ਵੈੱਬ ਡੈਸਕ : ਛੱਤੀਸਗੜ੍ਹ ਦੇ ਦੁਰਗ ਜ਼ਿਲ੍ਹੇ ਤੋਂ ਮਨੁੱਖਤਾ ਨੂੰ ਸ਼ਰਮਸਾਰ ਕਰਨ ਵਾਲਾ ਇੱਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਔਰਤ ਨੇ ਆਪਣੀ ਛੋਟੀ ਭੈਣ ਦੇ 9 ਮਹੀਨੇ ਦੇ ਬੱਚੇ ਨੂੰ ਅਗਵਾ ਕਰ ਕੇ 7 ਲੱਖ ਰੁਪਏ 'ਚ ਵੇਚ ਦਿੱਤਾ। ਇਸ ਸਨਸਨੀਖੇਜ਼ ਖੁਲਾਸੇ 'ਚ ਪੁਲਸ ਨੇ ਔਰਤ ਸਮੇਤ ਚਾਰ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਤੇ ਬੱਚੇ ਨੂੰ ਸੁਰੱਖਿਅਤ ਬਰਾਮਦ ਕਰ ਲਿਆ।
ਵੱਡੀ ਭੈਣ ਨੇ ਭਾਣਜਾ ਅਗਵਾ ਕਰ ਕੇ ਵੇਚਿਆ
ਮਾਮਲਾ ਦੁਰਗ ਦੇ ਕਸਾਰੀਡੀਹ ਦਾ ਹੈ। ਇੱਥੇ ਰਹਿਣ ਵਾਲੀ ਪੀੜਤ ਸੁਖਰੀਨ ਬਾਈ ਨੇ ਮਹਿਲਾ ਪੁਲਸ ਸਟੇਸ਼ਨ ਸੈਕਟਰ-06 'ਚ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸਦੀ ਵੱਡੀ ਭੈਣ ਸੰਗਨੀ ਬਾਈ, ਜੋ ਪਟਨਾ ਦੇ ਇੱਕ ਆਰਕੈਸਟਰਾ 'ਚ ਨੱਚਦੀ ਹੈ, ਨੇ ਉਸਨੂੰ ਜੂਨ ਦੇ ਮਹੀਨੇ 'ਚ ਆਪਣੇ ਪੁੱਤਰ ਨਾਲ ਪਟਨਾ ਬੁਲਾਇਆ ਸੀ।
ਉਹ ਪੰਜ ਦਿਨ ਉੱਥੇ ਰਹੀ। ਜੁਲਾਈ 'ਚ ਸੰਗਨੀ ਅਤੇ ਉਸਦਾ ਪ੍ਰੇਮੀ ਸੰਤੋਸ਼ ਉਸਨੂੰ ਦਾਨਾਪੁਰ ਰੇਲਵੇ ਸਟੇਸ਼ਨ 'ਤੇ ਛੱਡਣ ਆਏ। ਸਟੇਸ਼ਨ 'ਤੇ, ਉਹ ਬੱਚੇ ਨੂੰ ਆਪਣੀ ਗੋਦ ਵਿੱਚ ਲੈ ਗਏ ਅਤੇ ਖਾਣਾ ਲਿਆਉਣ ਦਾ ਬਹਾਨਾ ਬਣਾ ਕੇ ਗਾਇਬ ਹੋ ਗਏ। ਜਦੋਂ ਪੀੜਤਾ ਦੁਰਗ ਵਾਪਸ ਆਈ ਤੇ ਆਪਣੇ ਪਤੀ ਨੂੰ ਘਟਨਾ ਬਾਰੇ ਦੱਸਿਆ ਤਾਂ ਭਿਲਾਈ ਦੇ ਮਹਿਲਾ ਪੁਲਸ ਸਟੇਸ਼ਨ 'ਚ ਸ਼ਿਕਾਇਤ ਦਰਜ ਕਰਵਾਈ ਗਈ। ਪੁਲਸ ਨੇ ਤੁਰੰਤ ਕਾਰਵਾਈ ਸ਼ੁਰੂ ਕਰ ਦਿੱਤੀ ਤੇ ਦੋਸ਼ੀ ਸੰਤੋਸ਼ ਪਾਲ ਦੀ ਮੋਬਾਈਲ ਲੋਕੇਸ਼ਨ ਟ੍ਰੈਕ ਕੀਤੀ।
ਪਟਨਾ ਤੋਂ ਗ੍ਰਿਫ਼ਤਾਰ ਕੀਤਾ ਦੋਸ਼ੀ
