* ਕਿਸੇ ਵੀ ਹਾਲਤ ਵਿਚ ਆਪਣੀ ਸ਼ਕਤੀ ਦਾ ਘੁਮੰਡ ਨਾ ਕਰੋ।
* ਜੋ ਘੁਮੰਡ ਕਰਦੇ ਸਨ, ਉਹ ਆਪਣੇ ਘੁਮੰਡ ਕਾਰਨ ਡਿੱਗੇ। ਘੁਮੰਡ ਹੀ ਹਾਰ ਦਾ ਦਰਵਾਜ਼ਾ ਹੈ।
* ਪੱਥਰ ਦੇ ਖੰਭੇ ਵਾਂਗ ਜੀਵਨ ਵਿਚ ਕਦੇ ਨਾ ਝੁਕਣ ਵਾਲਾ ਆਤਮਾ ਨੂੰ ਨਰਕ ਵੱਲ ਲੈ ਜਾਂਦਾ ਹੈ।
* ਜਿਸ ਨੂੰ ਹੋਸ਼ ਹੈ, ਉਹ ਕਦੇ ਘੁਮੰਡ ਨਹੀਂ ਕਰਦਾ।
* ਘੁਮੰਡੀ ਆਦਮੀ ਅਕਸਰ ਸ਼ੱਕੀ ਹੁੰਦਾ ਹੈ।
* ਜੋ ਦੁਨੀਆ ਦੀਆਂ ਥੋੜ੍ਹੀਆਂ ਜਿਹੀਆਂ ਚੀਜ਼ਾਂ ਨਾਲ ਹੀ ਸੰਤੁਸ਼ਟ ਹੋ ਜਾਂਦਾ ਹੈ, ਉਸ ਨੂੰ ਸੱਚੀ ਸ਼ਾਂਤੀ ਮਿਲਦੀ ਹੈ।
* ਸ਼ਾਂਤੀ ਦੇ ਦੂਤਾਂ ਨੂੰ ਫਾਇਰ ਬ੍ਰਿਗੇਡ ਵਾਂਗ ਨਹੀਂ ਹੋਣਾ ਚਾਹੀਦਾ, ਜੋ ਅਲਾਰਮ ਮਿਲਣ ਰੁਕਿਆ ਰਹਿੰਦਾ ਹੈ, ਸਗੋਂ ਉਨ੍ਹਾਂ ਨੂੰ ਅੰਗੂਰਾਂ ਦੇ ਬਾਗ ਵਿਚ ਕੰਮ ਕਰਨ ਵਾਲਿਆਂ ਵਾਂਗ ਹੋਣਾ ਚਾਹੀਦਾ ਹੈ, ਜੋ ਆਪਣੇ ਮਾਲਕ ਦੇ ਆਉਣ ਦੀ ਤਿਆਰੀ ਵਿਚ ਹਮੇਸ਼ਾ ਲੱਗੇ ਰਹਿੰਦੇ ਹਨ।
* ਸ਼ਾਂਤੀ ਨੂੰ ਡੰਡੇ ਦੇ ਜ਼ੋਰ 'ਤੇ ਸਥਾਪਿਤ ਨਹੀਂ ਕੀਤਾ ਜਾ ਸਕਦਾ। ਇਹ ਤਾਂ ਸਿਰਫ ਆਪਸੀ ਸਮਝੌਤੇ ਨਾਲ ਹੀ ਲਿਆਂਦੀ ਜਾ ਸਕਦੀ ਹੈ।
* ਤੁਹਾਡਾ ਆਖਰੀ ਉਦੇਸ਼ ਸ਼ਾਂਤੀ ਦਾ ਹੈ, ਉਸ ਨੂੰ ਹਾਸਲ ਕਰਨ ਦਾ ਤਰੀਕਾ ਤਿਆਗ ਤੇ ਸੇਵਾ ਹੈ।
* ਸ਼ਾਂਤੀ ਠੀਕ ਉਥੋਂ ਸ਼ੁਰੂ ਹੁੰਦੀ ਹੈ, ਜਿਥੇ ਵੱਡੀਆਂ ਇੱਛਾਵਾਂ ਦਾ ਅੰਤ ਹੁੰਦਾ ਹੈ।
* ਜੋ ਨਾ ਤਾਂ ਮਨੁੱਖਾਂ ਨੂੰ ਪ੍ਰਸੰਨ ਕਰਨ ਦੀ ਇੱਛਾ ਰੱਖਦਾ ਹੈ ਅਤੇ ਨਾ ਹੀ ਉਨ੍ਹਾਂ ਦੇ ਨਾਰਾਜ਼ ਹੋਣ ਤੋਂ ਡਰਦਾ ਹੈ, ਉਹੋ ਸ਼ਾਂਤੀ ਦੀ ਮਜ਼ਾ ਲੈਂਦਾ ਹੈ।
* ਜਿਸ ਘਰ ਵਿਚ ਸ਼ਾਂਤੀ ਹੈ, ਉਥੇ ਰੱਬ ਦਾ ਵਾਸ ਹੁੰਦਾ ਹੈ।
