ਕਟੜਾ, (ਅਮਿਤ)- ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਸ਼੍ਰਾਈਨ ਬੋਰਡ ਵੱਲੋਂ ਸ਼ਰਧਾਲੂਆਂ ਲਈ ਮਹੱਤਵਪੂਰਨ ਆਰ. ਐੱਫ. ਆਈ. ਡੀ. ਕਾਰਡ ਦੀ ਮਿਆਦ ’ਚ ਬਦਲਾਅ ਕੀਤਾ ਗਿਆ ਹੈ। ਨਵੇਂ ਨਿਯਮਾਂ ਤਹਿਤ ਹੁਣ ਸ਼ਰਧਾਲੂਆਂ ਨੂੰ ਆਰ. ਐੱਫ. ਆਈ. ਡੀ. ਕਾਰਡ ਲੈਣ ਦੇ 10 ਘੰਟਿਆਂ ਅੰਦਰ ਬਾਣਗੰਗਾ, ਤਾਰਾਕੋਟ ਸਮੇਤ ਹੈਲੀਪੈਡ ਵਰਗੇ ਪ੍ਰਵੇਸ਼ ਦੁਆਰ ਪਾਰ ਕਰਨੇ ਪੈਣਗੇ, ਨਹੀਂ ਤਾਂ ਉਨ੍ਹਾਂ ਦਾ ਆਰ. ਐੱਫ. ਆਈ. ਡੀ. ਕਾਰਡ ਜਾਇਜ਼ ਨਹੀਂ ਮੰਨਿਆ ਜਾਵੇਗਾ।
ਸ਼੍ਰਾਈਨ ਬੋਰਡ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਆਰ. ਐੱਫ. ਆਈ. ਡੀ. ਕਾਰਡ ਯਾਤਰਾ ਮਾਰਗ ’ਤੇ ਪ੍ਰਵੇਸ਼ ਕਰਨ ਤੋਂ ਬਾਅਦ 24 ਘੰਟਿਆਂ ਤੱਕ ਵੈਸ਼ਨੋ ਦੇਵੀ ਭਵਨ ਵਿਖੇ ਦਰਸ਼ਨਾਂ ਲਈ ਜਾਇਜ਼ ਹੋਵੇਗਾ। ਇਸ ਤੋਂ ਪਹਿਲਾਂ ਆਰ. ਐੱਫ. ਆਈ. ਡੀ. ਕਾਰਡ ਲੈਣ ਤੋਂ 12 ਘੰਟਿਆਂ ਤਕ ਯਾਤਰਾ ਮਾਰਗ ’ਤੇ ਪ੍ਰਵੇਸ਼ ਕਰਨ ਲਈ ਦਾ ਸਮਾਂ ਮਿਲਦਾ ਸੀ ਪਰ ਹੁਣ ਬੋਰਡ ਨੇ ਇਸ ਨੂੰ ਘਟਾ ਕੇ 10 ਘੰਟੇ ਕਰ ਦਿੱਤਾ ਹੈ।
ਸ਼੍ਰਾਈਨ ਬੋਰਡ ਵੱਲੋਂ ਪਿਛਲੇ ਦਿਨੀਂ ਜਾਰੀ ਹੁਕਮਾਂ ਤਹਿਤ ਆਰ. ਐੱਫ. ਆਈ. ਡੀ. ਕਾਊਂਟਰ ਦੇ ਸਮੇਂ ’ਚ ਵੀ ਤਬਦੀਲੀ ਕੀਤੀ ਗਈ ਸੀ। ਇਸ ਤਹਿਤ ਤਾਰਾਕੋਟ ਕਾਊਂਟਰ ’ਤੇ 24 ਘੰਟੇ ਆਰ. ਐੱਫ. ਆਈ. ਡੀ. ਕਾਰਡ ਉਪਲਬਧ ਹੋ ਰਿਹਾ ਹੈ, ਜਦ ਕਿ ਰੇਲਵੇ ਸਟੇਸ਼ਨ ’ਤੇ ਰਾਤ 12 ਵਜੇ ਤੱਕ ਆਰ. ਐੱਫ. ਆਈ. ਡੀ. ਕਾਰਡ ਦੀ ਸਹੂਲਤ ਮਿਲੇਗੀ।
ਉਥੇ ਹੀ ਆਨਲਾਈਨ ਬੁਕਿੰਗ ਕਰਵਾ ਕੇ ਕਟੜਾ ਪਹੁੰਚੇ ਸ਼ਰਧਾਲੂ ਬਾਣਗੰਗਾ ਕਾਊਂਟਰ ’ਤੇ ਰਾਤ ਦੇ ਸਮੇਂ ਵੀ ਇਥੋਂ ਆਰ. ਐੱਫ. ਆਈ. ਡੀ. ਕਾਰਡ ਪ੍ਰਾਪਤ ਕਰ ਸਕਦੇ ਹਨ। ਦੱਸਣਯੋਗ ਹੈ ਕਿ ਵੈਸ਼ਨੋ ਦੇਵੀ ਦੀ ਯਾਤਰਾ ਦੌਰਾਨ ਆਰ. ਐੱਫ. ਆਈ. ਡੀ. ਕਾਰਡ ਲੈਣਾ ਲਾਜ਼ਮੀ ਹੈ। ਬਿਨਾਂ ਕਾਰਡ ਦੇ ਕਿਸੇ ਵੀ ਸ਼ਰਧਾਲੂ ਨੂੰ ਯਾਤਰਾ ਮਾਰਗ ’ਤੇ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਂਦੀ ਹੈ।
ਕਸ਼ਮੀਰ ’ਚ ਬਰਫਬਾਰੀ ਤੇ ਮੀਂਹ ਜਾਰੀ, ਉੱਤਰ ਭਾਰਤ ’ਚ ਧੁੰਦ ਦਾ ਕਹਿਰ (Video)
NEXT STORY 
