ਬ੍ਰਹਮਾਪੁਰ- ਦੱਖਣੀ ਓਡੀਸ਼ਾ ਦੇ ਕਈ ਜ਼ਿਲ੍ਹਿਆਂ ’ਚ 90 ਦੇ ਦਹਾਕੇ ’ਚ ਅੱਤਵਾਦ ਫੈਲਾਉਣ ਵਾਲੇ 50 ਸਾਲਾ ਕੈਦੀ ਦੀ ਸੜਕ ਹਾਦਸੇ ’ਚ ਮੌਤ ਹੋ ਗਈ ਹੈ। ਪੁਲਸ ਨੇ ਦੱਸਿਆ ਕਿ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਕੈਦੀ ਦਿਲੀਪ ਨਾਇਕ ਹਾਦਸੇ ਦੇ ਸਮੇਂ ਪੈਰੋਲ ’ਤੇ ਜੇਲ੍ਹ ਤੋਂ ਬਾਹਰ ਸੀ। ਵੀਰਵਾਰ ਨੂੰ ਸਾਰਧਾ ਬਾਲੀ ਰੋਡ ’ਤੇ ਅਣਪਛਾਤੇ ਵਾਹਨ ਅਤੇ ਉਸ ਦੀ ਬਾਈਕ ਦੀ ਟੱਕਰ ਹੋ ਗਈ।
ਉਨ੍ਹਾਂ ਨੇ ਕਿਹਾ ਕਿ ਨਾਇਕ ਨੂੰ ਐੱਮ.ਕੇ.ਸੀ.ਜੀ. ਮੈਡੀਕਲ ਕਾਲਜ ਅਤੇ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ। ਪੁਲਸ ਨੇ ਦੱਸਿਆ ਕਿ ਸਥਾਨਕ ਅਦਾਲਤ ਨੇ ਕਤਲ ਦੇ ਮਾਮਲੇ ’ਚ ਨਾਇਕ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਸੀ। ਉਹ ਗੰਜਾਮ, ਗਜਪਤੀ ਅਤੇ ਕੰਧਮਾਲ ਜ਼ਿਲ੍ਹਿਆਂ ’ਚ ਕਤਲ ਅਤੇ ਡਕੈਤੀ ਦੇ ਕਈ ਮਾਮਲਿਆਂ ’ਚ ਸ਼ਾਮਲ ਰਿਹਾ ਸੀ। ਨਾਇਕ 1998 ਤੋਂ ਹੀ ਜੇਲ੍ਹ ’ਚ ਬੰਦ ਸੀ।
ਇੰਦਰਾ ਗਾਂਧੀ ਰਾਸ਼ਟਰੀ ਜੰਗਲਾਤ ਅਕਾਦਮੀ ਦੇ 11 IFS ਅਧਿਕਾਰੀ ਮਿਲੇ ਕੋਰੋਨਾ ਨਾਲ ਪੀੜਤ
NEXT STORY 
