ਨੈਸ਼ਨਲ ਡੈਸਕ: ਮੱਧ ਪ੍ਰਦੇਸ਼ ਦੇ ਸਿੰਗਰੌਲੀ ਜ਼ਿਲ੍ਹੇ 'ਚ 12 ਜੁਲਾਈ ਨੂੰ ਇੱਕ ਬੋਰੀ ਵਿੱਚ ਮਿਲੀ ਇੱਕ ਨੌਜਵਾਨ ਦੀ ਲਾਸ਼ ਦੀ ਗੱਥੀ ਪੁਲਸ ਨੇ ਆਖਰਕਾਰ ਸੁਲਝਾ ਲਈ ਹੈ। ਇਸ ਮਾਮਲੇ 'ਚ ਹੋਏ ਖੁਲਾਸੇ ਬਹੁਤ ਹੈਰਾਨ ਕਰਨ ਵਾਲੇ ਹਨ। ਨੌਜਵਾਨ ਦਾ ਕਤਲ ਉਸਦੀ ਆਪਣੀ ਭੈਣ ਨੇ ਹੀ ਕੀਤਾ ਸੀ। ਭੈਣ ਨੇ ਆਪਣੇ ਸ਼ਰਾਬੀ ਤੇ ਹਿੰਸਕ ਭਰਾ ਤੋਂ ਤੰਗ ਆ ਕੇ 10 ਹਜ਼ਾਰ ਰੁਪਏ ਦਾ ਸੌਦਾ ਦੇ ਕੇ ਉਸਨੂੰ ਮਾਰ ਦਿੱਤਾ। ਪੁਲਸ ਨੇ ਇਸ ਮਾਮਲੇ ਵਿੱਚ ਤਿੰਨ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਇਹ ਵੀ ਪੜ੍ਹੋ...ਬਾਥਰੂਮ 'ਚ ਅਚਾਨਕ ਡਿੱਗੇ ਸਿੱਖਿਆ ਮੰਤਰੀ, ਸਿਰ 'ਚ ਲੱਗੀ ਗੰਭੀਰ ਸੱਟ
ਇਹ ਮਾਮਲਾ ਲੰਘਾਧੋਲ ਥਾਣਾ ਖੇਤਰ ਦਾ ਹੈ, ਜਿੱਥੇ ਤਾਲ ਪਿੰਡ 'ਚ ਗੋਪੜ ਨਦੀ ਦੇ ਕੰਢੇ ਇੱਕ ਬੋਰੀ ਵਿੱਚ ਇੱਕ ਨੌਜਵਾਨ ਦੀ ਲਾਸ਼ ਮਿਲੀ। ਪੋਸਟਮਾਰਟਮ ਰਿਪੋਰਟ 'ਚ ਖੁਲਾਸਾ ਹੋਇਆ ਕਿ ਉਸਦਾ ਗਲਾ ਘੁੱਟ ਕੇ ਕਤਲ ਕੀਤਾ ਗਿਆ ਸੀ। ਲਾਸ਼ ਦੀ ਪਛਾਣ ਨਾ ਹੋਣ ਕਾਰਨ ਪੁਲਸ ਨੇ ਫੋਟੋ ਗੁਆਂਢੀ ਰਾਜਾਂ ਛੱਤੀਸਗੜ੍ਹ ਅਤੇ ਉੱਤਰ ਪ੍ਰਦੇਸ਼ ਨੂੰ ਭੇਜ ਦਿੱਤੀ। ਕਾਫ਼ੀ ਕੋਸ਼ਿਸ਼ਾਂ ਤੋਂ ਬਾਅਦ ਲਾਸ਼ ਦੀ ਪਛਾਣ ਛੱਤੀਸਗੜ੍ਹ ਦੇ ਮੁਕਰਿਲ ਪਿੰਡ ਦੇ ਰਹਿਣ ਵਾਲੇ ਲਾਲ ਬਹਾਦਰ ਸਿੰਘ ਵਜੋਂ ਹੋਈ।
ਇਹ ਵੀ ਪੜ੍ਹੋ...ਅਣਪਛਾਤਿਆਂ ਨੇ ਦੁਕਾਨਦਾਰ 'ਤੇ ਚਲਾਈ ਗੋਲੀ, ਗੰਭੀਰ ਜ਼ਖਮੀ
