ਗਉੜੀ ਕਬੀਰ ਜੀ ਦੁਪਦ੍ਹੇ
ਨਾ ਮੈ ਜੋਗ ਧਿਆਨ ਚਿਤੁ ਲਾਇਆ।। ਬਿਨੁ ਬੈਰਾਗ ਨ ਛੂਟਸਿ ਮਾਇਆ।। 1।।
ਕਬੀਰ ਸਾਹਿਬ ਇਸ ਸ਼ਬਦ ਰਾਹੀਂ ਬਖਸ਼ਿਸ਼ ਕਰਦੇ ਹਨ ਕਿ ਮੈਂ ਜੋਗ ਦੇ ਵੱਖ-ਵੱਖ ਤਰੀਕਿਆਂ ਰਾਹੀਂ, ਸਮਾਧੀਆਂ ਰਾਹੀਂ ਉਸ ਪ੍ਰਮਾਤਮਾ ਦੇ ਚਰਨਾਂ ਨਾਲ ਚਿੱਤ ਨਹੀਂ ਜੋੜਿਆ। ਇਸ ਕਰਕੇ ਮੈਨੂੰ ਵੈਰਾਗ ਪੈਦਾ ਨਹੀਂ ਹੋਇਆ ਤੇ ਵੈਰਾਗ ਤੋਂ ਬਿਨਾਂ ਇਸ ਮੋਹ ਮਾਇਆ ਤੋਂ ਛੁਟਕਾਰਾ ਨਹੀਂ ਮਿਲਦਾ।।।1।।
ਕੈਸੇ ਜੀਵਨੁ ਹੋਇ ਹਮਾਰਾ ਜਬ ਨ ਹੋਇ ਰਾਮ ਨਾਮ ਅਧਾਰਾ 2।। ਰਹਾਉ।।
ਇਸ ਮਾਇਆ ਦਾ ਸਾਡੇ ਉਪਰ ਇੰਨਾ ਪ੍ਰਭਾਵ ਹੈ ਭਾਵ ਇਹ ਇੰਨੀ ਸ਼ਕਤੀਸ਼ਾਲੀ ਹੈ। ਜੇ ਸਾਡੇ ਉਪਰ ਉਸ ਮਾਲਕ ਪ੍ਰਭੂ ਦੀ ਕਿਰਪਾ ਨਾ ਹੋਵੇ ਤਾਂ ਅਸੀਂ ਇਕ ਖਿੰਨ ਵੀ ਜੀਅ ਨਹੀਂ ਸਕਦੇ।।1।।
ਕਹੁ ਕਬੀਰ ਖੋਜਉ ਅਸਮਾਨ ਰਾਮ ਸਮਾਨ ਨ ਦੇਖਉ ਆਨ।। 2।। 34।।
ਮੈਂ ਤਾਂ (ਕਬੀਰ ਸਾਹਿਬ) ਕਹਿੰਦੇ ਸਾਰੀ ਦੁਨੀਆ ਫਿਰ ਕੇ ਦੇਖ ਲਿਆ ਹੈ। ਮੈਨੂੰ ਉਸ ਸਰਵਸ਼ਕਤੀਮਾਨ ਪ੍ਰਭੂ ਤੋਂ ਬਿਨਾਂ ਕੋਈ ਹੋਰ ਨਹੀਂ ਦਿਸਿਆ, ਜੋ ਮੈਨੂੰ ਮੋਹ ਮਾਇਆ ਦੇ ਬੰਧਨਾਂ ਵਿਚੋਂ ਕੱਢ ਸਕਦਾ ਹੈ। ਉਹੀ ਸਾਨੂੰ ਅਸਲ ਜੀਵਨ ਦਿੰਦਾ ਹੈ। ਕੋਈ ਜੋਗ, ਕੋਈ ਧਿਆਨ ਸਾਡਾ ਕੁਝ ਨਹੀਂ ਸੰਵਾਰ ਸਕਦਾ ਸਿਰਫ ਗੁਰਪ੍ਰਸਾਦਿ ਹੀ ਕਿਰਪਾ ਕਰ ਸਕਦਾ ਹੈ 2
