ਕਟਿਹਾਰ (ਭਾਸ਼ਾ)- ਕੇਂਦਰੀ ਮੰਤਰੀ ਗਿਰੀਰਾਜ ਸਿੰਘ ਨੇ ਕਿਹਾ ਕਿ ਦੇਸ਼ ਭਰ 'ਚ ਕਈ ਥਾਵਾਂ 'ਤੇ ਰਾਮ ਨੌਮੀ ਦੀ ਸ਼ੋਭਾ ਯਾਤਰਾ 'ਤੇ ਹਾਲ ਹੀ 'ਚ ਹੋਏ ਹਮਲੇ ਗੰਗਾ ਜਾਮੁਨੀ ਤਹਿਜ਼ੀਬ ਦੇ ਦਾਅਵਿਆਂ ਦੇ ਉਲਟ ਹਨ। ਗਿਰੀਰਾਜ ਨੇ ਸੋਮਵਾਰ ਦੇਰ ਰਾਤ ਕਟਿਹਾਰ ਦੇ ਸਰਕਟ ਹਾਊਸ 'ਚ ਪੱਤਰਕਾਰਾਂ ਨੂੰ ਕਿਹਾ ਕਿ ਪਾਕਿਸਤਾਨ 'ਚ 'ਹਿੰਦੂ ਲਗਭਗ ਅਲੋਪ ਹੋ ਚੁੱਕੇ ਹਨ ਅਤੇ ਮੰਦਰਾਂ ਦੀ ਵੱਡੇ ਪੱਧਰ 'ਤੇ ਤਬਾਹੀ ਹੋਈ ਹੈ' ਪਰ ਭਾਰਤ ਨੇ ਆਜ਼ਾਦੀ ਤੋਂ ਬਾਅਦ ਨਵੀਆਂ ਮਸਜਿਦਾਂ ਦੇ ਨਿਰਮਾਣ 'ਤੇ ਕੋਈ ਇਤਰਾਜ਼ ਨਹੀਂ ਕੀਤਾ ਅਤੇ ਦੇਸ਼ 'ਚ ਮੁਸਲਮਾਨਾਂ ਦੀ ਆਬਾਦੀ 'ਚ ਕਈ ਗੁਣਾ ਵਾਧਾ ਹੋਇਆ ਹੈ। ਉਨ੍ਹਾਂ ਨੇ ਚਿਤਾਵਨੀ ਦਿੱਤੀ, ਹੁਣ ਸਬਰ ਖ਼ਤਮ ਹੋ ਰਿਹਾ ਹੈ।" ਉਨ੍ਹਾਂ ਨੇ ਆਲ ਇੰਡੀਆ ਮਜਲਿਸ-ਏ-ਇਤੇਹਾਦੁਲ-ਉਲ-ਮੁਸਲੀਮੀਨ (ਏ.ਆਈ.ਐੱਮ.ਆਈ.ਐੱਮ.) ਮੁਖੀ ਅਸਦੁਦੀਨ ਓਵੈਸੀ ਅਤੇ 'ਜਿਨਾਹ ਦੇ ਡੀ.ਐੱਨ.ਏ. ਵਾਲੇ ਧਰਮਨਿਰਪੱਖ ਨੇਤਾਵਾਂ' ਦੀਆਂ ਇਨ੍ਹਾਂ ਟਿੱਪਣੀਆਂ 'ਤੇ ਉਕਤ ਬਿਆਨ ਦਿੱਤਾ ਕਿ ਹਿੰਦੂਆਂ ਨੂੰ ਧਾਰਮਿਕ ਜੁਲੂਸ ਕੱਢਦੇ ਸਮੇਂ ਫਿਰਕਾਪ੍ਰਸਤੀ ਭੜਕਾਉਣ ਤੋਂ ਬਚਣ ਲਈ ਮੁਸਲਿਮ ਪ੍ਰਭਾਵ ਵਾਲੇ ਖੇਤਰਾਂ 'ਚ ਜਾਣ ਤੋਂ ਬਚਣਾ ਚਾਹੀਦਾ ਹੈ।
