ਨਵੀਂ ਦਿੱਲੀ : ਦਿੱਲੀ ਦੀ ਇੱਕ ਅਦਾਲਤ ਨੇ ਸ਼ੁੱਕਰਵਾਰ ਨੂੰ AIADMK ਦੇ 'ਦੋ ਪੱਤੀ' ਚੋਣ ਨਿਸ਼ਾਨ ਨਾਲ ਸਬੰਧਤ ਰਿਸ਼ਵਤ ਦੇ ਮਾਮਲੇ ਵਿਚ ਕਥਿਤ ਠੱਗ ਸੁਕੇਸ਼ ਚੰਦਰਸ਼ੇਖਰ ਨੂੰ ਜ਼ਮਾਨਤ ਦੇ ਦਿੱਤੀ ਹੈ। ਅਦਾਲਤ ਨੇ ਕਿਹਾ ਕਿ ਚੰਦਰਸ਼ੇਖਰ ਪਹਿਲਾਂ ਹੀ ਉਸ ਅਪਰਾਧ ਲਈ ਨਿਰਧਾਰਤ ਅਧਿਕਤਮ ਕੈਦ ਦੀ ਸਜ਼ਾ ਤੋਂ ਵੱਧ ਸਮਾਂ ਹਿਰਾਸਤ ਵਿੱਚ ਕੱਟ ਚੁੱਕਾ ਹੈ ਜਿਸਦਾ ਉਹ ਦੋਸ਼ੀ ਹੈ। ਵਿਸ਼ੇਸ਼ ਜੱਜ ਵਿਸ਼ਾਲ ਗੋਗਨੇ ਨੇ ਸੁਕੇਸ਼ ਨੂੰ 5 ਲੱਖ ਰੁਪਏ ਦੇ ਨਿੱਜੀ ਮੁਚਲਕੇ 'ਤੇ ਰਾਹਤ ਦਿੱਤੀ।
ਚੰਦਰਸ਼ੇਖਰ 'ਤੇ ਏਆਈਏਡੀਐੱਮਕੇ ਨੇਤਾ ਟੀਟੀਵੀ ਦਿਨਾਕਰਨ ਲਈ ਵਿਚੋਲੇ ਵਜੋਂ ਕੰਮ ਕਰਨ ਅਤੇ ਵੀਕੇ ਸ਼ਸ਼ੀਕਲਾ ਦੀ ਅਗਵਾਈ ਵਾਲੇ ਪਾਰਟੀ ਧੜੇ ਲਈ 'ਦੋ ਪੱਤੀ' ਚੋਣ ਨਿਸ਼ਾਨ ਪ੍ਰਾਪਤ ਕਰਨ ਲਈ ਭਾਰਤੀ ਚੋਣ ਕਮਿਸ਼ਨ ਦੇ ਅਧਿਕਾਰੀ ਨੂੰ ਰਿਸ਼ਵਤ ਦੇਣ ਦਾ ਦੋਸ਼ ਹੈ। ਇਸਤਗਾਸਾ ਪੱਖ ਦੇ ਅਨੁਸਾਰ, ਮੁਲਜ਼ਮਾਂ ਤੋਂ 1.3 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਗਈ ਸੀ, ਜੋ ਕਥਿਤ ਤੌਰ 'ਤੇ ਅੰਨਾਦ੍ਰਮੁਕ ਦੇ ਸ਼ਸ਼ੀਕਲਾ ਧੜੇ ਦੇ ਹੱਕ ਵਿੱਚ ਚੋਣ ਨਿਸ਼ਾਨ ਅਲਾਟ ਕਰਨ ਲਈ ਚੋਣ ਕਮਿਸ਼ਨ 'ਤੇ ਨਾਜਾਇਜ਼ ਪ੍ਰਭਾਵ ਪਾਉਣ ਲਈ ਵਰਤੀ ਗਈ ਸੀ। ਹਾਲਾਂਕਿ ਚੰਦਰਸ਼ੇਖਰ ਆਪਣੇ ਖਿਲਾਫ ਦਰਜ ਹੋਰ ਪੈਂਡਿੰਗ ਮਾਮਲਿਆਂ 'ਚ ਜੇਲ੍ਹ 'ਚ ਹੀ ਰਹੇਗਾ।
ਜੱਜ ਨੇ ਆਪਣੇ ਆਦੇਸ਼ ਵਿੱਚ ਕਿਹਾ ਕਿ ਚੰਦਰਸ਼ੇਖਰ ਦੀ ਸੱਤ ਸਾਲਾਂ ਤੋਂ ਵੱਧ ਸਮੇਂ ਤੱਕ ਨਜ਼ਰਬੰਦੀ ਕਾਰਨ ਉਸਦੀ ਲਾਜ਼ਮੀ ਰਿਹਾਈ ਜ਼ਰੂਰੀ ਹੈ। ਮੁਲਜ਼ਮ ਨੂੰ ਕੈਦ ਦੀ ਵੱਧ ਤੋਂ ਵੱਧ ਮਿਆਦ ਲਈ ਨਜ਼ਰਬੰਦ ਕੀਤਾ ਗਿਆ ਹੈ ਅਤੇ ਉਸ ਦੀ ਰਿਹਾਈ 'ਤੇ ਕਾਨੂੰਨ ਦੁਆਰਾ ਕੋਈ ਪਾਬੰਦੀ ਨਹੀਂ ਹੈ। ਅਦਾਲਤ ਨੇ ਕਿਹਾ ਕਿ ਕਾਨੂੰਨ ਦੀ ਨਿਆਂਇਕ ਵਿਆਖਿਆ 'ਜ਼ਰੂਰੀ ਤੌਰ 'ਤੇ ਪੁਲਸ ਰਾਜ ਦੇ ਵਿਰੁੱਧ ਸੁਰੱਖਿਆ ਕਵੱਚ ਹੋਣੀ ਚਾਹੀਦੀ ਹੈ।'
ਕਸ਼ਮੀਰ ਦੇ ਪਹਾੜੀ ਇਲਾਕਿਆਂ ’ਚ ਹੋਈ ਮੌਸਮ ਦੀ ਪਹਿਲੀ ਬਰਫਬਾਰੀ
NEXT STORY 
