ਬ੍ਰਿਸਬੇਨ-ਪੰਜ ਦਿਨਾਂ ਦੇ ਆਸਟ੍ਰੇਲੀਆ ਦੌਰੇ 'ਤੇ ਸ਼ੁੱਕਰਵਾਰ ਨੂੰ ਬ੍ਰਿਸਬੇਨ ਪਹੁੰਚੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਭ ਤੋਂ ਪਹਿਲਾਂ ਕਵੀਂਸਲੈਂਡ ਯੂਨੀਵਰਸਿਟੀ ਆਫ ਟੈਕਨੋਲੋਜੀ ਦਾ ਦੌਰਾ ਕੀਤਾ। ਇਥੇ ਮੋਦੀ ਦੀ ਮੌਜੂਦਗੀ 'ਚ ਭਾਰਤ ਦਾ ਗਲਤ ਨਕਸ਼ਾ ਦਿਖਾਏ ਜਾਣ 'ਤੇ ਵਿਵਾਦ ਖੜ੍ਹਾ ਹੋ ਗਿਆ। ਕਵੀਂਸਲੈਂਡ ਯੂਨੀਵਰਸਿਟੀ 'ਚ ਪ੍ਰੇਜੈਂਟਸ਼ਨ ਦੌਰਾਨ ਦਿਖਾਏ ਗਏ ਨਕਸ਼ੇ 'ਚ ਕਸ਼ਮੀਰ ਗਾਇਬ ਸੀ। ਹਾਲਾਂਕਿ ਕਵੀਂਸਲੈਂਡ ਯੂਨੀਵਰਸਿਟੀ 'ਚ ਮੋਦੀ ਵੱਖਰੇ ਅੰਦਾਜ਼ 'ਚ ਨਜ਼ਰ ਆਏ। ਚਿੱਟੇ ਰੰਗੀ ਦੀ ਕਮੀਜ਼ ਅਤੇ ਬ੍ਰਾਊਨ ਰੰਗ ਦੀ ਪੈਂਟ 'ਚ ਮੋਦੀ ਬਹੁਤ ਸੋਹਣੇ ਲੱਗ ਰਹੇ ਸਨ। ਮੋਦੀ ਦਾ ਇਹ ਲੁਕ ਸ਼ਾਇਦ ਪਹਿਲੀ ਵਾਰ ਦਿਖਾਈ ਦਿੱਤਾ ਹੈ।
ਕਵੀਂਸਲੈਂਡ ਯੂਨੀਵਰਸਿਟੀ ਪਹੁੰਚੇ ਮੋਦੀ ਨੇ ਉਥੇ ਵਿਦਿਆਰਥੀਆਂ ਨਾਲ ਸੈਲਫੀਆਂ ਵੀ ਖਿਚਾਵਾਈਆਂ। ਇਨ੍ਹਾਂ ਵਿਦਿਆਰਥੀਆਂ 'ਚ ਭਾਰਤੀ ਮੂਲ ਦੇ ਬੱਚੇ ਵੀ ਸਨ। ਮੋਦੀ ਯੂਨੀਵਰਸਿਟੀ 'ਚ ਸਾਇੰਸ, ਇੰਜੀਨੀਅਰਿੰਗ, ਗਣਿਤ ਅਤੇ ਤਕਨੀਕ ਦੀ ਡਿਜ਼ੀਟਲ ਸਿੱਖਿਆ 'ਚ ਦੁਨੀਆ ਦੇ ਇਕ ਸਭ ਤੋਂ ਵੱਡੇ ਕੇਂਦਰ ਦਿ ਕਿਊਬ ਬਾਰੇ 'ਚ ਹੋਰ ਜ਼ਿਆਦਾ ਜਾਨਣ ਨੂੰ ਉਤਸ਼ਾਹਿਤ ਨਜ਼ਰ ਆਏ। ਇਹ ਯੂਨੀਵਰਸਿਟੀ ਦੇ ਗਾਰਡਸ ਪੁਆਇੰਟ ਕੰਪਲੈਕਸ 'ਚ ਸਥਿਤ ਹੈ।
'ਦਿ ਕਿਊਬ' ਹਾਈ ਸਕੂਲ ਦੇ ਵਿਦਿਆਰਥੀ-ਵਿਦਿਆਰਥਣਾਂ, ਯੂਨੀਵਰਸਿਟੀ ਦੇ ਮੈਂਬਰਾਂ ਅਤੇ ਆਮ ਲੋਕਾਂ ਦੇ ਵਿਗਿਆਨਿਕ ਸਰੋਤਾਂ ਦਾ ਕੇਂਦਰ ਹੈ। ਮੋਦੀ ਨੇ ਯੂਨੀਵਰਸਿਟੀ ਕੈਂਪਸ ਸਥਿਤ ਏਗਰੋ ਰੋਬਟ 'ਤੇ ਇਕ ਸੰਦੇਸ਼ ਵੀ ਲਿਖਿਆ। ਯੂਨੀਵਰਸਿਟੀ 'ਚ ਮੋਦੀ ਨਾਲ ਭਾਰਤੀ ਬਿਜ਼ਨਸਮੈਨ ਗੌਤਮ ਅਦਾਣੀ ਵੀ ਮੌਜੂਦ ਸਨ।
ਮਿਆਂਮਰ 'ਚ ਚੋਣਾਂ ਨਿਰਪੱਖ ਅਤੇ ਪਾਰਦਰਸ਼ੀ ਹੋਵੇ : ਓਬਾਮਾ
NEXT STORY 
