ਚੋਗਾ ਚੁਗਦੀਆਂ ਚਿੜੀਆਂ ਵੀ ਕੁਦਰਤ ਦੇ ਨਿਯਮਾਂ ਦੀਆਂ ਪੂਰੀਆਂ ਪਾਬੰਦ ਹਨ। ਹਰ ਪੰਛੀ-ਪਰਿੰਦਾ ਕੁਦਰਤ ਦੇ ਨਿਯਮਾਂ ਅਨੁਸਾਰ ਵਿਚਰਦਾ ਹੈ ਤਾਂ ਫਿਰ ਗੁਣਵਾਨ ਇਨਸਾਨ ਕਿਉਂ ਮਨਮਰਜ਼ੀਆਂ ਕਰਦਾ ਹੋਇਆ ਆਪਣੀ ਜ਼ਿੰਦਗੀ ਨੂੰ ਦੁੱਖਾਂ ਦੇ ਭਵ-ਸਾਗਰਾਂ ਵੱਲ ਧੱਕ ਰਿਹਾ ਹੈ। ਆਖਿਰ ਆਪਾਂ ਪ੍ਰਮਾਤਮਾ ਦੇ ਸਿਮਰਨ ਤੋਂ ਕਿਉਂ ਬੇਮੁੱਖ ਹੁੰਦੇ ਹਾਂ। ਪ੍ਰਮਾਤਮਾ ਨੇ ਮਨੁੱਖਾ ਜੀਵਨ ਸਾਨੂੰ ਨਾਮ ਸਿਮਰਨ ਤੇ ਕਿਰਤ ਕਰਨ ਲਈ ਦਿੱਤਾ ਹੈ।
ਜ਼ਿੰਦਗੀ ਨੂੰ ਸੁਚੱਜੇ ਢੰਗ ਨਾਲ ਜਿਊਣ ਲਈ ਸਾਨੂੰ ਨਾਮ ਸਿਮਰਨ ਦਾ ਪੱਲਾ ਫੜਨਾ ਬਹੁਤ ਹੀ ਜ਼ਰੂਰੀ ਹੈ। ਉਪਰੋਕਤ ਸ਼ਬਦ ਸ਼੍ਰੀਮਾਨ ਸੰਤ ਬਾਬਾ ਰੇਸ਼ਮ ਸਿੰਘ ਜੀ ਚੱਕਪੱਖੀ ਵਾਲਿਆਂ ਨੇ ਬੱਦੋਵਾਲ (ਲੁਧਿਆਣਾ) ਵਿਖੇ ਹੋਏ 9 ਦਿਨਾ ਸਮਾਗਮਾਂ ਦੇ ਅਖੀਰਲੇ ਦਿਨ 32 ਸ੍ਰੀ ਅਖੰਡ ਪਾਠ ਸਾਹਿਬ ਦੇ ਪਾਏ ਗਏ ਭੋਗ ਉਪਰੰਤ ਵੱਡੀ ਗਿਣਤੀ 'ਚ ਸੰਗਤ ਨੂੰ ਪ੍ਰਵਚਨ ਕਰਦਿਆਂ ਕਹੇ। ਉਨ੍ਹਾਂ ਅੱਗੇ ਕਿਹਾ ਕਿ ਜ਼ਿੰਦਗੀ ਇਕ ਅਨਮੋਲ ਖ਼ਜ਼ਾਨਾ ਹੈ। ਇਸ ਅਨਮੋਲ ਖ਼ਜ਼ਾਨੇ ਨੂੰ ਐਵੇਂ ਹੀ ਨਹੀਂ ਗੁਆਉਣਾ ਚਾਹੀਦਾ, ਸਗੋਂ ਨਾਮ ਸਿਮਰਨ ਦੇ ਲੇਖੇ ਲਗਾਉਣਾ ਚਾਹੀਦਾ ਹੈ।
ਸਾਡੀ ਨੌਜਵਾਨ ਪੀੜ੍ਹੀ ਨਸ਼ਿਆਂ 'ਚ ਗ੍ਰਸਤ ਹੁੰਦੀ ਜਾ ਰਹੀ ਹੈ, ਜੋ ਕਿ ਗਹਿਰੀ ਚਿੰਤਾ ਦਾ ਵਿਸ਼ਾ ਹੈ। ਇਨ੍ਹਾਂ ਦੁਨਿਆਵੀ ਨਸ਼ਿਆਂ ਦਾ ਮੁਕਾਬਲਾ ਨਾਮ ਸਿਮਰਨ ਨਾਲ ਹੀ ਕੀਤਾ ਜਾ ਸਕਦਾ ਹੈ । ਤੁਹਾਡੇ ਵਲੋਂ ਸੱਚੇ ਮਨ ਨਾਲ ਕੀਤੀ ਜਾ ਰਹੀ ਕਿਰਤ, ਨਾਮ ਸਿਮਰਨ ਨਾਲ ਜੇ ਪ੍ਰਮਾਤਮਾ ਖੁਸ਼ ਹੈ ਤਾਂ ਕੁਦਰਤ ਦੀ ਕਾਇਨਾਤ ਆਪਣੇ-ਆਪ ਖੁਸ਼ ਹੋ ਜਾਵੇਗੀ।
