ਨਵੀਂ ਦਿੱਲੀ- ਗੂਗਲ ਦੇ ਨਵੇਂ ਪ੍ਰਾਜੈਕਟ ਟੈਬਲੇਟ ਦੀ ਚਰਚਾ ਅਜੇ ਜ਼ੋਰਾਂ 'ਤੇ ਹੈ। ਟੈਕ ਵੈਬਸਾਈਟ Blog Bright ਦੀ ਰਿਪੋਰਟ ਅਨੁਸਾਰ ਗੂਗਲ ਆਪਣੇ ਮੋਸਟ ਅਵੇਟੇਡ ਨੈਕਸਟ ਟੈਬਲੇਟ ਨੈਕਸਸ 9 ਨੂੰ 15 ਅਕਤੂਬਰ ਨੂੰ ਲਾਂਚ ਕਰ ਸਕਦੀ ਹੈ। ਇਸ ਦੇ ਇਕ ਦਿਨ ਬਾਅਦ ਹੀ ਐਪਲ ਇਕ ਈਵੈਂਟ ਕਰ ਰਹੀ ਹੈ ਅਤੇ ਖਬਰ ਹੈ ਕਿ ਇਸ ਈਵੈਂਟ 'ਚ ਆਪਣਾ ਨਵਾਂ ਆਈਪੈਡ ਏਅਰ 2 ਲਾਂਚ ਕਰੇਗੀ। ਇਸ ਵੈਬਸਾਈਟ ਦਾ ਦਾਅਵਾ ਹੈ ਕਿ ਇਸ ਟੈਬਲੇਟ ਦੀ ਕੀਮਤ 399 ਡਾਲਰ ਹੋਵੇਗੀ ਨਾਲ ਹੀ ਇਹ ਟੈਬਲੇਟ 3 ਨਵੰਬਰ ਨੂੰ ਬਾਜ਼ਾਰ 'ਚ ਉਪਲੱਬਧ ਹੋਵੇਗਾ।
ਗੂਗਲ ਇਹ ਟੈਬ htc ਦੇ ਨਾਲ ਮਿਲ ਕੇ ਬਣਾ ਰਹੀ ਹੈ, ਜਿਸ 'ਚ ਇਸ ਟੈਬ ਦਾ ਹੈਂਡਸੈਟ htc ਬਣਾਏਗੀ ਅਤੇ ਇਸ ਦੇ ਇੰਟਰਨਲ ਫੀਚਰਜ਼ 'ਤੇ ਗੂਗਲ ਕੰਮ ਕਰ ਰਿਹਾ ਹੈ। ਇਸ ਟੈਬ ਦਾ ਪ੍ਰੋਸੈਸਰ 2.5 ਗੀਗਾਹਾਰਟਜ਼ ਹੈ ਨਾਲ ਇਸ ਦੀ ਡਿਸਪਲੇ 8.9 ਇੰਚ ਫੁੱਲ ਐਚ.ਡੀ. ਹੋਵੇਗੀ, ਜਿਸ ਦਾ ਪਿਕਸਲ ਰੈਜ਼ੇਲਿਊਸ਼ਨ 2560 ਗੁਣਾ 1440 ਹੈ। ਉਮੀਦ ਹੈ ਕਿ ਇਸ ਟੈਬ ਦੀ ਇੰਟਰਨਲ ਮੈਮੋਰੀ 16 ਜੀ.ਬੀ. ਹੋਵੇਗੀ, ਜਿਸ ਨੂੰ 32 ਜੀ.ਬੀ. ਤਕ ਵਧਾਇਆ ਜਾ ਸਕਦਾ ਹੈ। ਨੈਕਸਸ 9 ਦਾ ਰਿਅਰ ਕੈਮਰਾ 8 ਮੈਗਾਪਿਕਸਲ ਹੋਵੇਗਾ ਜੋ ਹੁਣ ਤਕ ਸਾਰੇ ਟੈਬ ਤੋਂ ਵੱਧ ਹੋ ਸਕਦਾ ਹੈ ਨਾਲ ਹੀ ਟੈਬ ਸਟੀਰਿਓ ਸਾਊਂਡ ਫੀਚਰ ਨਾਲ ਵੀ ਲੈਸ ਹੋਵੇਗਾ। ਇਹ ਟੈਬ ਐਲ.ਈ.ਟੀ. ਕੁਨੈਕਟੀਵਿਟੀ ਸੁਪੋਰਟਿਵ ਹੋਵੇਗਾ।
ਰਿਪੋਰਟ ਦੀ ਮੰਨੀਏ ਤਾਂ ਇਹ ਟੈਬ ਅਗਲੇ ਮਹੀਨੇ ਤਕ ਆਫੀਸ਼ਿਅਲ ਲਾਂਚ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਗੂਗਲ ਦੇ ਨਵੇਂ ਸਮਾਰਟਫੋਨ ਨੂੰ ਹੈਂਡਸੈਟ ਕੰਪਨੀ ਮਟਰੋਲਾ ਬਣਾ ਰਹੀ ਹੈ। ਇਸ ਸਮਾਰਟਫੋਨ ਦਾ ਨਾਮ ਨੈਕਸਸ X ਹੋ ਸਕਦਾ ਹੈ। ਇਸ ਫੋਨ 'ਚ ਵੀ 2.5 ਗੀਗਾਹਾਰਟਜ਼ ਕਾਵਲਕਾਮ 805 ਪ੍ਰੋਸੈਸਰ ਹੋਵੇਗਾ। ਰੈਮ 3 ਜੀ.ਬੀ. ਅਤੇ ਡਿਸਪਲੇ 5.3 ਇੰਚ ਹੋਵੇਗਾ ਤਾਂ ਉਥੇ ਰਿਅਰ ਕੈਮਰਾ 13.1 ਮੈਗਾਪਿਕਸਲ ਹੋਵੇਗਾ। ਦੇਖਣਾ ਦਿਲਚਸਪ ਹੋਵੇਗਾ ਕਿ ਨੈਕਸਸ ਆਈਪੈਡ ਏਅਰ 2 ਦੇ ਬਾਜ਼ਾਰ ਨੂੰ ਕਿੰਨਾ ਪ੍ਰਭਾਵਿਤ ਕਰਦਾ ਹੈ।
ਗੂਗਲ ਨੈਕਸਸ 9 15 ਅਕਤੂਬਰ ਨੂੰ ਹੋ ਸਕਦੈ ਲਾਂਚ, ਆਈਪੈਡ ਏਅਰ 2 ਨੂੰ ਕੜੀ ਟੱਕਰ (ਦੇਖੋ ਤਸਵੀਰਾਂ)
NEXT STORY 
