ਨੈਸ਼ਨਲ ਡੈਸਕ- ਰਾਹੁਲ ਗਾਂਧੀ ਨੇ ਕਦੇ ਵੀ ਅੰਦਰੂਨੀ ਅਸਹਿਮਤੀ ਪ੍ਰਤੀ ਆਪਣੀ ਨਫ਼ਰਤ ਨੂੰ ਨਹੀਂ ਲੁਕੋਇਆ ਜੋ ਹੁਕਮ ਅਦੂਲੀ ਦੀ ਹੱਦ ’ਤੇ ਹੈ।
ਉਨ੍ਹਾਂ ਕੁਝ ਕਾਂਗਰਸੀ ਨੇਤਾਵਾਂ ’ਤੇ ਪਾਰਟੀ ਨੂੰ ਅੰਦਰੋਂ ਨੁਕਸਾਨ ਪਹੁੰਚਾਉਣ ਦਾ ਦੋਸ਼ ਲਾਇਆ ਹੈ। ਉਨ੍ਹਾਂ ਨਿੱਜੀ ਮੀਟਿੰਗਾਂ ਤੇ ਜਨਤਕ ਭਾਸ਼ਣਾਂ ਦੋਵਾਂ ’ਚ ਸੰਕੇਤ ਦਿੱਤਾ ਹੈ ਕਿ ਪਾਰਟੀ ਨੂੰ ਅਹਿਮ ਪਲਾਂ ਦੌਰਾਨ ਕਮਜ਼ੋਰ ਕਰਨ ਵਾਲੇ ਕੁਝ ਲੋਕ ਹਨ। ਫਿਰ ਵੀ ਸ਼ਸ਼ੀ ਥਰੂਰ ਵਰਗੇ ਵਿਅਕਤੀ ਆਜ਼ਾਦੀ ਨਾਲ ਕੰਮ ਕਰ ਰਹੇ ਹਨ। ਉਹ ਅਕਸਰ ਪਾਰਟੀ ਲਾਈਨ ਤੋਂ ਹੱਟ ਕੇ ਰੁੱਖ ਅਪਣਾਉਂਦੇ ਹਨ।
ਇਹ ਸਹਿਣਸ਼ੀਲਤਾ ਕਿਉਂ? ਇਸ ਦੀ ਸੱਚਾਈ ਕਾਂਗਰਸ ਦੇ ਅਸਹਿਜ ਵਿਕਾਸ ’ਚ ਹੈ। ਇਕ ਪਾਰਟੀ ਜੋ ਕਦੇ ਹਾਈ ਕਮਾਨ ਦੇ ਹੁਕਮਾਂ ’ਤੇ ਚੱਲਦੀ ਸੀ, ਅੱਜ ਗਾਇਬ ਹੁੰਦੀ ਜਾ ਰਹੀ ਸੱਤਾ ਤੇ ਟੁੱਟੀ ਵਫ਼ਾਦਾਰੀ ਨਾਲ ਜੂਝ ਰਹੀ ਹੈ।
ਥਰੂਰ ਤੇ ਉਨ੍ਹਾਂ ਵਰਗੇ ਕਈ ਹੋਰ ਆਗੂ ਹਨ ਜਿਨ੍ਹਾਂ ਨੂੰ ਕਾਂਗਰਸ ਆਸਾਨੀ ਨਾਲ ਖਾਰਜ ਨਹੀਂ ਕਰ ਸਕਦੀ। ਇਹ ਸ਼ਹਿਰੀਪਣ, ਸਪੱਸ਼ਟਵਾਦਿਤਾ, ਮੀਡੀਆ ਪ੍ਰੇਮੀ ਅਤੇ ਆਪਣੇ ਪ੍ਰਭਾਵ ਵਾਲੇ ਖੇਤਰਾਂ ’ਚ ਚੋਣ ਪੱਖੋਂ ਢੁਕਵੇਂ ਹਨ।
ਥਰੂਰ ਦੀ ਅਸਹਿਮਤੀ ਨੂੰ ਰਵਾਇਤੀ ਅਰਥਾਂ ’ਚ ਬਗਾਵਤ ਵਜੋਂ ਨਹੀਂ ਵੇਖਿਆ ਜਾਂਦਾ। ਇਸ ਨੂੰ ਬ੍ਰਾਂਡਿੰਗ ਵਜੋਂ ਵੇਖਿਆ ਜਾਂਦਾ ਹੈ।
