ਨਵੀਂ ਦਿੱਲੀ- ਵਿਕਰੀ ’ਚ ਵਾਧੇ ਦੇ ਚਲਦੇ ਡੇਅਰੀ ਕੰਪਨੀ ਕੁਆਲਿਟੀ ਲਿਮਟਿਡ ਦਾ ਸ਼ੁੱਧ ਲਾਭ 30 ਸਤੰਬਰ ਨੂੰ ਖਤਮ ਦੂਜੀ ਤਿਮਾਹੀ ’ਚ 22 ਫੀਸਦੀ ਵੱਧ ਕੇ 36.57 ਕਰੋੜ ਰੁਪਏ ਹੋ ਗਿਆ। ਕੰਪਨੀ ਨੇ ਪਿਛਲੇ ਸਾਲ ਇਸੇ ਤਿਮਾਹੀ ’ਚ 29.98 ਕਰੋੜ ਰੁਪਏ ਮੁਨਾਫਾ ਕਮਾਇਆ ਸੀ। ਜੁਲਾਈ-ਸਤੰਬਰ ਤਿਮਾਹੀ ’ਚ ਕੰਪਨੀ ਦੀ ਸ਼ੁੱਧ ਵਿਕਰੀ 1296.87 ਕਰੋੜ ਰੁਪਏ ਹੋ ਗਈ ਜੋ ਇਕ ਸਾਲ ਪਹਿਲੇ 1072.75 ਕਰੋੜ ਰੁਪਏ ਸੀ। ਕੁਆਲਿਟੀ ਲਿਮਟਿਡ ਦੇ ਕਾਰਜਕਾਰੀ ਨਿਰਦੇਸ਼ਕ ਸਿਧੰਤ ਗੁਪਤਾ ਨੇ ਕਿਹਾ ਕਿ ਤੇਜ਼ੀ ਨਾਲ ਵਧਦੀ ਅਰਥਵਿਵਸਥਾ, ਵਧਦੀ ਆਮਦਨ ਅਤੇ ਗਾਹਕਾਂ ਦੀ ਬਦਲਦੀ ਜੀਵਨ ਸ਼ੈਲੀ ਨਾਲ ਡੇਅਰੀ ਉਦਯੋਗ ਦੇ ਲਈ ਨਵਾਂ ਬਾਜ਼ਾਰ ਖੁਲ੍ਹਿਆ ਹੈ। ਅਸੀਂ ਇਸ ਤਿਮਾਹੀ ਵਿਚ ਵਿਕਰੀ ’ਚ 21 ਫੀਸਦੀ ਵਾਧੇ ਨਾਲ ਸੰਤੁਸ਼ਟ ਹਾਂ। ਕੰਪਨੀ ਦੀਆਂ ਉੱਤਰ ਪ੍ਰਦੇਸ਼, ਹਰਿਆਣਾ, ਰਾਜਸਥਾਨ ’ਚ 6 ਦੁੱਧ ਪ੍ਰੋਸੈਸਿੰਗ ਯੂਨਿਟਾਂ ਹਨ। ਇਸ ਦੇ ਨਾਲ ਹੀ ਇਸ ਦਾ ਦੇਸ਼ ਵਿਆਪੀ ਵੰਡ ਨੈੱਟਵਰਕ ਵੀ ਹੈ।
ਜੇ.ਪੀ. ਮਾਰਗਨ ਕਰੇਗੀ 3000 ਮੁਲਾਜ਼ਮਾਂ ਦੀ ਛਾਂਟੀ
NEXT STORY 
