ਨਵੀਂ ਦਿੱਲੀ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲੜਕੀਆਂ ਨੂੰ ਆਰਥਿਕ ਰੂਪ ਨਾਲ ਮਜ਼ਬੂਤ ਬਣਾਉਣ ਲਈ 'ਸੁਕੰਨਿਆ ਖੁਸ਼ਹਾਲੀ ਖਾਤਾ ਯੋਜਨਾ' ਦਾ ਐਲਾਨ ਕਰਨਗੇ, ਜਿਸ 'ਚ ਉਨ੍ਹਾਂ ਨੂੰ ਨਕਦ ਪ੍ਰੇਰਨਾ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਸੂਤਰਾਂ ਨੇ ਸੋਮਵਾਰ ਨੂੰ ਦੱਸਿਆ ਕਿ ਵੀਰਵਾਰ ਨੂੰ ਮੋਦੀ ਹਰਿਆਣਾ ਦੇ ਪਾਨੀਪਤ 'ਚ 'ਬੇਟੀ ਬਚਾਓ, ਬੇਟੀ ਪੜ੍ਹਾਓ' ਯੋਜਨਾ ਦਾ ਉਦਘਾਟਨ ਕਰਨਗੇ। ਇਸ ਯੋਜਨਾ ਦਾ ਐਲਾਨ ਮੌਜੂਦਾ ਵਿੱਤ ਸਾਲ ਦੇ ਕੇਂਦਰੀ ਬਜਟ 'ਚ ਕੀਤਾ ਗਿਆ ਸੀ ਅਤੇ ਇਸ ਲਈ 100 ਕਰੋੜ ਰੁਪਏ ਦੀ ਵੰਡ ਕੀਤੀ ਗਈ ਸੀ।
ਸੂਤਰਾਂ ਅਨੁਸਾਰ 'ਬੇਟੀ ਬਚਾਓ, ਬੇਟੀ ਪੜ੍ਹਾਓ' ਯੋਜਨਾ ਨਾਲ 'ਸੁਕੰਨਿਆ ਖੁਸ਼ਹਾਲੀ ਖਾਤਾ ਯੋਜਨਾ' ਦਾ ਵੀ ਐਲਾਨ ਕੀਤਾ ਜਾਵੇਗਾ। ਇਸ ਯੋਜਨਾ 'ਚ ਪ੍ਰਧਾਨ ਮੰਤਰੀ ਜਨ ਧਨ ਬੈਂਕ ਖਾਤਾ ਯੋਜਨਾ ਦੀ ਤਰਜ 'ਤੇ ਲੜਕੀਆਂ ਦੇ ਨਾਂ ਨਾਲ ਬੈਂਕ ਖਾਤੇ ਖੋਲ੍ਹੇ ਜਾਣਗੇ। ਪ੍ਰਧਾਨ ਮੰਤਰੀ ਦੀ ਇਸ ਯੋਜਨਾ ਦੇ ਐਲਾਨ ਨਾਲ ਲੜਕੀਆਂ ਨੂੰ ਕੁਝ ਨਕਦ ਪ੍ਰੇਰਨਾ ਦੇਣ ਦੀ ਸੰਭਾਵਨਾ ਹੈ। ਬੇਟੀ ਬਚਾਓ ਬੇਟੀ ਪੜ੍ਹਾਈ ਮੁਹਿੰਮ 100 ਜ਼ਿਲਿਆਂ 'ਚ ਲਾਗੂ ਕੀਤੀ ਜਾ ਰਹੀ ਹੈ। ਇਨ੍ਹਾਂ 'ਚੋਂ 95 ਅਜਿਹੇ ਜ਼ਿਲੇ ਸ਼ਾਮਲ ਹਨ, ਜਿਨ੍ਹਾਂ 'ਚ ਲੜਕੇ ਲੜਕੀਆਂ ਦਾ ਅਨੁਪਾਤ ਵਧ ਰਿਹਾ ਹੈ ਅਤੇ ਰਾਸ਼ਟਰੀ ਔਸਤ ਤੋਂ ਘੱਟ ਹੈ। ਬਾਕੀ 5 ਜ਼ਿਲਿਆਂ 'ਚ ਲੜਕੇ ਲੜਕੀਆਂ ਦਾ ਅਨੁਪਾਤ ਰਾਸ਼ਟਰੀ ਔਸਤ ਤੋਂ ਵਧ ਹੈ ਅਤੇ ਇਹ ਅਨੁਪਾਤ ਘੱਟ ਰਿਹਾ ਹੈ।
'ਯੁਸੂਫ, ਮਾਕਨ ਤੇ ਲਵਲੀ ਦੀ ਜੋੜੀ ਹੈ ਤਿਕੜੀ'
NEXT STORY 