ਸੰਤ ਬਾਬਾ ਰੇਸ਼ਮ ਸਿੰਘ ਜੀ ਦੇ ਆਸ਼ੀਰਵਾਦ ਸਦਕਾ ਪ੍ਰਬੰਧਕ ਕਮੇਟੀ ਮੈਂਬਰ ਅਵਤਾਰ ਸਿੰਘ ਬਾੜੇਵਾਲ, ਗੁਰਪ੍ਰੀਤ ਸਿੰਘ ਗਰੇਵਾਲ, ਦਰਬਾਰਾ ਸਿੰਘ, ਸ਼ੇਖਰ ਦੱਤ ਅਤੇ ਯਾਦਵਿੰਦਰ ਸਿੰਘ ਆਦਿ ਦੀ ਕਰੜੀ ਮਿਹਨਤ ਸਦਕਾ ਨੇਪਰੇ ਚੜ੍ਹੇ ਇਸ ਸਮਾਗਮ ਦੌਰਾਨ ਕਈ ਪੰਥ ਪ੍ਰਸਿੱਧ ਰਾਗੀ-ਢਾਡੀ ਜਥਿਆਂ, ਜਿਨ੍ਹਾਂ ਵਿਚ ਬਾਬਾ ਜਗਜੀਤ ਸਿੰਘ ਸਿੰਗਾਪੁਰ ਵਾਲੇ, ਭਾਈ ਵਰਿੰਦਰ ਸਿੰਘ ਫਤਿਹਗੜ੍ਹ ਵਾਲੇ, ਭਾਈ ਸਾਧੂ ਸਿੰਘ ਸ਼ੌਂਕੀ, ਭਾਈ ਰਵਿੰਦਰ ਸਿੰਘ ਹਾਂਸਕਲਾਂ, ਭਾਈ ਤਰਸੇਮ ਸਿੰਘ ਢਾਡੀ, ਭਾਈ ਬਾਬੂ ਸਿੰਘ ਤਾਰੇਵਾਲਾ ਨੇ ਗੁਰੂ ਜਸ ਦਾ ਗਾਇਨ ਕਰਕੇ ਸੰਗਤ ਨੂੰ ਨਿਹਾਲ ਕੀਤਾ। ਇਸ ਮੌਕੇ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਰਵਨੀਤ ਸਿੰਘ ਬਿੱਟੂ ਐੱਮ. ਪੀ., ਅਮਰੀਕ ਸਿੰਘਢਿੱਲੋਂ ਵਿਧਾਇਕ ਸਮਰਾਲਾ, ਗੁਰਕੀਰਤ ਸਿੰਘ ਕੋਟਲੀ ਵਿਧਾਇਕ ਖੰਨਾ, ਨਵਤੇਜ ਸਿੰਘ ਚੀਮਾ ਵਿਧਾਇਕ ਸੁਲਤਾਨਪੁਰ ਲੋਧੀ, ਮਨਪ੍ਰੀਤ ਸਿੰਘ ਇਯਾਲੀ ਵਿਧਾਇਕ ਦਾਖਾ, ਸਿਮਰਜੀਤ ਸਿੰਘ ਬੈਂਸ ਵਿਧਾਇਕ ਲੁਧਿਆਣਾ, ਦਰਸ਼ਨ ਸਿੰਘ ਬਰਾੜ ਸਾਬਕਾ ਵਿਧਾਇਕ, ਰਖਵਿੰਦਰਅ ਸਿੰਘ ਗਾਬੜੀਆ ਕੌਂਸਲਰ, ਲਖਵਿੰਦਰ ਸਿੰਘ ਲੱਖਾ, ਹਰਜੋਤ ਸਿੰਘ ਸਰਪੰਚ ਬੱਦੋਵਾਲ, ਸ਼੍ਰੀ ਰਾਮ ਲਾਲ ਚੰਗੋਤਰਾ ਸੈਕਟਰੀ ਐੱਸ. ਸੀ. ਮੋਰਚਾ ਪੰਜਾਬ ਭਾਜਪਾ, ਮਾਸਟਰ ਗੁਰਦੇਵ ਭਗਤ, ਮਨਵਿੰਦਰ ਸਿੰਘ ਲੱਕੀ ਤੋਂ ਇਲਾਵਾ ਵੱਡੀ ਗਿਣਤੀ 'ਚ ਜੁੜੀ ਸੰਗਤ ਨੇ ਬਾਬਾ ਰੇਸ਼ਮ ਸਿੰਘ ਜੀ ਪਾਸੋਂ ਆਸ਼ੀਰਵਾਦ ਹਾਸਿਲ ਕੀਤਾ। ਸਮਾਗਮ ਦੌਰਾਨ ਗੁਰੂ ਕੇ ਲੰਗਰ ਵੀ ਅਟੁੱਟ ਵਰਤਾਏ ਗਏ।
ਬਾਣੀ ਭਗਤ ਕਬੀਰ ਜੀ
NEXT STORY 
