ਤਿਰਪੋਲੀ— ਗੱਲ ਦੁਨੀਆ ਜਿੱਤਣ ਦੀ ਆਉਂਦੀ ਹੈ ਤਾਂ ਗੱਦਾਫੀ ਵਰਗੇ ਤਾਨਾਸ਼ਾਹਾਂ ਦਾ ਨਾਂ ਵੀ ਆਉਂਦਾ ਹੈ। ਪਰ ਗੱਦਾਫੀ ਤੇ ਉਸ ਵਰਗੇ ਹਰ ਤਾਨਾਸ਼ਾਹ, ਹਰ ਰਾਜੇ ਨੂੰ ਆਖਰੀ ਜੱਗ ਜਿੱਤ ਕੇ ਵੀ ਬਾਜ਼ੀ ਹਾਰਨੀ ਪੈਂਦੀ ਹੈ ਤੇ ਇਹ ਤਸਵੀਰਾਂ ਇਸੇ ਦੀਆਂ ਗਵਾਹ ਹਨ।
ਚਾਰ ਦਹਾਕਿਆਂ ਤੱਕ ਲੀਬੀਆ 'ਤੇ ਸ਼ਾਸਨ ਕਰਨ ਵਾਲੇ ਤਾਨਾਸ਼ਾਹ ਮੁਅੰਮਰ ਗੱਦਾਫੀ ਨੇ ਜ਼ਿਊਂਦੇ-ਜੀਅ ਉੱਥੋਂ ਦੇ ਲੋਕਾਂ ਨੂੰ ਤੜਫਾ ਕੇ ਰੱਖਿਆ ਤੇ ਗੱਦਾਫੀ ਦੀ ਜੋ ਮੌਤ ਹੋਈ, ਉਸ ਨੂੰ ਵੀ ਸਾਰੀ ਦੁਨੀਆ ਨੇ ਦੇਖਿਆ। ਮਹਿਲਾਂ ਦਾ ਰਾਜਾ ਗੱਦਾਫੀ ਆਪਣੇ ਆਖਰੀ ਸਮੇਂ ਵਿਚ ਆਪਣੇ ਹੀ ਮਹਿਲ ਵਿਚ ਬਣੀ ਸੁਰੰਗ ਵਿਚ ਰਹਿ ਰਿਹਾ ਸੀ। ਜਿਊਂਦੇ-ਜੀਅ ਉਸ ਦੇ ਮਹਿਲਾ ਵੱਲ ਲੋਕ ਦੇਖਣ ਤੋਂ ਵੀ ਡਰਦੇ ਸਨ, ਕਿ ਕਿਤੇ ਉਨ੍ਹਾਂ ਨੂੰ ਗ੍ਰਿਫਤਾਰ ਨਾ ਕਰ ਲਿਆ ਜਾਵੇ। ਪਰ ਹੁਣ ਉਸ ਦੇ ਮਹਿਲ ਦਾ ਹਾਲ ਦੇਖ ਕੇ ਹੀ ਤੁਸੀਂ ਪੈਸੇ ਦੇ ਅੰਤ ਦਾ ਅੰਦਾਜ਼ਾ ਲਗਾ ਲਵੋਗੇ। ਲੀਬੀਆ ਦੇ ਰਾਜਧਾਨੀ ਤਿਰਪੋਲੀ ਦੇ ਵਿਚ ਸਥਿਤ ਬਾਬ ਅਲ ਅਜ਼ੀਜ਼ੀਆ ਕੰਪਾਊਂਡ ਹੁਣ ਪੂਰੀ ਤਰ੍ਹਾਂ ਨਸ਼ਟ ਹੋ ਚੁੱਕਿਆ ਹੈ। ਲੋਕ ਹੁਣ ਉਸ ਮਹਿਲ ਵਿਚ ਕੂੜਾ ਸੁੱਟਦੇ ਹਨ ਅਤੇ ਜਾਨਵਰ ਵੇਚਣ ਲਈ ਉਸ ਥਾਂ ਦੀ ਵਰਤੋਂ ਕਰਦੇ ਹਨ।
1969 ਵਿਚ ਤਖਤਾਪਲਟ ਤੋਂ ਬਾਅਦ ਗੱਦਾਫੀ ਸੱਤਾ ਵਿਚ ਆਇਆ ਸੀ। ਗੱਦਾਫੀ ਨੇ 42 ਸਾਲਾਂ ਤੱਕ ਲੀਬੀਆ 'ਤੇ ਸ਼ਾਸਨ ਕੀਤਾ। 2011 ਵਿਚ ਅਰਬ ਕ੍ਰਾਂਤੀ ਦਾ ਅਸਰ ਲੀਬੀਆ 'ਤੇ ਵੀ ਪਿਆ ਅਤੇ ਗੱਦਾਫੀ ਨੂੰ ਸੱਤਾ ਤੋਂ ਬੇਦਖਲ ਕਰ ਦਿੱਤਾ ਗਿਆ। ਤਿਰਪੋਲੀ ਦੇ ਨੇੜੇ ਨੈਸ਼ਨਲ ਟ੍ਰਾਂਸਿਸ਼ਨਲ ਕੌਂਸਲ ਦੇ ਮੈਂਬਰਾਂ ਨੇ ਉਸ ਦਾ ਕਤਲ ਕਰ ਦਿੱਤਾ। 2011 ਤੋਂ ਬਾਅਦ ਬਾਗੀਆਂ ਨੇ ਉਸ ਦੇ ਸ਼ਾਨਦਾਰ ਮਹਿਲ ਦੇ ਜ਼ਿਆਦਾਤਰ ਹਿੱਸੇ ਨੂੰ ਸੁੱਟ ਦਿੱਤਾ। ਲੋਕਾਂ 'ਚੋਂ ਗੱਦਾਫੀ ਦਾ ਕਹਿਰ ਪੂਰੀ ਤਰ੍ਹਾਂ ਖਤਮ ਹੋ ਚੁੱਕਾ ਹੈ ਨਾਲ ਹੀ ਉਸ ਦਾ ਅੰਤ ਲੋਕਾਂ ਵਿਚ ਨਵੀਂ ਹਿੰਮਤ ਵੀ ਭਰ ਗਿਆ ਹੈ।
ਆਈ.ਐਸ. ਨੇ ਸੀਰੀਆ 'ਚ 300 ਕੁਰਦਿਸ਼ਾਂ ਨੂੰ ਕੀਤਾ ਅਗਵਾ
NEXT STORY 