ਰਾਹੁਲ ਦੇ ਨਜ਼ਦੀਕੀਆਂ ਲਈ ਉਨ੍ਹਾਂ ਦੀ ਸ਼ਖ਼ਸੀਅਤ ਸਿਰਦਰਦੀ ਹੈ ਪਰ ਕਾਂਗਰਸ ਨੂੰ ਉਨ੍ਹਾਂ ਉੱਚ ਵਰਗਾਂ ’ਚ ਆਪਣੀ ਮੌਜੂਦਗੀ ਬਣਾਈ ਰੱਖਣ ’ਚ ਮਦਦ ਕਰਦੀ ਹੈ ਜਿੱਥੇ ਇਸ ਨੇ ਆਪਣਾ ਆਧਾਰ ਗੁਆ ਦਿੱਤਾ ਹੈ। ਇਸ ਤੋਂ ਵੀ ਅਹਿਮ ਗੱਲ ਇਹ ਹੈ ਕਿ ਰਾਹੁਲ ਪਾਰਟੀ ਨੂੰ ਆਪਣੇ ਅਕਸ ’ਚ ਦੁਬਾਰਾ ਬਣਾ ਰਹੇ ਹਨ। ਇਹ ਇਕ ਲੰਬੀ ਖੇਡ ਹੈ।
ਹੁਣ ਅਸਹਿਮਤੀ ਜਤਾਉਣ ਵਾਲਿਆਂ ਨੂੰ ਹਟਾਉਣ ਨਾਲ ਅੰਦਰੂਨੀ ਅਰਾਜਕਤਾ ਦੀਆਂ ਸੁਰਖੀਆਂ ਬਣਨ ਦਾ ਖ਼ਤਰਾ ਹੈ, ਜਿਸ ਨਾਲ ਭਾਜਪਾ ਦੀ ਇਸ ਧਾਰਨਾ ਨੂੰ ਮਜ਼ਬੂਤੀ ਮਿਲੇਗੀ ਕਿ ਕਾਂਗਰਸ ਟੁੱਟ ਚੁੱਕੀ ਹੈ।
ਅਸਹਿਮਤੀ ਨੂੰ ਬਰਦਾਸ਼ਤ ਨਾ ਕਰਨ ਦੇ ਦੋਸ਼ਾਂ ਨਾਲ ਘਿਰਿਆ ਇਕ ਨੇਤਾ ਜੇ ਸਖ਼ਤੀ ਕਰਦਾ ਹੈ ਤਾਂ ਲਾਭ ਦੀ ਬਜਾਏ ਨੁਕਸਾਨ ਹੀ ਹੋਵੇਗਾ। ਬੈਂਚ ਸਟ੍ਰੈਂਥ ਅਤੇ ਚੋਣ ਸਥਿਰਤਾ ਦੀ ਘਾਟ ਨਾਲ ਜੂਝ ਰਹੀ ਪਾਰਟੀ ’ਚ ਵਿਰੋਧੀਆਂ ਨੂੰ ਬਰਦਾਸ਼ਤ ਕਰਨਾ ਕਮਜ਼ੋਰੀ ਦੀ ਬਜਾਏ ਹੋਂਦ ਨਾਲ ਜੁੜਿਆ ਮਾਮਲਾ ਵਧੇਰੇ ਹੋ ਸਕਦਾ ਹੈ।
ਕਈ ਸੀਨੀਅਰ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ ਪਾਰਟੀ ’ਚ ‘ਵਿਭੀਸ਼ਣਾਂ’ ਬਾਰੇ ਗੱਲ ਕਰਨੀ ਤੇ ਗੜਬੜੀਆਂ ਲਈ ਸਹਿਯੋਗੀਆਂ ਨੂੰ ਦੋਸ਼ੀ ਠਹਿਰਾਉਣਾ ਬੰਦ ਕਰਨਾ ਚਾਹੀਦਾ ਹੈ।
ਮੁੱਖ ਮੰਤਰੀ ਦਾ ਅਸ਼ਲੀਲ AI ਵੀਡੀਓ ਵਾਇਰਲ, ਨੌਜਵਾਨ ਗ੍ਰਿਫ਼ਤਾਰ
NEXT STORY 
