ਮਾੜੇ ਲੋਕਾਂ ਤੇ ਕੰਡਿਆਂ ਨੂੰ ਦੂਰ ਕਰਨ ਦੇ 2 ਹੀ ਢੰਗ ਹਨ ਜਾਂ ਤਾਂ ਜੁੱਤੀਆਂ ਮਾਰ ਕੇ ਉਨ੍ਹਾਂ ਦਾ ਮੂੰਹ ਕੁਚਲ ਦਿੱਤਾ ਜਾਵੇ ਜਾਂ ਉਨ੍ਹਾਂ ਨੂੰ ਦੂਰੋਂ ਹੀ ਤਿਆਗ ਦੇਈਏ।
ਸੱਚ ਗੱਲ ਇਹ ਹੈ ਕਿ ਜਿਨ੍ਹਾਂ ਲੋਕਾਂ ਦਾ ਸੁਭਾਅ ਮਾੜਾ ਹੈ, ਉਨ੍ਹਾਂ ਨੂੰ ਦੂਰੋਂ ਹੀ ਤਿਆਗ ਦੇਣਾ ਚਾਹੀਦਾ ਹੈ। ਅੱਜਕਲ ਦੇ ਸਮੇਂ ਵਿਚ ਤਾਂ ਮਾੜੇ ਲੋਕਾਂ ਨੂੰ ਨਾ ਸਿਰਫ ਸਮਾਜ ਦਾ ਉੱਚ ਵਰਗ ਹੀ ਹਮਾਇਤ ਦਿੰਦਾ ਹੈ, ਸਗੋਂ ਆਮ ਲੋਕ ਵੀ ਉਨ੍ਹਾਂ ਨਾਲ ਲੜਨ ਤੋਂ ਡਰਦੇ ਹਨ। ਫਿਰ ਅੱਜਕਲ ਨਿਯਮ ਵੀ ਅਜਿਹੇ ਹਨ ਕਿ ਹਿੰਸਾ ਕਰਨਾ ਪ੍ਰੇਸ਼ਾਨੀ ਦਾ ਕਾਰਨ ਬਣ ਸਕਦਾ ਹੈ। ਇਸ ਲਈ ਚੰਗਾ ਇਹੀ ਹੈ ਕਿ ਮਾੜੇ ਲੋਕਾਂ ਨੂੰ ਦੂਰੋਂ ਹੀ ਨਮਸਤੇ ਕਰਕੇ ਚੱਲਦੇ ਬਣੀਏ। ਉਨ੍ਹਾਂ ਨਾਲ ਚੰਗੇ ਸਬੰਧ ਬਣਾ ਕੇ ਆਪਣੀ ਸੁਰੱਖਿਆ ਬਾਰੇ ਸੋਚਣਾ ਬੇਵਕੂਫੀ ਹੈ।
ਮਹਾਕਵੀ ਤੁਲਸੀਦਾਸ ਨੇ ਰਾਮਚਰਿਤ ਮਾਨਸ ਨੂੰ ਪੂਰਨ ਕਰਨ ਲਈ ਮਾੜੇ ਲੋਕਾਂ ਨੂੰ ਵੀ ਪ੍ਰਾਰਥਨਾ ਕੀਤੀ ਸੀ। ਇਸ ਤੋਂ ਸਬਕ ਇਹੀ ਨਿਕਲਦਾ ਹੈ ਕਿ ਜਿਥੋਂ ਤਕ ਹੋ ਸਕੇ, ਮਾੜੇ ਲੋਕਾਂ ਤੋਂ ਦੂਰੀ ਬਣਾ ਲਈਏ। ਜਿਥੋਂ ਤਕ ਉਨ੍ਹਾਂ ਨੂੰ ਜੁੱਤੀਆਂ ਮਾਰਨ ਵਾਲੀ ਗੱਲ ਹੈ ਤਾਂ ਅੱਜਕਲ ਧਨ ਦੇ ਸਾਰੇ ਸੋਮੇ ਮਾੜੇ ਲੋਕਾਂ ਕੋਲ ਵੀ ਓਨੇ ਹੀ ਹਨ ਜਿੰਨੇ ਚੰਗੇ ਲੋਕਾਂ ਕੋਲ। ਜੁੱਤੀ ਮਾਰਨ ਦੀ ਗੱਲ ਸਜ਼ਾ ਦੇਣ ਦੀ ਪ੍ਰਤੀਕ ਹੈ, ਜਿਸ ਦੀ ਵਰਤੋਂ ਆਪਣੇ ਨਾਲੋਂ ਕਮਜ਼ੋਰ ਵਿਅਕਤੀ 'ਤੇ ਕੀਤੀ ਜਾਂਦੀ ਹੈ। ਅੱਜਕਲ ਮਾੜੇ ਲੋਕ ਨਾ ਸਿਰਫ ਪੈਸਾ ਵੱਡੀ ਮਾਤਰਾ ਵਿਚ ਕਮਾ ਲੈਂਦੇ ਹਨ, ਸਗੋਂ ਸਮਾਜ ਵੀ ਉਨ੍ਹਾਂ ਨੂੰ ਸਤਿਕਾਰ ਦਿੰਦਾ ਹੈ। ਇਸ ਲਈ ਉਨ੍ਹਾਂ ਤੋਂ ਦੂਰ ਰਹਿਣਾ ਹੀ ਆਪਣੀ ਸੁਰੱਖਿਆ ਦਾ ਸਭ ਤੋਂ ਵਧੀਆ ਢੰਗ ਹੈ। ਉਂਝ ਦੇਖਿਆ ਜਾਵੇ ਤਾਂ ਮਾੜੇ ਵਿਅਕਤੀ ਨਾਲ ਮਾੜਾ ਵੀ ਲੜ ਕੇ ਖਤਮ ਹੋ ਜਾਂਦਾ ਹੈ।
ਪੂਰੀ ਦੁਨੀਆ ਦੀ ਹਾਲਤ ਅਜਿਹੀ ਹੈ ਕਿ ਚੰਗੇ ਵਿਅਕਤੀ ਕੋਲ ਇਸ ਤੋਂ ਇਲਾਵਾ ਕੋਈ ਰਸਤਾ ਨਹੀਂ ਕਿ ਉਹ ਮਾੜੇ ਲੋਕਾਂ ਤੋਂ ਦੂਰ ਰਹਿ ਕੇ ਉਨ੍ਹਾਂ ਵਲੋਂ ਹੰਕਾਰ ਵਿਚ ਆ ਕੇ ਕੀਤੇ ਜਾਣ ਵਾਲੇ ਸੰਘਰਸ਼ਾਂ ਵੱਲ ਦੇਖੇ।
ਪ੍ਰੇਮ ਅਤੇ ਭਾਈਚਾਰੇ ਦੀ ਮਿਸਾਲ ਲੋਹੜੀ
NEXT STORY 
