ਸ਼ਾਲਵ, ਦੰਤਵਕਰ ਅਤੇ ਵਿਦੁਰਥ ਨੂੰ ਯਮਲੋਕ ਵਿਚ ਭੇਜਣ ਪਿੱਛੋਂ ਸ਼੍ਰੀ ਕ੍ਰਿਸ਼ਨ ਨੇ ਸਾਰੀ ਖ਼ਬਰ ਮਹਾਰਾਜ ਉਗਰਸੇਨ ਅਤੇ ਹਲਦਾਊ ਨੂੰ ਸੁਣਾਉਣ ਲਈ ਸਾਨ੍ਹਣੀ ਸਵਾਰ ਦੌੜਾ ਦਿੱਤੇ ਅਤੇ ਇਹ ਵੀ ਕਹਿ ਦਿੱਤਾ ਕਿ ਵਜਰਨਾਭ ਨੇ ਉਨ੍ਹਾਂ ਨੂੰ ਅਜੇ ਕੁਝ ਦਿਨ ਹੋਰ ਮਹਿਮਾਨ ਬਣ ਕੇ ਰਹਿਣ ਦੀ ਬੇਨਤੀ ਕੀਤੀ ਹੈ। ਇਸ ਲਈ ਉਨ੍ਹਾਂ ਨੂੰ ਦਵਾਰਕਾ ਪਹੁੰਚਣ ਵਿਚ ਪੰਦਰਾਂ ਦਿਨ ਲੱਗ ਜਾਣਗੇ।
ਸ਼ਾਲਵ ਦੇ ਗੂੜ੍ਹੇ ਮਿੱਤਰਾਂ ਦੰਤਵਕਰ ਅਤੇ ਵਿਦੁਰਥ ਨੂੰ ਯਮਲੋਕ ਪਹੁੰਚਾਉਣ ਪਿੱਛੋਂ ਸ਼੍ਰੀ ਕ੍ਰਿਸ਼ਨ ਦੀ ਇਹ ਜਾਣਦੇ ਸਨ ਕਿ ਅਜੇ ਸ਼ਿਸ਼ੂਪਾਲ ਦੇ ਕੁਝ ਮਿੱਤਰ ਹੋਰ ਹਨ, ਜੋ ਕਿਸੇ ਵੇਲੇ ਵੀ ਗੜਬੜ ਪੈਦਾ ਕਰ ਸਕਦੇ ਹਨ। ਦਵਾਰਕਾਪੁਰੀ ਵਲੋਂ ਹੁਣ ਉਹ ਬੇਫਿਕਰ ਸਨ ਅਤੇ ਜਾਣਦੇ ਸਨ ਕਿ ਹਰ ਨਵੇਂ ਹਮਲਾਵਰ ਦਾ ਸਿਰ ਕੁਚਲਣ ਵਿਚ ਹਲਦਾਊ ਜੀ ਬੜੇ ਸਮਰੱਥ ਹਨ। ਇਸ ਲਈ ਉਨ੍ਹਾਂ ਨੇ ਕੁਝ ਦਿਨ ਵਜਰਨਾਭ ਦਾ ਮਹਿਮਾਨ ਬਣ ਕੇ ਰਹਿਣਾ ਸਵੀਕਾਰ ਕਰ ਲਿਆ।
ਵਜਰਨਾਭ ਆਪਣੀ ਬੇਟੀ ਦਾ ਵਿਆਹ ਪ੍ਰਦਿਊਮਨ ਜੀ ਨਾਲ ਕਰਨ ਬਾਰੇ ਸ਼੍ਰੀ ਕ੍ਰਿਸ਼ਨ ਜੀ ਦੇ ਪਿਤਾ ਦੀ ਇਜਾਜ਼ਤ ਲੈਣ ਪਿੱਛੋਂ, ਸ਼੍ਰੀ ਕ੍ਰਿਸ਼ਨ ਨਾਲ ਗੱਲਬਾਤ ਕਰਨ ਲਈ, ਉਨ੍ਹਾਂ ਕੋਲ ਪਹੁੰਚਿਆ। ਉਸ ਨੇ ਦੱਸਿਆ, ''ਭਗਵਨ ਤੁਹਾਡੇ ਪਰਮ ਪੂਜਨੀਕ ਪਿਤਾ ਜੀ ਸਾਕਸ਼ੀ ਹਨ ਕਿ ਮੇਰੇ ਪਰਿਵਾਰ ਵਿਚ ਮੇਰੇ ਜਨਮ ਤੋਂ ਵੀ ਬਹੁਤ ਪਹਿਲਾਂ ਤੋਂ ਵੈਦਿਕ ਧਰਮ ਅਤੇ ਵੈਦਿਕ ਸੰਸਕ੍ਰਿਤੀ ਦਾ ਪਾਲਣ ਹੋ ਰਿਹਾ ਹੈ। ਮੇਰੇ ਪਿਤਾ ਜੀ ਦੀ ਰਾਜਭਗਤੀ ਦੀ ਭਾਵਨਾ ਹੀ ਉਨ੍ਹਾਂ ਨੂੰ ਸ਼ਾਲਵ ਦੀ ਸੇਵਾ ਅਤੇ ਮਦਦ ਕਰਦੇ ਰਹਿਣ ਲਈ ਮਜਬੂਰ ਕਰਦੀ ਰਹੀ।
ਬਿਨਾ ਦਿਖਾਵੇ ਦੇ ਪਰਉਪਕਾਰ
NEXT STORY 
