ਸਿੱਖ ਗੁਰੂ ਸਾਹਿਬਾਨ ਨੇ ਇਸ ਪੂਰੀ ਲੋਕਾਈ ਨੂੰ ਆਪਣੀ ਵਿਚਾਰਧਾਰਾ 'ਚ ਇਕ ਪਿੰਡ ਹੀ ਬਿਆਨ ਕੀਤਾ ਹੈ। ਗੁਰਬਾਣੀ ਵਿਸ਼ਵ ਭਾਈਚਾਰੇ ਦਾ ਸੰਦੇਸ਼ ਦਿੰਦੀ ਹੈ। ਅੱਜ ਵਿਸ਼ਵ ਦੇ ਦੇਸ਼ਾਂ ਦੀ ਆਪਸੀ ਦੂਰੀ ਕੋਈ ਦੂਰੀ ਨਹੀਂ ਰਹੀ। ਸਾਡੇ ਦੇਸ਼ ਦੇ ਅਣਗਿਣਤ ਬਾਸ਼ਿੰਦੇ ਰੋਜ਼ੀ-ਰੋਟੀ ਦੀ ਭਾਲ 'ਚ ਵਿਦੇਸ਼ਾਂ 'ਚ ਵਸਦੇ ਹਨ। ਉਨ੍ਹਾਂ ਨੇ ਕਰਮਭੂਮੀ ਨੂੰ ਹੀ ਆਪਣਾ ਸਭ ਕੁਝ ਮੰਨ ਲਿਆ ਹੈ। ਸਿੱਖ ਗੁਰੂਆਂ ਦੇ ਮਿਸ਼ਨ ਨੂੰ ਪ੍ਰਚਾਰਨ ਹਿੱਤ ਜਿਥੇ-ਜਿਥੇ ਵੀ ਅੱਜ ਸਿੱਖ ਵਸੇ ਹਨ, ਉਥੇ ਗੁਰੂਘਰਾਂ ਦੀ ਸਿਰਜਣਾ ਕੀਤੀ ਗਈ ਹੈ। ਉਂਝ ਤਾਂ ਜਿਥੇ ਵੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪ੍ਰਕਾਸ਼ ਹੁੰਦਾ ਹੈ, ਉਹ ਸਥਾਨ ਆਪਣੇ-ਆਪ 'ਚ ਹੀ ਵੱਡਾ ਸਥਾਨ ਰੱਖਦਾ ਹੈ 'ਜਿਥੇ ਜਾਇ ਬਹੇ ਮੇਰਾ ਸਤਿਗੁਰੂ ਸੋ ਥਾਨ ਸੁਹਾਵਾ ਰਾਮ ਰਾਜੇ'। ਬੇਸ਼ੱਕ ਇਹ ਗੱਲ ਕੋਈ ਮਹੱਤਵ ਨਹੀਂ ਰੱਖਦੀ ਕਿ ਗੁਰਦੁਆਰਾ ਸਾਹਿਬ ਦੀ ਇਮਾਰਤ ਕਿਹੋ ਜਿਹੀ ਹੈ ਤੇ ਉਸ 'ਤੇ ਕਿੰਨਾ ਸਰਮਾਇਆ ਲੱਗਾ ਹੈ, ਫਿਰ ਵੀ ਗੁਰਦੁਆਰਾ ਸਾਹਿਬ ਦੀ ਬਿਲਡਿੰਗ ਦਾ ਸੁੰਦਰ ਹੋਣਾ, ਦਰਸ਼ਨ ਅਭਿਲਾਖੀਆਂ ਨੂੰ ਆਪਣੇ ਵੱਲ ਖਿੱਚਦਾ ਹੈ। ਇਥੇ ਵਿਸ਼ਵ ਦੇ ਉਨ੍ਹਾਂ 10 ਗੁਰਦੁਆਰਿਆਂ ਨੂੰ ਪੇਸ਼ ਕੀਤਾ ਜਾ ਰਿਹਾ ਹੈ, ਜਿਨ੍ਹਾਂ ਦੀਆਂ ਇਮਾਰਤਾਂ ਨੂੰ ਖ਼ੂਬਸੂਰਤ ਦਿੱਖ ਦੇਣ ਲਈ ਅਥਾਹ ਸਰਮਾਇਆ ਖਰਚਿਆ ਗਿਆ ਹੈ। ਗੁਰੂਘਰਾਂ ਵਿਚ ਅਥਾਹ ਸ਼ਰਧਾ ਰੱਖਣ ਵਾਲੇ ਸ਼ਰਧਾਲੂਆਂ ਦੀ ਸੇਵਾ ਦੀ ਬਦੌਲਤ ਇਨ੍ਹਾਂ ਗੁਰਦੁਆਰਿਆਂ ਦੀਆਂ ਇਮਾਰਤਾਂ 'ਤੇ ਸਭ ਤੋਂ ਵਧੇਰੇ ਖਰਚ ਹੋਇਆ ਹੈ।
ਮਾਨਵਤਾ ਦੇ ਪ੍ਰਤੀਕ ਸ਼੍ਰੀ ਬਾਵਾ ਲਾਲ ਜੀ
NEXT STORY 
