਥ ਕੇਅਰ ਦੀਆਂ ਕੋਸ਼ਿਸ਼ਾਂ ਦੇ ਮਾਮਲੇ 'ਚ ਅੱਗੇ ਰਿਹਾ ਹੈ। ਪੀ.ਐੱਮ. ਨੇ ਕਿਹਾ ਕਿ ਅਸੀ ਇਹ ਯਕੀਨੀ ਕਰ ਰਹੇ ਹਾਂ ਹਰ ਘਰ 'ਚ ਸਾਫ਼ ਪਾਣੀ ਮਿਲੇ। ਇਸ ਨਾਲ ਬੀਮਾਰੀਆਂ ਘੱਟ ਹੋਣਗੀਆਂ। ਔਰਤਾਂ ਨੂੰ ਇਸ ਤੋਂ ਫਾਇਦਾ ਹੋਵੇਗਾ। ਅਸੀਂ ਹੋਰ ਜ਼ਿਆਦਾ ਮੈਡੀਕਲ ਕਾਲਜ ਖੋਲ੍ਹਣ ਜਾ ਰਹੇ ਹਾਂ, ਖਾਸਕਰ ਦਿਹਾਤੀ ਖੇਤਰਾਂ 'ਚ।
'ਫਰਵਰੀ 2021 ਤੱਕ ਭਾਰਤ ਦੀ ਅੱਧੀ ਆਬਾਦੀ ਆ ਸਕਦੀ ਹੈ ਕੋਰੋਨਾ ਦੀ ਚਪੇਟ 'ਚ'
NEXT STORY 
