ਉੱਤਰਾਕਾਸ਼ੀ- ਉੱਤਰਾਖੰਡ ਦੇ ਉੱਚ ਪਹਾੜੀ ਇਲਾਕੇ ਵਿਚ ਹੋਏ ਭਾਰੀ ਲੈਂਡ ਸਲਾਈਡ ਕਾਰਨ ਯਮੁਨੋਤਰੀ ਧਾਮ ਦੀ ਯਾਤਰਾ ਅਸਥਾਈ ਤੌਰ 'ਤੇ ਰੋਕ ਦਿੱਤੀ ਗਈ ਹੈ। ਲੈਂਡ ਸਲਾਈਡ ਦੀ ਲਪੇਟ ਵਿਚ ਆ ਕੇ ਦੋ ਸ਼ਰਧਾਲੂ ਲਾਪਤਾ ਹੋ ਗਏ ਹਨ, ਜਿਨ੍ਹਾਂ ਦੀ ਭਾਲ ਜਾਰੀ ਹੈ। ਜਿਸ ਵਿਚ ਖੋਜੀ ਕੁੱਤਿਆਂ ਦੀ ਮਦਦ ਲਈ ਜਾ ਰਹੀ ਹੈ। ਦੱਸ ਦੇਈਏ ਕਿ ਮੰਗਲਵਾਰ ਰਾਤ ਨੂੰ ਜੰਮਕੂਟੀ ਅਤੇ ਹਨੂੰਮਾਨ ਚੱਟੀ ਦੇ ਵਿਚਕਾਰ ਮਿੱਟੀ ਅਤੇ ਭਾਰੀ ਪੱਥਰ ਡਿੱਗੇ। ਇਸ ਦੌਰਾਨ ਕੁਝ ਯਾਤਰੀ ਰਸਤੇ 'ਚ ਫਸ ਗਏ। ਦੋ ਯਾਤਰੀਆਂ-ਜਿਨ੍ਹਾਂ ਦੀ ਪਛਾਣ ਨਵੀਂ ਦਿੱਲੀ ਦੇ ਕ੍ਰਿਸ਼ਨਾ ਵਿਹਾਰ ਦੀ ਰਹਿਣ ਵਾਲੀ ਭਾਵਿਕਾ ਸ਼ਰਮਾ (11) ਅਤੇ ਮੁੰਬਈ ਦੇ ਕਮਲੇਸ਼ ਜੇਠਵਾ ਅਜੇ ਵੀ ਲਾਪਤਾ ਹਨ।
ਪਹਾੜੀ ਤੋਂ ਜ਼ਮੀਨ ਖਿਸਕਣ ਕਾਰਨ ਮਲਬੇ ਅਤੇ ਪੱਥਰਾਂ ਦੀ ਲਪੇਟ ਵਿੱਚ ਆਉਣ ਤੋਂ ਬਾਅਦ ਸ਼ਰਧਾਲੂ ਖੱਡ ਵਿੱਚ ਡਿੱਗ ਪਏ। ਲਾਪਤਾ ਸ਼ਰਧਾਲੂਆਂ ਦੀ ਭਾਲ ਲਈ ਸਟੇਟ ਡਿਜ਼ਾਸਟਰ ਰਿਸਪਾਂਸ ਫੋਰਸ, ਨੈਸ਼ਨਲ ਡਿਜ਼ਾਸਟਰ ਰਿਸਪਾਂਸ ਫੋਰਸ ਅਤੇ ਪੁਲਿਸ ਵੱਲੋਂ ਇੱਕ ਸਾਂਝਾ ਸਰਚ ਆਪ੍ਰੇਸ਼ਨ ਚਲਾਇਆ ਜਾ ਰਿਹਾ ਹੈ। ਰਸਤਾ ਬੰਦ ਹੋਣ ਕਾਰਨ ਯਮੁਨੋਤਰੀ ਧਾਮ ਵੱਲ ਜਾਣ ਵਾਲੇ ਯਾਤਰੀਆਂ ਨੂੰ ਹਨੂੰਮਾਨ ਚੱਟੀ ਤੋਂ ਵਾਪਸ ਮੋੜਿਆ ਜਾ ਰਿਹਾ ਹੈ।
ਇਲਾਕੇ 'ਚ ਭਾਰੀ ਮੀਂਹ ਕਾਰਨ ਸਰਕਾਰੀ ਹਿਦਾਇਤਾਂ ਦੇ ਤਹਿਤ ਅਗਲੇ 24 ਘੰਟਿਆਂ ਲਈ ਯਮੁਨੋਤਰੀ ਯਾਤਰਾ ਰੋਕ ਦਿੱਤੀ ਗਈ ਹੈ। ਮੌਸਮ ਵਿਭਾਗ ਨੇ ਹੋਰ ਭਾਰੀ ਮੀਂਹ ਪੈਣ ਦੀ ਚਿਤਾਵਨੀ ਦਿੱਤੀ ਹੈ। ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਯਾਤਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਜਗ੍ਹਾ 'ਤੇ ਰੁਕਣ ਜਾਂ ਯਾਤਰਾ ਕਰਨ ਤੋਂ ਪਹਿਲਾਂ ਸੁਰੱਖਿਆ ਹਦਾਇਤਾਂ ਦੀ ਪਾਲਣਾ ਕਰਨ ਅਤੇ ਸਰਕਾਰੀ ਜਾਣਕਾਰੀਆਂ ਉੱਤੇ ਹੀ ਨਿਰਭਰ ਰਹਿਣ।
ਮਜੀਠੀਆ ਦੀ ਗ੍ਰਿਫ਼ਤਾਰੀ ਮਗਰੋਂ ਕੇਜਰੀਵਾਲ ਦਾ ਵੱਡਾ ਬਿਆਨ, ਕਿਹਾ-ਬਖ਼ਸ਼ੇ ਨਹੀਂ ਜਾਣਗੇ ਨਸ਼ਾ ਤਸਕਰ
NEXT STORY 
