ਨਵੀਂ ਦਿੱਲੀ- ਦੀਵਾਲੀ ਤੋਂ ਪਹਿਲੇ ਪ੍ਰਚੂਨ ਮਹਿੰਗਾਈ ਦੇ ਮੋਰਚੇ ’ਤੇ ਆਮ ਆਦਮੀ ਦੇ ਲਈ ਖੁਸ਼ਖਬਰੀ ਹੈ। ਫਲ ਅਤੇ ਸਬਜ਼ੀਆਂ ਦੀਆਂ ਕੀਮਤਾਂ ਵਿਚ ਆਈ ਗਿਰਾਵਟ ਨਾਲ ਇਸ ਸਾਲ ਸਤੰਬਰ ਵਿਚ ਪ੍ਰਚੂਨ ਮਹਿੰਗਾਈ 6.46 ਫੀਸਦੀ ’ਤੇ ਆ ਗਈ।
ਤਿਊਹਾਰਾਂ ਤੋਂ ਪਹਿਲੇ ਪ੍ਰਚੂਨ ਮਹਿੰਗਾਈ ’ਚ ਭਾਰੀ ਗਿਰਾਵਟ ਯਕੀਨੀ ਤੌਰ ’ਤੇ ਲੋਕਾਂ ਨੂੰ ਰਾਹਤ ਦੇਣ ਵਾਲੀ ਹੈ। ਦੇਸ਼ ’ਚ ਜਨਵਰੀ 2012 ’ਚ ਉਪਭੋਗਤਾ ਮੁੱਲ ਸੂਚਕ ਅੰਕ (ਸੀ.ਪੀ.ਆਈ.) ਦੀ ਗਿਣਤੀ ਸ਼ੁਰੂ ਹੋਈ ਸੀ, ਉਦੋਂ ਤੋਂ ਪ੍ਰਚੂਨ ਮਹਿੰਗਾਈ ਦਾ ਇਹ ਸਭ ਤੋਂ ਹੇਠਲਾ ਪੱਧਰ ਹੈ।
ਸੀ.ਪੀ.ਆਈ. ਦੇ ਆਧਾਰ ’ਤੇ ਕੁਲ ਖਾਧ ਮਹਿੰਗਾਈ ਵੀ ਸੰਤਬਰ ’ਚ ਘੱਟ ਕੇ 7.67 ਫੀਸਦੀ ’ਤੇ ਆ ਗਈ, ਜੋ ਇਸ ਤੋਂ ਪਿਛਲੇ ਮਹੀਨੇ 9.35 ਫੀਸਦੀ ਅਤੇ ਸਤੰਬਰ 2013 ’ਚ 11.75 ਫੀਸਦੀ ਸੀ।
ਅੰਕੜੇ ਅਤੇ ਪ੍ਰੋਗਰਾਮ ਨੂੰ ਲਾਗੂ ਕਰਨ ਵਾਲੇ ਮੰਤਰਾਲਾ ਵੱਲੋਂ ਜਾਰੀ ਅੰਕੜਿਆਂ ਦੇ ਮੁਤਾਬਕ ਬੀਤੇ ਮਹੀਨੇ ਸਬਜ਼ੀਆਂ ਦੀ ਪ੍ਰਚੂਨ ਮਹਿੰਗਾਈ ਘੱਟ ਕੇ 8.59 ਫੀਸਦੀ ’ਤੇ ਆ ਗਈ, ਜੋ ਅਗਸਤ ’ਚ 15.15 ਫੀਸਦੀ ’ਤੇ ਸੀ। ਯਾਨੀ ਕਿ ਬਾਜ਼ਾਰ ’ਚ ਸਬਜ਼ੀਆਂ ਦੀ ਪ੍ਰਚੂਨ ਕੀਮਤਾਂ ਵਿਚ ਗਿਰਾਵਟ ਆਈ ਹੈ। ਫਲਾਂ ਦੀ ਮਹਿੰਗਾਈ ਵੀ ਅਗਸਤ ਦੇ 24.27 ਫੀਸਦੀ ਦੇ ਮੁਕਾਬਲੇ ਸਤੰਬਰ ਵਿਚ ਘੱਟ ਕੇ 22.4 ਫੀਸਦੀ ਰਹੀ। ਇਸ ਤਰ੍ਹਾਂ ਅੰਡੇ, ਮੱਛੀ ਅਤੇ ਮਾਸ ਜਿਹੇ ਪ੍ਰੋਟੀਨ ਉਤਪਾਦਾਂ ਦੀਆਂ ਕੀਮਤਾਂ ਵੀ ਪਿਛਲੇ ਮਹੀਨੇ ਘੱਟ ਹੋਈਆਂ ਹਨ।
ਥੋਕ ਮਹਿੰਗਾਈ ਦਰ ਦਾ ਅੰਕੜਾ ਮੰਗਲਵਾਰ ਨੂੰ ਜਾਰੀ ਕੀਤਾ ਜਾਵੇਗਾ। ਅਗਸਤ ਵਿਚ ਥੋਕ ਮਹਿੰਗਾਈ ਦਰ 3.74 ਫੀਸਦੀ ’ਤੇ ਸੀ।
ਆਰ.ਬੀ.ਆਈ ਦੀ ਰੁਪਏ ਦੀ ਸੰਦਰਭ ਦਰ
NEXT STORY 