ਪੁੱਛਗਿੱਛ ਦੌਰਾਨ ਦੋਸ਼ੀ ਸੰਗਨੀ ਬਾਈ, ਸੰਤੋਸ਼ ਪਾਲ, ਪ੍ਰਦੀਪ ਕੁਮਾਰ ਅਤੇ ਡਾਕਟਰ ਬਾਦਲ ਉਰਫ਼ ਮਿਥਲੇਸ਼ ਦੇ ਨਾਮ ਸਾਹਮਣੇ ਆਏ। ਇਸ ਦੇ ਨਾਲ ਹੀ ਹਰਿਆਣਾ ਦੀ ਰਹਿਣ ਵਾਲੀ ਸੇਵਾਮੁਕਤ ਐੱਫਸੀਆਈ ਚਪੜਾਸੀ ਗੌਰੀ ਮਹਾਤੋ ਨੂੰ ਵੀ ਹਿਰਾਸਤ 'ਚ ਲੈ ਲਿਆ ਗਿਆ।
ਜਾਂਚ 'ਚ ਪਤਾ ਲੱਗਾ ਕਿ ਸੰਗਨੀ ਬਾਈ ਨੇ ਆਪਣੀ ਭੈਣ ਦੇ ਪੁੱਤਰ ਨੂੰ ਅਗਵਾ ਕਰ ਕੇ ਪ੍ਰਦੀਪ ਨੂੰ ਸੌਂਪ ਦਿੱਤਾ ਸੀ। ਪ੍ਰਦੀਪ ਨੇ ਬੱਚੇ ਨੂੰ ਡਾਕਟਰ ਬਾਦਲ ਨੂੰ ਸੌਂਪ ਦਿੱਤਾ। ਇਸ ਤੋਂ ਬਾਅਦ ਬੱਚੇ ਨੂੰ ਗੌਰੀ ਮਹਾਤੋ ਨੂੰ 7 ਲੱਖ ਰੁਪਏ 'ਚ ਵੇਚ ਦਿੱਤਾ ਗਿਆ। ਗੌਰੀ ਮਹਾਤੋ ਦਾ ਕੋਈ ਬੱਚਾ ਨਹੀਂ ਸੀ ਤੇ ਉਸਨੇ ਜਾਇਦਾਦ ਦੇ ਵਿਵਾਦ 'ਚ ਵਾਰਸ ਦੀ ਲੋੜ ਕਾਰਨ ਇਹ ਸੌਦਾ ਕੀਤਾ ਸੀ।
ਬੱਚਾ ਚੋਰੀ ਰੈਕੇਟ ਦਾ ਪਰਦਾਫਾਸ਼
ਦੁਰਗ ਦੇ ਐੱਸਐੱਸਪੀ ਸੁਖਨੰਦਨ ਰਾਠੌਰ ਨੇ ਕਿਹਾ ਕਿ ਮਾਮਲੇ 'ਚ ਤੁਰੰਤ ਕਾਰਵਾਈ ਕਰਦੇ ਹੋਏ ਇੱਕ ਪੁਲਿਸ ਟੀਮ ਬਿਹਾਰ ਭੇਜੀ ਗਈ ਸੀ ਤੇ ਉੱਥੋਂ ਬੱਚੇ ਨੂੰ ਸੁਰੱਖਿਅਤ ਬਰਾਮਦ ਕਰ ਲਿਆ ਗਿਆ। ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿੱਥੋਂ ਉਨ੍ਹਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ। ਏਐੱਸਪੀ ਨੇ ਕਿਹਾ ਕਿ ਇਹ ਇੱਕ ਵੱਡਾ ਬੱਚਾ ਚੋਰੀ ਦਾ ਰੈਕੇਟ ਹੈ। ਦੁਰਗ ਪੁਲਸ ਦੀ ਇਸ ਕਾਰਵਾਈ ਤੋਂ ਬਾਅਦ ਇਲਾਕੇ 'ਚ ਦਹਿਸ਼ਤ ਦਾ ਮਾਹੌਲ ਹੈ ਅਤੇ ਲੋਕ ਇਸਨੂੰ ਬਹੁਤ ਹੀ ਸ਼ਰਮਨਾਕ ਘਟਨਾ ਦੱਸ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
PM ਮੋਦੀ ਦੇ ਇਕ ਐਲਾਨ ਨਾਲ ਸਸਤੇ ਹੋਣਗੇ AC! ਇੰਨੀ ਘਟੇਗੀ ਕੀਮਤ
NEXT STORY 
