ਹੈਦਰਾਬਾਦ (ਇੰਟ.) : ਪੱਛਮੀ ਏਸ਼ੀਆ ਵਿਚ ਜਾਰੀ ਤਣਾਅ ਦਾ ਅਸਰ ਹੁਣ ਭਾਰਤ ਦੇ ‘ਮੈਡੀਕਲ ਟੂਰਿਜ਼ਮ’ ’ਤੇ ਵੀ ਸਾਫ਼ ਦਿਖਾਈ ਦੇਣ ਲੱਗਾ ਹੈ। ਹੈਦਰਾਬਾਦ ਦੇ ਪ੍ਰਮੁੱਖ ਹਸਪਤਾਲਾਂ ਵਿਚ ਵਿਦੇਸ਼ੀ ਮਰੀਜ਼ਾਂ ਦੀ ਗਿਣਤੀ ਵਿਚ 30 ਤੋਂ 40 ਫੀਸਦੀ ਤੱਕ ਗਿਰਾਵਟ ਦਰਜ ਕੀਤੀ ਗਈ ਹੈ, ਜਿਸ ਨਾਲ ਸਿਹਤ ਸੇਵਾਵਾਂ ਨਾਲ ਜੁੜਿਆ ਅੰਤਰਰਾਸ਼ਟਰੀ ਕਾਰੋਬਾਰ ਪ੍ਰਭਾਵਿਤ ਹੋ ਰਿਹਾ ਹੈ। ਹਸਪਤਾਲਾਂ ਮੁਤਾਬਕ ਜਿਥੇ ਪਹਿਲਾਂ ਹਰ ਮਹੀਨੇ 240-250 ਵਿਦੇਸ਼ੀ ਮਰੀਜ਼ ਇਲਾਜ ਲਈ ਆਉਂਦੇ ਸਨ, ਹੁਣ ਇਹ ਗਿਣਤੀ ਘਟ ਕੇ ਕਰੀਬ 150 ਰਹਿ ਗਈ ਹੈ। ਖਾਸ ਕਰ ਕੇ ਖਾੜੀ ਦੇਸ਼ਾਂ ਬਹਿਰੀਨ, ਓਮਾਨ, ਕੁਵੈਤ, ਸਾਊਦੀ ਅਰਬ ਅਤੇ ਯੂ. ਏ. ਈ. ਤੋਂ ਆਉਣ ਵਾਲੇ ਮਰੀਜ਼ਾਂ ’ਚ ਸਭ ਤੋਂ ਜ਼ਿਆਦਾ ਕਮੀ ਦੇਖੀ ਗਈ ਹੈ।
ਇਹ ਵੀ ਪੜ੍ਹੋ - ਦਿੱਲੀ ਏਅਰਪੋਰਟ 'ਤੇ 'ਫੁੱਲ ਐਮਰਜੰਸੀ', ਯਾਤਰੀਆਂ ਨਾਲ ਭਰੇ ਜਹਾਜ਼ ਦਾ ਇੰਜਣ ਫੇਲ੍ਹ
ਇਲਾਜ ਟਾਲ ਰਹੇ ਮਰੀਜ਼
ਕਿਮਸ (ਕੇ. ਆਈ. ਐੱਮ. ਐੱਸ.) ਹਸਪਤਾਲ ਦੇ ਅਧਿਕਾਰੀਆਂ ਅਨੁਸਾਰ ਕਈ ਮਰੀਜ਼ਾਂ ਨੇ ਮਾਰਚ ਵਿਚ ਤੈਅ ਸਰਜਰੀਆਂ ਨੂੰ ਟਾਲ ਦਿੱਤਾ ਹੈ। ਉਥੇ ਹੀ ਅਪੋਲੋ ਹਸਪਤਾਲ ਦੇ ਡਾਕਟਰਾਂ ਦਾ ਕਹਿਣਾ ਹੈ ਕਿ ਪੱਛਮੀ ਏਸ਼ੀਆ ਤੋਂ ਆਉਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਹੁਣ ਹਫ਼ਤੇ ਵਿਚ 1-2 ਤੱਕ ਰਹਿ ਗਈ ਹੈ, ਜਦਕਿ ਪਹਿਲਾਂ ਇਹ 7-14 ਹੁੰਦੀ ਸੀ। ਕੇਅਰ (ਸੀ. ਏ. ਆਰ. ਈ.) ਹਸਪਤਾਲ ਨੇ ਦੱਸਿਆ ਕਿ ਲਗਭਗ 30 ਫੀਸਦੀ ਮਰੀਜ਼ਾਂ ਨੇ ਇਲਾਜ ਰੱਦ ਜਾਂ ਮੁਲਤਵੀ ਕਰ ਦਿੱਤਾ ਹੈ। ਉਡਾਣਾਂ ਦੇ ਰੂਟ ਬਦਲਣ ਅਤੇ ਸੁਰੱਖਿਆ ਕਾਰਨਾਂ ਕਰ ਕੇ ਯਾਤਰਾ ਦਾ ਸਮਾਂ 14-16 ਘੰਟਿਆਂ ਤੋਂ ਵਧ ਕੇ 2 ਦਿਨਾਂ ਤੱਕ ਪਹੁੰਚ ਗਿਆ ਹੈ, ਜਿਸ ਨਾਲ ਮਰੀਜ਼ਾਂ ਦਾ ਆਉਣਾ ਮੁਸ਼ਕਲ ਹੋ ਗਿਆ ਹੈ।