ਮ੍ਰਿਤਕ ਦੇ ਭਰਾ ਸ਼ਿਵਪ੍ਰਸਾਦ ਨੂੰ ਆਪਣੀ ਭੈਣ ਫੂਲਮਤੀ ਸਿੰਘ 'ਤੇ ਸ਼ੱਕ ਸੀ। ਜਦੋਂ ਪੁਲਿਸ ਨੇ ਫੂਲਮਤੀ ਤੋਂ ਪੁੱਛਗਿੱਛ ਕੀਤੀ ਤਾਂ ਉਸਨੇ ਆਪਣਾ ਜੁਰਮ ਕਬੂਲ ਕਰ ਲਿਆ। ਉਸਨੇ ਦੱਸਿਆ ਕਿ ਉਸਦਾ ਭਰਾ ਸ਼ਰਾਬ ਪੀ ਕੇ ਉਸਨੂੰ ਅਤੇ ਉਸਦੀ ਮਾਂ ਨੂੰ ਕੁੱਟਦਾ ਸੀ। ਇਸ ਕਾਰਨ ਉਹ ਲੰਬੇ ਸਮੇਂ ਤੋਂ ਪਰੇਸ਼ਾਨ ਸੀ। ਉਸਨੇ ਆਪਣੇ ਜਾਣਕਾਰਾਂ ਸ਼ਿਵ ਕੈਲਾਸ਼ ਸਿੰਘ ਅਤੇ ਭੂਪਤ ਸਿੰਘ ਨੂੰ 10,000 ਰੁਪਏ ਦਿੱਤੇ ਅਤੇ ਉਨ੍ਹਾਂ ਨੂੰ ਆਪਣੇ ਭਰਾ ਨੂੰ ਮਾਰਨ ਲਈ ਮਨਾ ਲਿਆ।
ਇਹ ਵੀ ਪੜ੍ਹੋ...'ਆਪ੍ਰੇਸ਼ਨ ਮੁਸਕਾਨ' ਤਹਿਤ 7,000 ਤੋਂ ਵੱਧ ਬੱਚਿਆਂ ਨੂੰ ਬਚਾਇਆ, ਵੱਖ-ਵੱਖ ਥਾਵਾਂ 'ਤੇ ਕਰ ਰਹੇ ਸਨ ਮਜ਼ਦੂਰੀ
8 ਜੁਲਾਈ ਨੂੰ ਜਦੋਂ ਲਾਲ ਬਹਾਦਰ ਸ਼ਰਾਬੀ ਸੀ, ਤਾਂ ਦੋਵਾਂ ਨੇ ਉਸਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਫਿਰ ਉਨ੍ਹਾਂ ਨੇ ਲਾਸ਼ ਨੂੰ ਬੋਰੀ ਵਿੱਚ ਭਰ ਕੇ ਗੋਪੜ ਨਦੀ ਵਿੱਚ ਸੁੱਟ ਦਿੱਤਾ। ਪੁਲਸ ਨੇ ਤਿੰਨਾਂ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਮਾਮਲੇ ਦੀ ਜਾਂਚ ਜਾਰੀ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
2 ਮੋਟਰਸਾਈਕਲਾਂ ਦੀ ਆਹਮੋ-ਸਾਹਮਣੀ ਟੱਕਰ ਨੇ ਬੁਝਾ'ਤੇ 3 ਘਰਾਂ ਦੇ ਚਿਰਾਗ
NEXT STORY 
