ਮਰਨ ਵਾਲਾ ਮਰ ਕੇ ਸਵਰਗ 'ਚ ਗਿਆ ਹੈ ਜਾਂ ਨਰਕ 'ਚ? ਜੇ ਕੋਈ ਇਹ ਜਾਣਨਾ ਚਾਹੁੰਦਾ ਹੈ ਤਾਂ ਇਸ ਦੇ ਲਈ ਕਿਸੇ ਸੰਤ ਜਾਂ ਜੋਤਸ਼ੀ ਨੂੰ ਮਿਲਣ ਦੀ ਲੋੜ ਨਹੀਂ, ਸਗੋਂ ਉਸ ਦੀ ਅਰਥੀ ਯਾਤਰਾ ਵਿਚ ਹੋਣ ਵਾਲੀਆਂ ਗੱਲਾਂ ਨੂੰ ਧਿਆਨ ਨਾਲ ਸੁਣਨ ਦੀ ਲੋੜ ਹੈ। ਜੇ ਲੋਕ ਕਹਿ ਰਹੇ ਹੋਣ ਕਿ ਬਹੁਤ ਚੰਗਾ ਆਦਮੀ ਸੀ। ਅਜੇ ਤਾਂ ਸਮਾਜ ਤੇ ਦੇਸ਼ ਨੂੰ ਉਸ ਦੀ ਬਹੁਤ ਲੋੜ ਸੀ, ਜਲਦੀ ਚੱਲ ਵਸਿਆ ਤਾਂ ਸਮਝਣਾ ਚਾਹੀਦਾ ਹੈ ਕਿ ਉਹ ਸਵਰਗ ਵਿਚ ਗਿਆ ਹੈ ਅਤੇ ਜੇ ਲੋਕ ਕਹਿ ਰਹੇ ਹੋਣ ਕਿ ਚੰਗਾ ਹੋਇਆ, ਧਰਤੀ ਦਾ ਇਕ ਪਾਪ ਤਾਂ ਘੱਟ ਹੋਇਆ ਤਾਂ ਸਮਝਣਾ ਚਾਹੀਦਾ ਹੈ ਕਿ ਮਰਨ ਵਾਲਾ ਨਰਕ ਵਿਚ ਗਿਆ ਹੈ।
''ਸੂਰਜ ਨਿਕਲਣ ਦੇ ਨਾਲ ਹੀ ਬਿਸਤਰਾ ਛੱਡ ਦੇਣਾ ਚਾਹੀਦਾ ਹੈ। ਅਜਿਹਾ ਨਾ ਕਰਨ ਨਾਲ ਪਾਪ ਚੜ੍ਹਦਾ ਹੈ। ਔਰਤਾਂ ਜੋ ਕਿ ਘਰ ਦੀਆਂ ਲਕਸ਼ਮੀ ਹਨ, ਇਨ੍ਹਾਂ ਨੂੰ ਵੀ ਸੂਰਜ ਨਿਕਲਣ ਦੇ ਨਾਲ ਹੀ ਉੱਠ ਜਾਣਾ ਚਾਹੀਦਾ ਹੈ। ਲਕਸ਼ਮੀ ਦਾ ਦੇਰ ਨਾਲ ਉੱਠਣਾ ਬਿਲਕੁਲ ਨਹੀਂ ਚੱਲੇਗਾ। ਜਿਨ੍ਹਾਂ ਘਰਾਂ-ਪਰਿਵਾਰਾਂ ਵਿਚ ਆਦਮੀਆਂ ਦੇ ਨਾਲ ਲਕਸ਼ਮੀ ਵੀ ਸਵੇਰੇ ਦੇਰ ਤਕ ਸੁੱਤੀ ਰਹਿੰਦੀ ਹੈ, ਉਨ੍ਹਾਂ ਘਰਾਂ ਦੀ 'ਅਸਲੀ ਲਕਸ਼ਮੀ' ਰੁੱਸ ਜਾਂਦੀ ਹੈ ਅਤੇ ਘਰ ਛੱਡ ਕੇ ਚਲੀ ਜਾਂਦੀ ਹੈ।''
''ਮਾਂ-ਪਿਓ ਦੀਆਂ ਅੱਖਾਂ ਵਿਚ 2 ਵਾਰ ਹੀ ਅੱਥਰੂ ਆਉਂਦੇ ਹਨ। ਇਕ ਤਾਂ ਜਦੋਂ ਕੁੜੀ ਘਰ ਛੱਡੇ ਅਤੇ ਦੂਜਾ ਜਦੋਂ ਮੁੰਡਾ ਮੂੰਹ ਮੋੜੇ। ਪਤਨੀ ਪਸੰਦ ਦੀ ਮਿਲ ਸਕਦੀ ਹੈ ਪਰ ਮਾਂ ਤਾਂ ਪੁੰਨ ਨਾਲ ਹੀ ਮਿਲਦੀ ਹੈ। ਇਸ ਲਈ ਪਸੰਦ ਦੀ ਮਿਲਣ ਵਾਲੀ ਲਈ ਪੁੰਨ ਨਾਲ ਮਿਲਣ ਵਾਲੀ ਨੂੰ ਠੁਕਰਾ ਨਾ ਦੇਣਾ। ਜਦੋਂ ਤੂੰ ਛੋਟਾ ਸੀ ਤਾਂ ਮਾਂ ਦਾ ਬਿਸਤਰਾ ਗਿੱਲਾ ਰੱਖਦਾ ਸੀ, ਹੁਣ ਵੱਡਾ ਹੋਇਆ ਤਾਂ ਮਾਂ ਦੀ ਅੱਖ ਗਿੱਲੀ ਰੱਖਦਾ ਹੈਂ। ਤੂੰ ਕਿਹੋ ਜਿਹਾ ਬੇਟਾ ਏਂ?''
ਜ਼ਿੰਦਗੀ 'ਚ ਚੰਗੀ ਔਲਾਦ, ਜਾਇਦਾਦ ਤੇ ਸਫਲਤਾ ਪੁੰਨ ਨਾਲ ਮਿਲਦੀ ਹੈ
NEXT STORY 
