ਨਵੀਂ ਦਿੱਲੀ– 26 ਜਨਵਰੀ ਤੋਂ ਬਾਅਦ ਖੂਨ ਨਾਲ ਲੱਥ-ਪੱਥ, ਖੁੱਲ੍ਹੇ ਕੇਸਾਂ ਵਾਲੇ ਇਕ ਸਿੱਖ ਨੌਜਵਾਨ ਦੀਆਂ ਮੁਸਕਰਾਉਂਦੇ ਹੋਏ ਦੀਆਂ ਵਾਇਰਲ ਤਸਵੀਰਾਂ ਅਤੇ ਵੀਡੀਓ ਨੇ ਸੋਸ਼ਲ ਮੀਡੀਆਂ ’ਤੇ ਕਾਫ਼ੀ ਲੋਕਪ੍ਰਿਅਤਾ ਹਾਸਲ ਕੀਤੀ। ਜ਼ਖ਼ਮੀ ਹਾਲਤ ’ਚ ਵੀ ਉਹ ਮੁਸਕਰਾ ਰਿਹਾ ਹੈ। ਤਸਵੀਰਾਂ ਵੇਖ ਕੇ ਹਰ ਕਿਸੇ ਦੇ ਮਨ ’ਚ ਸਵਾਲ ਉੱਠ ਰਿਹਾ ਹੈ ਕਿ ਆਖ਼ਿਰ ਇਹ ਨੌਜਵਾਨ ਕੌਣ ਹੈ ਅਤੇ ਕਿੱਥੋਂ ਆਇਆ ਹੈ? ਇਸ ਨਾਲ ਆਖ਼ਿਰ ਅਜਿਹਾ ਕੀ ਭਾਣਾ ਵਾਪਰ ਗਿਆ ਹੈ? ਅਸੀਂ ਤੁਹਾਨੂੰ ਇਸ ਨੌਜਵਾਨ ਬਾਰੇ ਜਾਣਕਾਰੀ ਦੇਵਾਂਗੇ। ਇਹ ਸਿੱਖ ਨੌਜਵਾਨ ਬਰਨਾਲਾ ਜ਼ਿਲ੍ਹੇ ਦੇ ਪਿੰਡ ਪੰਧੇਰ ਦਾ ਰਹਿਣ ਵਾਲਾ ਹੈ ਅਤੇ ਇਸ ਦਾ ਨਾਂ ਜਗਸੀਰ ਸਿੰਘ (ਜੱਗੀ ਬਾਬਾ) ਹੈ ਜੋ ਕਿ ਪਿਛਲੇ ਕਾਫੀ ਦਿਨਾਂ ਤੋਂ ਕਿਸਾਨ ਅੰਦੋਲਨ ’ਚ ਡਟਿਆ ਹੋਇਆ ਸੀ ਤੇ ਲਾਂਗਰੀ ਦੀ ਸੇਵਾ ਨਿਭਾਉਂਦਾ ਸੀ। ਜੱਗੀ ਸਿੰਘ 26 ਜਨਵਰੀ ਦੀ ਦਿੱਲੀ ’ਚ ਟਰੈਕਟਰ ਪਰੇਡ ਦੌਰਾਨ ਦਿੱਲੀ ਪੁਲਸ ਵਲੋਂ ਕੁੱਟਮਾਰ ਦਾ ਸ਼ਿਕਾਰ ਹੋਇਆ ਸੀ। ਕੁੱਟਮਾਰ ਹੋਣ ਦੇ ਬਾਵਜੂਦ ਉਹ ਦਿੱਲੀ ਪੁਲਸ ਅੱਗੇ ਆਪਣੇ ਹੱਕਾਂ ਦੀ ਆਵਾਜ਼ ਬੁਲੰਦ ਕਰਦਾ ਰਿਹਾ।
ਲੋਕਾਂ ਵਲੋਂ ਅਤੇ ਉਸ ਨਾਲ ਮੌਜੂਦ ਕਿਸਾਨਾਂ ਵਲੋਂ ਇਹ ਸਵਾਲ ਉਠਾਇਆ ਜਾ ਰਿਹਾ ਹੈ ਕਿ ਇਹ ਉਹ ਵਿਅਕਤੀ ਹੈ ਜਿਸ ਨੇ ਕਿਸਾਨ ਅੰਦੋਲਨ ’ਚ ਮੌਜੂਦ ਪੁਲਸ ਪ੍ਰਸ਼ਾਸਨ ਲਈ ਵੀ ਲਾਂਗਰੀ ਦੀ ਸੇਵਾ ਕੀਤੀ ਸੀ, ਪੁਲਸ ਨੂੰ ਇਸ ਨੌਜਵਾਨ ਵਲੋਂ ਲੰਗਰ ਵੀ ਛਕਾਇਆ ਗਿਆ ਸੀ ਫਿਰ ਪੁਲਸ ਨੇ ਇਸ ਨਾਲ ਅਜਿਹਾ ਸਲੂਕ ਕਿਉਂ ਕੀਤਾ ਹੈ? ਜੱਗੀ ਸਿੰਘ ਇਕ ਗ਼ਰੀਬ ਪਰਿਵਾਰ ’ਚੋਂ ਹੈ। ਇੰਨਾ ਹੀ ਨਹੀਂ, ਕਿਸਾਨ ਸੰਘਰਸ਼ ਦੇ ਹੌਂਸਲੇ ਦੀ ਤਸਵੀਰ ਜਗਸੀਰ ਸਿੰਘ (ਜੱਗੀ ਬਾਬਾ) ਕੋਲ ਰਹਿਣ ਲਈ ਇਕ ਛੱਤ ਵੀ ਨਹੀਂ ਹੈ।
ਅੱਜ ਪੰਧੇਰ ਪਿੰਡ ਦੀ ਪੰਚਾਇਤ ਵਲੋਂ ਜਗਸੀਰ ਸਿੰਘ ਦੇ ਘਰ ਲਈ ਜ਼ਮੀਨ ਦਿੱਤੀ ਗਈ। ਪਿੰਡ ਵਾਸੀਆਂ ਵਲੋਂ ਆਪਣੀ ਨੇਕ ਕਮਾਈ ’ਚੋਂ ਇੱਟਾਂ ਤੇ ਰੇਤੇ ਦੀ ਸੇਵਾ ਕਰਕੇ ਬਾਬਾ ਜੱਗੀ ਦੇ ਘਰ ਦੀ ਸ਼ੁਰੂਆਤ ਕਰਵਾਈ ਗਈ। ਪਿੰਡ ਦੀ ਪੰਚਾਇਤ ਨੇ ਲੋਕਾਂ ਨੂੰ ਵੀ ਜੱਗੀ ਸਿੰਘ ਦੇ ਘਰ ਦੀ ਉਸਾਰੀ ਲਈ ਸੇਵਾ ’ਚ ਹਿੱਸਾ ਪਾਉਣ ਦੀ ਅਪੀਲ ਕੀਤੀ ਹੈ।
ਨੋਟ: ਇਸ ਸਿੱਖ ਨੌਜਵਾਨ ਦੀ ਬਹਾਦਰੀ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ।
11 ਸਾਲ ਦੀ ਉਮਰ 'ਚ 5ਵੀਂ 'ਚ ਪੜ੍ਹਨ ਵਾਲਾ ਲਿਵਜੋਤ ਦੇਵੇਗਾ 10ਵੀਂ ਬੋਰਡ ਦੀ ਪ੍ਰੀਖਿਆ
NEXT STORY 
