ਨਵੇਂ ਸਾਲ 'ਤੇ WhatsApp ਦਾ ਝਟਕਾ! iPhone-Samsung ਸਣੇ ਇਨ੍ਹਾਂ ਫੋਨਾਂ 'ਤੇ ਬੰਦ ਹੋ ਗਿਆ ਐਪ

Edited By Rakesh,
Updated: 01 Jan, 2023 05:37 PM

whatsapp stops working on these 49 smartphones

ਗੈਜੇਟ ਡੈਸਕ- ਵਟਸਐਪ ਨੇ ਨਵੇਂ ਸਾਲ 'ਤੇ ਕਈ ਯੂਜ਼ਰਜ਼ ਨੂੰ ਝਟਕਾ ਦਿੱਤਾ ਹੈ। ਕੰਪਨੀ ਨੇ ਮੈਸੇਜਿੰਗ ਐਪ ਦਾ ਸਪੋਰਟ ਕਈ ਸਮਾਰਟਫੋਨਜ਼ ਲਈ ਬੰਦ ਕਰ ਦਿੱਤਾ ਹੈ। ਇਹ ਸਪੋਰਟ ਖਤਮ ਹੋਣ ਤੋਂ ਬਾਅਦ ਯੂਜ਼ਰਜ਼ ਨੂੰ ਸਕਿਓਰਿਟੀ ਅਤੇ ਦੂਜੇ ਫੀਚਰਜ਼ ਨਹੀਂ ਮਿਲਣਗੇ। ਬਾਅਦ 'ਚ ਵਟਸਐਪ ਵੀ ਕੰਮ ਕਰਨਾ ਬੰਦ ਕਰ ਦੇਵੇਗਾ।

ਇਹ ਵੀ ਪੜ੍ਹੋ– iPhone 14 ਸੀਰੀਜ਼ ਤੋਂ ਸਸਤੀ ਹੋਵੇਗੀ iPhone 15 ਸੀਰੀਜ਼!, ਕੀਮਤਾਂ ’ਚ ਕਟੌਤੀ ’ਤੇ ਵਿਚਾਰ ਕਰ ਰਹੀ ਐਪਲ

ਪਹਿਲਾਂ ਵੀ ਬੰਦ ਹੁੰਦਾ ਰਿਹਾ ਹੈ ਸਪੋਰਟ

ਹਾਲਾਂਕਿ, ਇਹ ਪਹਿਲੀ ਵਾਰ ਨਹੀਂ ਹੋ ਰਿਹਾ, ਇਸ ਤੋਂ ਪਹਿਲਾਂ ਵੀ ਕੰਪਨੀ ਸਮੇਂ-ਸਮੇਂ 'ਤੇ ਵਟਸਐਪ ਦਾ ਸਪੋਰਟ ਕਈ ਪੁਰਾਣੇ ਫੋਨਾਂ ਲਈ ਖਤਮ ਕਰਦੀ ਰਹਿੰਦੀ ਹੈ। ਇਸਨੂੰ ਲੈ ਕੇ ਗਿਜ਼ਚਾਈਨਾ ਨੇ ਸਭ ਤੋਂ ਪਹਿਲਾਂ ਰਿਪੋਰਟ ਕੀਤਾ ਸੀ। ਇਨ੍ਹਾਂ ਫੋਨਾਂ 'ਚੋਂ 31 ਦਸੰਬਰ ਤੋਂ ਅਪਡੇਟ ਖਤਮ ਕਰ ਦਿੱਤਾ ਗਿਆ ਸੀ। ਕੰਪਨੀ ਨੇ ਇਸ ਵਾਰ ਇਕ-ਦੋ ਨਹੀਂ ਸਗੋਂ 49 ਫੋਨਾਂ ਲਈ ਵਟਸਐਪ ਦਾ ਸਪੋਰਟ ਖਤਮ ਕੀਤਾ ਹੈ। ਇਸ ਵਿਚ ਕੀ ਬ੍ਰਾਂਡਸ ਦੇ ਸਮਾਰਟਫੋਨ ਸ਼ਾਮਲ ਹਨ। ਇਸ ਵਿਚ ਐਪਲ, ਸੈਮਸੰਗ ਤੋਂ ਇਲਾਵਾ ਦੂਜੇ ਬ੍ਰਾਂਡਸ ਵੀ ਸ਼ਾਮਲ ਹਨ। ਹਾਲਾਂਕਿ, ਇਸ ਵਿਚ ਜ਼ਿਆਦਾਤਰ ਯੂਜ਼ਰਜ਼ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ।