ਮੇਰਠ- ਮੇਰਠ-ਹਾਪੁੜ ਮਾਰਗ 'ਤੇ ਸਥਿਤ ਅਲ-ਆਲੀਆ ਮੀਟ ਪੈਕੇਜਿੰਗ ਪਲਾਂਟ ਵਿਚ ਅਮੋਨੀਆ ਗੈਸ ਦੇ ਰਿਸਾਅ ਕਾਰਨ 16 ਔਰਤ ਕਰਮਚਾਰੀਆਂ ਸਮੇਤ 20 ਲੋਕ ਬੇਹੋਸ਼ ਹੋ ਗਏ। ਇਨ੍ਹਾਂ ਲੋਕਾਂ ਨੂੰ ਹਸਪਤਾਲ ਲੈ ਜਾਇਆ ਗਿਆ, ਜਿੱਥੋਂ ਚਾਰ ਨੂੰ ਛੱਡ ਕੇ ਬਾਕੀ ਦੀ ਹਾਲਤ ਵਿਚ ਸੁਧਾਰ ਦੱਸਿਆ ਜਾ ਰਿਹਾ ਹੈ। ਜ਼ਿਲਾ ਅਧਿਕਾਰੀ ਪੰਕਜ ਯਾਦਵ ਨੇ ਦੱਸਿਆ ਕਿ ਉਨ੍ਹਾਂ ਨੇ ਪ੍ਰਦੂਸ਼ਣ ਵਿਭਾਗ ਤੋਂ ਵੀ ਰਿਪੋਰਟ ਦੀ ਮੰਗ ਕੀਤੀ ਗਈ ਹੈ ਕਿ ਪੈਕੇਜਿੰਗ ਪਲਾਂਟ ਦਾ ਸੰਚਾਲਨ ਸਹੀ ਮਾਪਦੰਡਾਂ ਮੁਤਾਬਕ ਹੋ ਰਿਹਾ ਸੀ ਜਾਂ ਨਹੀਂ।
ਰਿਪੋਰਟ ਮਿਲਣ ਤੋਂ ਬਾਅਦ ਅੱਗੇ ਦੀ ਕਾਰਵਾਈ ਕੀਤੀ ਜਾਵੇਗੀ। ਖਰਖੌਦਾ ਪੁਲਸ ਦਾ ਕਹਿਣਾ ਹੈ ਕਿ ਸ਼ਨੀਵਾਰ ਨੂੰ ਜਦੋਂ ਇਹ ਹਾਦਸਾ ਵਾਪਰਿਆ ਤਾਂ ਉਸ ਸਮੇਂ ਤਕਰੀਬਨ 50 ਮਜ਼ਦੂਰ ਮੀਟ ਪੈਕੇਜਿੰਗ ਵਿਚ ਲੱਗੇ ਹੋਏ ਸਨ। ਮਜ਼ਦੂਰਾਂ ਨੇ ਪੁਲਸ ਨੂੰ ਦੱਸਿਆ ਕਿ ਚੈਂਬਰ ਵਿਚ ਅਮੋਨੀਆ ਗੈਸ ਦਾ ਰਿਸਾਅ ਹੋਇਆ ਅਤੇ ਦੇਖਦੇ ਹੀ ਦੇਖਦੇ 16 ਔਰਤਾਂ ਸਮੇਤ 20 ਮਜ਼ਦੂਰ ਬੇਹੋਸ਼ ਹੋ ਗਏ। ਬਾਕੀ ਬਚੇ ਮਜ਼ਦੂਰ ਸੁਰੱਖਿਅਤ ਬਾਹਰ ਨਿਕਲਣ ਵਿਚ ਸਫਲ ਹੋ ਗਏ। ਪੁਲਸ ਮੁਤਾਬਕ ਗੈਸ ਰਿਸਾਅ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ ਅਤੇ ਇਸ ਦੀ ਜਾਂਚ ਲਈ ਪੁਲਸ ਦੀ ਟੀਮ ਉੱਥੇ ਪਹੁੰਚੀ ਹੈ। ਫੈਕਟਰੀ ਮਾਲਕ ਨਗਮਾ ਪਤਨੀ ਹਾਜੀ ਇਜਲਾਲ ਨੂੰ ਦੋਸ਼ੀ ਕਰਾਰ ਦਿੰਦੇ ਹੋਏ ਭਾਰਤੀ ਸਜ਼ਾ ਜ਼ਾਬਤਾ ਦੀ ਧਾਰਾ 284 ਅਤੇ 287 ਅਧੀਨ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।
ਰਾਮਪਾਲ ਆਸ਼ਰਮ 'ਤੇ ਮੀਡੀਆ 'ਤੇ ਹਮਲਾ : ਪੁਲਸ ਦੀ ਰਣਨੀਤੀ ਦੀ ਹੋਈ ਤਿੱਖੀ ਆਲੋਚਨਾ
NEXT STORY 
