ਪਟਨਾ- ਬਾਲੀਵੁੱਡ ਅਭਿਨੇਤਾ ਆਮਿਰ ਖਾਨ ਦੀ ਬਾਲੀਵੁੱਡ ਦੇ ਦਬੰਗ ਸਟਾਰ ਸਲਮਾਨ ਖਾਨ ਨਾਲ ਕਾਫੀ ਵਧੀਆ ਦੋਸਤੀ ਹੈ। ਸਲਮਾਨ ਦੇ ਵਿਆਹ ਬਾਰੇ 'ਚ ਪੁੱਛੇ ਜਾਣ 'ਤੇ ਚੁਟਕੀ ਲੈਂਦੇ ਹੋਏ ਆਮਿਰ ਨੇ ਕਿਹਾ, ''ਸਲਮਾਨ ਸਾਹਬ ਕਦੋਂ ਵਿਆਹ ਕਰਨਗੇ ਇਸ ਦਾ ਜਵਾਬ ਤਾਂ ਹਕੀਮ ਲੁਕਮਾਨ ਦੇ ਕੋਲ ਵੀ ਨਹੀਂ ਹੈ।'' ਇਥੇ ਆਪਣੀ ਫਿਲਮ 'ਪੀਕੇ' ਦੇ ਪ੍ਰਚਾਰ ਲਈ ਆਮਿਰ ਨੇ ਸਲਮਾਨ ਨੂੰ ਆਪਣਾ ਬਹੁਤ ਹੀ ਵਧੀਆ ਦੋਸਤ ਦੱਸਿਆ ਅਤੇ ਕਿਹਾ ਕਿ ਇਕ-ਦੂਜੇ ਲਈ ਉਨ੍ਹਾਂ ਦੇ ਦਿਲਾਂ 'ਚ ਬਹੁਤ ਹੀ ਪਿਆਰ ਹੈ। ਇਹ ਪੁੱਛੇ ਜਾਣ 'ਤੇ ਕਿ ਸਲਮਾਨ ਦਾ ਵਿਆਹ ਕਦੋਂ ਤੱਕ ਕਰਵਾਉਗੇ ਆਮਿਰ ਨੇ ਹਸਦੇ ਹੋਏ ਕਿਹਾ, ''ਮੈਂ ਇਸ ਦੇ ਲਈ ਉਨ੍ਹਾਂ ਨੂੰ ਕਈ ਵਾਰੀ ਬੇਨਤੀ ਕਰ ਚੁੱਕਾ ਹਾਂ ਪਰ ਸਲਮਾਨ ਸਾਹਬ ਕਦੋਂ ਵਿਆਹ ਕਰਨਗੇ ਇਸ ਦਾ ਜਵਾਬ ਤਾਂ ਹਕੀਮ ਲੁਕਮਾਨ ਦੇ ਕੋਲ ਵੀ ਨਹੀਂ ਹੈ। ਫਿਲਮ 'ਅੰਦਾਜ਼ ਆਪਣਾ-ਆਪਣਾ' ਦੇ ਸੀਕੁਅਲ ਬਾਰੇ ਪੁੱਛੇ ਜਾਣ 'ਤੇ ਆਮਿਰ ਨੇ ਕਿਹਾ, ''ਇਸ ਨੂੰ ਲੈ ਕੇ ਅਸਲ 'ਚ ਕੋਈ ਯੋਜਨਾ ਨਹੀਂ ਚੱਲ ਰਹੀ ਹੈ ਪਰ ਜੇਕਰ ਅਜਿਹਾ ਹੋਇਆ ਤਾਂ ਉਨ੍ਹਾਂ ਨੂੰ ਬਹੁਤ ਮਜ਼ਾ ਆਏਗਾ। ਫਿਲਮ 'ਅੰਦਾਜ਼ ਆਪਣਾ-ਆਪਣਾ' ਦੀ ਕਹਾਣੀ ਲਿੱਖਣ ਤੋਂ ਬਾਅਦ ਉਹ ਰਾਜ ਸੰਤੋਸ਼ੀ ਨੂੰ ਕਈ ਵਾਰੀ ਕਹਿ ਚੁੱਕੇ ਹਨ। ਸ਼ਾਹਰੁਖ ਖਾਨ ਨਾਲ ਕੋਈ ਫਿਲਮ ਕਰਨ ਦੀ ਇੱਛਾ ਬਾਰੇ ਪੁਛੇ ਜਾਣ 'ਤੇ ਆਮਿਰ ਖਾਨ ਨੇ ਕਿਹਾ, ''ਸੱਚੀ, ਜ਼ਰੂਰ ਜੇਕਰ ਅਜਿਹਾ ਹੋਇਆ ਤਾਂ ਮੈਨੂੰ ਬਹੁਤ ਹੀ ਖੁਸ਼ੀ ਹੋਵੇਗੀ। ਜਦੋਂ ਕੋਈ ਵਧੀਆ ਕਹਾਣੀ ਆਈ ਤਾਂ ਮੈਂ ਸ਼ਾਹਰੁਖ ਖਾਨ ਨਾਲ ਜ਼ਰੂਰ ਕੰਮ ਕਰਨ ਦਾ ਇੱਛਾ ਰੱਖਾਂਗਾ।''
ਸੈਕਸ ਰੈਕਟ ਦੇ ਦੋਸ਼ਾਂ ਤੋਂ ਅਭਿਨੇਤਰੀ ਸ਼ਵੇਤਾ ਬਸੁ ਨੂੰ ਮਿਲੀ ਕਲੀਨ ਚਿਟ (ਦੇਖੋ ਤਸਵੀਰਾਂ)
NEXT STORY 
