ਸੰਤ ਤੇ ਸੱਜਣ ਵਿਅਕਤੀ ਜਦੋਂ ਗਿਆਨ ਨੂੰ ਧਾਰਨ ਕਰਦੇ ਹਨ ਤਾਂ ਉਨ੍ਹਾਂ ਦੇ ਮਨ ਵਿਚ ਸਤਿਕਾਰ ਪ੍ਰਤੀ ਮੋਹ ਖਤਮ ਹੋ ਜਾਂਦਾ ਹੈ ਪਰ ਉਹੀ ਗਿਆਨ ਮਾੜੇ ਲੋਕਾਂ ਨੂੰ ਹੰਕਾਰੀ ਬਣਾ ਦਿੰਦਾ ਹੈ। ਜਿਵੇਂ ਇਕਾਂਤ ਥਾਂ ਯੋਗੀਆਂ ਨੂੰ ਸਾਧਨਾ ਲਈ ਪ੍ਰੇਰਿਤ ਕਰਦੀ ਹੈ, ਉਸੇ ਤਰ੍ਹਾਂ ਕਾਮੀ ਵਿਅਕਤੀਆਂ ਦੀ ਕਾਮ ਭਾਵਨਾ ਨੂੰ ਵਧਾ ਦਿੰਦੀ ਹੈ।
ਭਾਰਤੀ ਅਧਿਆਤਮ ਗਿਆਨ ਦੀ ਇਹ ਖਾਸੀਅਤ ਹੈ ਕਿ ਉਹ ਗਿਆਨੀ ਆਦਮੀ ਨੂੰ ਮਹਾਗਿਆਨੀ ਬਣਾ ਦਿੰਦਾ ਹੈ ਪਰ ਜੇ ਵਿਅਕਤੀ ਮਾੜਾ ਹੋਵੇ ਤਾਂ ਉਹ ਉਸ ਨੂੰ ਹੰਕਾਰੀ ਬਣਾ ਦਿੰਦਾ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਗੀਤਾ ਵਿਚ ਭਗਵਾਨ ਸ਼੍ਰੀ ਕ੍ਰਿਸ਼ਨ ਨੇ ਆਪਣਾ ਗਿਆਨ ਸਿਰਫ ਭਗਤਾਂ ਵਿਚ ਪ੍ਰਚਾਰਿਤ ਕਰਨ ਲਈ ਕਿਹਾ ਹੈ। 'ਇਹ ਜੀਵਨ ਨਸ਼ਵਰ ਹੈ', ਇਹ ਭਾਵਨਾ ਜਦੋਂ ਸੱਜਣ ਵਿਚ ਆਉਂਦੀ ਹੈ ਤਾਂ ਉਹ ਇਹੀ ਕੋਸ਼ਿਸ਼ ਕਰਦਾ ਹੈ ਕਿ ਉਹ ਇਸ ਦੀ ਸਦਵਰਤੋਂ ਕਰਦਿਆਂ ਇਸ ਨੂੰ ਪਰਉਪਕਾਰ, ਗਿਆਨ ਪ੍ਰਾਪਤੀ ਤੇ ਦਾਨ ਕਰਦਿਆਂ ਬਿਤਾਏ ਪਰ ਇਹੀ ਗਿਆਨ ਜਦੋਂ ਕਿਸੇ ਮਾੜੇ ਵਿਅਕਤੀ ਨੂੰ ਮਿਲ ਜਾਂਦਾ ਹੈ ਤਾਂ ਉਹ ਹਿੰਸਾ, ਲੁੱਟ ਤੇ ਭੋਗ-ਵਿਲਾਸ ਵਿਚ ਲਗਾ ਦਿੰਦਾ ਹੈ ਇਹ ਸੋਚ ਕੇ ਕਿ ਇਹ ਜੀਵਨ ਤਾਂ ਕਦੇ ਨਾ ਕਦੇ ਖਤਮ ਹੋ ਹੀ ਜਾਵੇਗਾ।
ਕਥਿਤ ਸਾਧੂ-ਸੰਤ ਭਾਰਤੀ ਧਰਮ ਗ੍ਰੰਥਾਂ ਤੋਂ ਗਿਆਨ ਰੱਟ ਕੇ ਦੇਸ਼-ਵਿਦੇਸ਼ ਵਿਚ ਘੁੰਮਦੇ ਹਨ।
ਪੈਸਾ ਕਮਾਉਂਦਿਆਂ ਉਹ ਇਸ ਗੱਲ ਵੱਲ ਧਿਆਨ ਨਹੀਂ ਦਿੰਦੇ ਕਿ ਇਸ ਤਰ੍ਹਾਂ ਜਨਤਕ ਤੌਰ 'ਤੇ ਗਿਆਨ ਚਰਚਾ ਨਹੀਂ ਕੀਤੀ ਜਾਂਦੀ। ਬਹੁਤ ਸਾਰੇ ਯੋਗਾ ਅਧਿਆਪਕ ਵੀ ਭਾਰਤ ਦੀ ਇਸ ਵਿੱਦਿਆ ਦਾ ਪ੍ਰਚਾਰ ਉਨ੍ਹਾਂ ਲੋਕਾਂ ਵਿਚ ਕਰ ਰਹੇ ਹਨ ਜੋ ਭਾਰਤੀ ਅਧਿਆਤਮ ਗਿਆਨ ਨੂੰ ਸਮਝਦੇ ਨਹੀਂ। ਸੱਚ ਗੱਲ ਤਾਂ ਇਹ ਹੈ ਕਿ ਯੋਗਾ ਆਸਣ ਕਰਨ ਨਾਲ ਸਰੀਰ ਵਿਚ ਇਕ ਤਰ੍ਹਾਂ ਦੀ ਫੁਰਤੀ ਆਉਂਦੀ ਹੈ ਪਰ ਗਿਆਨ ਨਹੀਂ ਤਾਂ ਕੋਈ ਵੀ ਭਟਕ ਸਕਦਾ ਹੈ। ਸਰੀਰ ਦੇ ਨਾਲ ਮਨ ਦੀ ਸ਼ੁੱਧੀ ਲਈ ਮੰਤਰ ਆਦਿ ਜਪਣੇ ਚਾਹੀਦੇ ਹਨ ਅਤੇ ਵਿਚਾਰਾਂ ਦੀ ਸ਼ੁੱਧਤਾ ਲਈ ਧਿਆਨ ਲਗਾਉਣਾ ਲਾਜ਼ਮੀ ਹੈ।
ਮਾੜੇ ਲੋਕਾਂ ਤੋਂ ਦੂਰ ਰਹੋ
NEXT STORY 