ਇਹ ਵੀ ਪੜ੍ਹੋ - ਰੁਕ ਸਕਦੀ ਹੈ ਤੁਹਾਡੀ ਪੈਨਸ਼ਨ! ਅੱਜ ਹੀ ਕਰ ਲਓ ਆਹ ਕੰਮ, ਸਰਕਾਰ ਨੇ ਜਾਰੀ ਕਰ 'ਤਾ ਨਿਰਦੇਸ਼
ਏਅਰਲਾਈਨਜ਼ ਦਾ ਅਸਰ
ਮਾਹਿਰਾਂ ਅਨੁਸਾਰ ਐਮੀਰੇਟਸ, ਇਤਿਹਾਦ ਏਅਰਵੇਜ਼, ਕਤਰ ਏਅਰਵੇਜ਼ ਅਤੇ ਓਮਾਨ ਏਅਰ ਵਰਗੀਆਂ ਮੱਧ ਪੂਰਬ ਦੀਆਂ ਏਅਰਲਾਈਨਜ਼ ਨੇ ਉਡਾਣਾਂ ਵਿਚ ਕਟੌਤੀ ਕੀਤੀ ਹੈ, ਜਿਸ ਨਾਲ ਕਨੈਕਟੀਵਿਟੀ ਪ੍ਰਭਾਵਿਤ ਹੋਈ ਹੈ ਅਤੇ ਕਿਰਾਏ ਵੀ ਕਾਫ਼ੀ ਵਧ ਗਏ ਹਨ। ਜੋ ਟਿਕਟ ਪਹਿਲਾਂ 90 ਹਜ਼ਾਰ ਤੋਂ 1.4 ਲੱਖ ਰੁਪਏ ਵਿਚ ਮਿਲਦੀ ਸੀ, ਉਹ ਹੁਣ 2.2 ਤੋਂ 2.8 ਲੱਖ ਰੁਪਏ ਤੱਕ ਪਹੁੰਚ ਗਈ ਹੈ।
ਇਹ ਵੀ ਪੜ੍ਹੋ - 3 ਮਿੰਟ 'ਚ ਮਿਲੇਗਾ ਭਰਿਆ ਸਿਲੰਡਰ, ਇਸ ਸੂਬੇ 'ਚ ਸ਼ੁਰੂ ਹਾਈ-ਟੈਕ ਸਰਵਿਸ
ਅਫਰੀਕਾ ਰੂਟ ਵੀ ਪ੍ਰਭਾਵਿਤ
ਇਥੋਪੀਅਨ ਏਅਰਲਾਈਨਜ਼ ਰਾਹੀਂ ਹੈਦਰਾਬਾਦ ਤੋਂ ਅਫਰੀਕਾ ਦੀ ਸਿੱਧੀ ਕਨੈਕਟੀਵਿਟੀ ਬਿਹਤਰ ਹੋਈ ਸੀ ਪਰ ਮੌਜੂਦਾ ਹਾਲਾਤ ਵਿਚ ਉੱਥੋਂ ਆਉਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵੀ ਘਟ ਗਈ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਗਿਰਾਵਟ ਅਸਥਾਈ ਹੈ। ਹਾਲਾਤ ਆਮ ਹੋਣ ’ਤੇ ਭਾਰਤ, ਖਾਸ ਕਰ ਕੇ ਹੈਦਰਾਬਾਦ, ਇਕ ਵਾਰ ਫਿਰ ਮੈਡੀਕਲ ਟੂਰਿਜ਼ਮ ਦਾ ਪ੍ਰਮੁੱਖ ਕੇਂਦਰ ਬਣ ਸਕਦਾ ਹੈ, ਕਿਉਂਕਿ ਇਥੇ ਬਿਹਤਰ ਇਲਾਜ ਅਤੇ ਮੁਕਾਬਲਤਨ ਘੱਟ ਲਾਗਤ ਉਪਲਬਧ ਹੈ।
ਇਹ ਵੀ ਪੜ੍ਹੋ - ਰਾਸ਼ਨ ਕਾਰਡ 'ਤੇ ਅਪ੍ਰੈਲ ਤੋਂ ਮਿਲੇਗਾ ਇੱਕਠਾ 3 ਮਹੀਨਿਆਂ ਦਾ ਰਾਸ਼ਨ, ਕੇਂਦਰ ਸਰਕਾਰ ਦਾ ਵੱਡਾ ਫੈਸਲਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਕਲਯੁਗੀ ਪੁੱਤ ਦਾ ਕਾਰਾ: ਮਾਂ ਦਾ ਕੀਤਾ ਕਤਲ, ਫਿਰ 'ਹਾਰਟ ਅਟੈਕ' ਦਾ ਡਰਾਮਾ ਰਚ ਲੋਕਾਂ ਨੂੰ ਕੀਤਾ ਗੁਮਰਾਹ
NEXT STORY 