ਸਿੰਘ ਨੇ ਕਿਹਾ,''ਇਸ ਦੇਸ਼ 'ਚ ਨਹੀਂ ਤਾਂ ਰਾਮ ਨੌਮੀ ਦੀ ਸ਼ੋਭਾ ਯਾਤਰਾ ਕਿੱਥੇ ਕੱਢਾਂਗੇ? ਪਾਕਿਸਤਾਨ, ਬੰਗਲਾਦੇਸ਼ ਅਤੇ ਅਫਗਾਨਿਸਤਾਨ 'ਚ? ਜੇਕਰ ਕਿਸੇ ਹੋਰ ਧਰਮ ਦੇ ਜਲੂਸਾਂ 'ਤੇ ਹਮਲਾ ਹੁੰਦਾ ਤਾਂ (ਕਾਂਗਰਸ ਨੇਤਾ) ਰਾਹੁਲ ਗਾਂਧੀ ਅਤੇ (ਰਾਸ਼ਟਰੀ ਜਨਤਾ ਦਲ ਦੇ ਪ੍ਰਧਾਨ) ਲਾਲੂ ਪ੍ਰਸਾਦ ਵਰਗੇ ਨੇਤਾ ਆਪਣੇ ਸਿਆਸੀ ਪ੍ਰਦਰਸ਼ਨਾਂ ਲਈ ਸੜਕਾਂ 'ਤੇ ਉਤਰ ਜਾਂਦੇ।'' ਬਿਹਾਰ ਦੇ ਬੇਗੂਸਰਾਏ ਤੋਂ ਸੰਸਦ ਮੈਂਬਰ ਸਿੰਘ ਨੇ ਦਿੱਲੀ ਦੇ ਜਹਾਂਗੀਰਪੁਰੀ 'ਚ ਹੋਈ ਘਟਨਾ ਅਤੇ ਕਰਨਾਟਕ ਦੇ ਹੁਬਲੀ 'ਚ ਪੁਲਸ ਅਧਿਕਾਰੀਆਂ 'ਤੇ ਹੋਏ ਹਮਲੇ ਵਰਗੀਆਂ ਘਟਨਾਵਾਂ 'ਤੇ ਨਾਰਾਜ਼ਗੀ ਜ਼ਾਹਰ ਕੀਤੀ। ਉਨ੍ਹਾਂ ਕਿਹਾ ਕਿ ਉਹ ਗੋਰਖਪੁਰ 'ਚ ਹੋਈ ਘਟਨਾ ਤੋਂ ਹੈਰਾਨ ਹਨ, ਜਿੱਥੇ ਇਕ ਆਈ.ਆਈ.ਟੀ. ਗਰੈਜੂਏਟ ਨੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਦੀ ਅਗਵਾਈ ਵਾਲੀ ਧਾਰਮਿਕ ਸੰਸਥਾ ਗੋਰਖਧਾਮ ਬੈਂਚ 'ਚ ਸੁਰੱਖਿਆ ਕਰਮੀਆਂ 'ਤੇ ਹਮਲਾ ਕੀਤਾ। ਸਿੰਘ ਨੇ ਕਿਹਾ,''ਦੇਸ਼ ਦੀ ਵੰਡ 1947 'ਚ ਹੋਈ ਸੀ। ਸਾਨੂੰ ਹਿੰਦੂ ਬਹੁਲ ਜਾਂ ਮੁਸਲਿਮ ਬਹੁਲ ਖੇਤਰਾਂ ਦੀ ਗੱਲ ਕਰ ਕੇ ਫਿਰ ਤੋਂ ਉਹੀ ਗਲਤੀ ਨਹੀਂ ਕਰਨੀ ਚਾਹੀਦੀ। ਕੀ ਮੁਹਰਮ ਦੌਰਾਨ ਤਾਜੀਆ ਦੇ ਜੁਲੂਸ 'ਚ ਹਿੰਦੂ ਦਿਲ ਤੋਂ ਹਿੱਸਾ ਨਹੀਂ ਲੈਂਦੇ?''
‘ਇਰਾਦਾ ਕਰ ਲਿਆ ਹੈ....’ ਲਾਂਚ ਹੋਇਆ ਦਿੱਲੀ ਸਰਕਾਰ ਦਾ ਸਿੱਖਿਆ ਗੀਤ
NEXT STORY 
