ਨੋਇਡਾ- ਸ਼ਹਿਰ 'ਚ ਇਕ ਮਲਟੀਲੈਸ਼ਨਲ ਕੰਪਨੀ 'ਚ ਕੰਮ ਕਰ ਰਹੇ ਸਾਫਟਵੇਅਰ ਇੰਜੀਨੀਅਰ ਦੀ ਸੋਮਵਾਰ ਨੂੰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਉਸ ਦੇ ਦੋਸਤ ਨੇ ਲੋਕਾਂ ਦੀ ਮਦਦ ਨਾਲ ਇੰਜੀਨੀਅਰ ਨੂੰ ਹਸਪਤਾਲ 'ਚ ਦਾਖਲ ਕਰਾਇਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ। ਪੁਲਸ ਨੇ ਹੱਤਿਆ ਦਾ ਮਾਮਲਾ ਦਰਜ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਇੰਜੀਨੀਅਰ ਆਪਣੀ ਪਤਨੀ ਨੂੰ ਮਿਲਣ ਤੋਂ ਬਾਅਦ ਦੋਸਤ ਨਾਲ ਘਰ ਆ ਰਿਹਾ ਸੀ।
ਜਾਣਕਾਰੀ ਅਨੁਸਾਰ ਦੋਸਤਾਂ ਨੇ ਅੰਕਿਤ ਨੂੰ ਗੋਲੀ ਲੱਗਣ ਦੀ ਜਾਣਕਾਰੀ ਪਤਨੀ ਅਮੀਸ਼ਾ ਨੂੰ ਦਿੱਤੀ। ਫੋਨ ਸੁਣਦੇ ਹੀ ਉਸ ਦੇ ਹੋਸ਼ ਉਡ ਗਏ ਅਤੇ ਉਹ ਇਕ ਦੋਸਤ ਨਾਲ ਸਕੂਟੀ ਤੋਂ ਹਸਪਤਾਲ ਪਹੁੰਚੀ। ਅਮੀਸ਼ਾ ਦੇ ਹੁੰਝੂ ਰੁਕਣ ਦਾ ਨਾਂ ਹੀ ਨਹੀਂ ਲੈ ਰਹੇ ਸਨ ਅਤੇ ਉਹ ਪੁਲਸ ਤੋਂ ਬੇਹੱਦ ਨਾਰਾਜ਼ ਸੀ। ਪਰਿਵਾਰ ਵਾਲਿਆਂ ਦੀ ਨਾਰਾਜ਼ਗੀ ਤੋਂ ਬਾਅਦ ਨੋਇਡਾ ਪੁਲਸ ਨੇ ਰਾਤ 'ਚ ਹੀ ਅੰਕਿਤ ਦਾ ਪੋਸਟਮਾਰਟਮ ਕਰਾਇਆ। ਜਾਂਚ ਦੌਰਾਨ ਠੋਸ ਸਬੂਤ ਨੋਇਡਾ ਪੁਲਸ ਦੇ ਹੱਥ ਲੱਗਾ ਹੈ ਜਿਸਤ ਤੋਂ ਪੁਲਸ ਦੀ ਉਮੀਦ ਹੈ ਦੋਸ਼ੀ ਛੇਤੀ ਹੀ ਗ੍ਰਿਫਤਾਰ ਹੋਵੇਗਾ।
ਪਿਛਲੇ ਮਹੀਨੇ ਹੋਇਆ ਸੀ ਅੰਕਿਤ ਦਾ ਵਿਆਹ- ਅੰਕਿਤ ਦਾ ਵਿਆਹ ਅਮੀਸ਼ਾ ਨਾਲ ਇਕ ਮਹੀਨੇ ਪਹਿਲਾਂ ਮਾਰਚ ਮਹੀਨੇ 'ਚ ਹੀ ਹੋਇਆ ਸੀ। ਵਿਆਹ ਤੋਂ ਪਹਿਲਾਂ ਅੰਕਿਤ ਦੀ ਪਤਨੀ ਬੈਂਗਲੂਰ 'ਚ ਨੌਕਰੀ ਕਰਦੀ ਸੀ ਅਤੇ ਵਿਆਹ ਤੋਂ ਬਾਅਦ ਨੋਇਡਾ ਸ਼ਿਫਟ ਹੋ ਗਈ। ਅੰਕਿਤ ਦੇ ਦੋਸਤ ਅਨੁਸਾਰ ਅੰਕਿਤ ਅਤੇ ਅਮੀਸ਼ਾ ਨੇ ਪ੍ਰਤੀਕ ਬਿਸਟੇਰੀਆ ਸੈਕਟਰ-76 'ਚ ਤਿੰਨ ਕਮਰੇ ਦਾ ਫਲੈਟ 2012 'ਚ ਬੁੱਕ ਕਰਾਇਆ ਸੀ। ਨੌਰਾਤੇ 'ਚ ਉਹ ਇਸ ਫਲੈਟ 'ਚ ਆਏ ਸਨ। ਉੱਥੇ ਹੀ ਅੰਕਿਤ ਦੇ ਭਰਾ ਨਰੇਸ਼ ਨੇ ਦੱਸਿਆ ਕਿ 4:20 ਵਜੇ ਅੰਕਿਤ ਦਾ ਫੋਨ ਆਇਆ। ਅੰਕਿਤ ਨੇ ਦੱਸਿਆ ਕਿ ਐਕਾਰਡ ਸਵਾਰ ਲੜਕੇ ਉਸ ਦਾ ਪਿੱਛਾ ਕਰ ਰਹੇ ਸਨ। ਇਸ ਦੌਰਾਨ ਅੰਕਿਤ ਨੇ ਕਿਹਾ ਭਾਈ ਮੈਨੂੰ ਬਚਾ ਲਓ।
ਵੈਸ਼ਨੋ ਦੇਵੀ ਯਾਤਰਾ, ਇਕ ਮਰਿਆ ਇਕ ਜ਼ਖਮੀ
NEXT STORY 
