ਜਲੰਧਰ (ਮਹੇਸ਼)-ਗੁਰੂ ਨਾਨਕਪੁਰਾ ਖੇਤਰ 'ਚ ਰੇਲਵੇ ਕ੍ਰਾਸਿੰਗ ਤੋਂ ਥੋੜਾ ਪਿੱਛੇ ਮੇਨ ਰੋਡ 'ਤੇ ਬੀਤੀ ਦੁਪਹਿਰ ਨੂੰ ਮੋਟਰਸਾਈਕਲ 'ਤੇ ਸਵਾਰ ਮਾਂ-ਪੁੱਤ ਨੇ ਸਾਈਕਲ 'ਤੇ ਜਾਂਦੀ ਸਕੂਲੀ ਵਿਦਿਆਰਥਣ ਨੂੰ ਕੁੱਟ ਛੱਡਿਆ। ਜਾਣਕਾਰੀ ਮੁਤਾਬਕ ਸ਼ਨੀਵਾਰ ਦੀ ਦੁਪਹਿਰ ਨੂੰ ਕਰੀਬ ਡੇਢ ਵਜੇ ਇਕ ਸਕੂਲੀ ਵਿਦਿਆਰਥਣ ਆਪਣੇ ਸਾਈਕਲ 'ਤੇ ਗੁਰੂ ਨਾਨਕਪੁਰਾ ਵੱਲ ਆ ਰਹੀ ਸੀ ਕਿ ਤੇਜ਼ ਰਫਤਾਰ ਬੂਲੇਟ ਮੋਟਰਸਾਈਕਲ ਸਵਾਰ ਮਾਂ-ਬੇਟੇ ਨਾਲ ਉਸ ਦੀ ਟੱਕਰ ਹੋ ਗਈ।
ਇਸ ਤੋਂ ਬਾਅਦ ਮਾਂ-ਪੁੱਤ ਦੋਵੇਂ ਸੜਕ 'ਤੇ ਡਿਗ ਗਏ ਅਤੇ ਉਨ੍ਹਾਂ ਦੇ ਮਾਮੂਲੀ ਸੱਟਾਂ ਲੱਗ ਗਈਆਂ, ਜਿਸ ਤੋਂ ਬਾਅਦ ਉਹ ਭੜਕ ਉੱਠੇ ਅਤੇ ਕੁੜੀ ਨੂੰ ਬੁਰੀ ਤਰ੍ਹਾਂ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਇੰਨਾ ਹੀ ਨਹੀਂ, ਉਨ੍ਹਾਂ ਕੁੜੀ ਦੇ ਸਾਈਕਲ ਨੂੰ ਤਾਲਾ ਲਗਾ ਕੇ ਚਾਬੀ ਆਪਣੇ ਕੋਲ ਰੱਖ ਲਈ ਅਤੇ ਪੁਲਸ ਨੂੰ ਸ਼ਿਕਾਇਤ ਕਰਨ ਦੀ ਗੱਲ ਕਹੀ।
ਮੌਕੇ 'ਤੇ ਜਮ੍ਹਾਂ ਹੋਈ ਭੀੜ ਨੇ ਮਾਂ-ਪੁੱਤ ਵਲੋਂ ਕੁੜੀ ਨੂੰ ਕੁੱਟਣ ਦਾ ਸਖਤ ਵਿਰੋਧ ਕੀਤਾ। ਇਸ ਤੋਂ ਬਾਅਦ ਉਕਤ ਔਰਤ ਨੇ ਲੋਕਾਂ ਨੂੰ ਵੀ ਪੁਲਸ ਦੀ ਧਮਕੀ ਦਿੱਤੀ ਪਰ ਮੌਕੇ 'ਤੇ ਜਦੋਂ ਮੀਡੀਆ ਵਾਲੇ ਪਹੁੰਚੇ ਤਾਂ ਦੋਵੇਂ ਮਾਂ-ਪੁੱਤ ਘਬਰਾ ਗਏ ਕਿਉਂਕਿ ਉਨ੍ਹਾਂ ਦੇ ਮੋਟਰਸਾਈਕਲ 'ਤੇ ਨਾ ਤਾਂ ਨੰਬਰ ਲੱਗਿਆ ਸੀ ਅਤੇ ਨਾ ਹੀ ਉਨ੍ਹਾਂ ਕੋਲ ਲਾਈਸੈਂਸ ਸੀ।
ਇੰਨੀ ਹੀ ਨਹੀਂ ਮੋਟਰਸਾਈਕਲ 'ਤੇ ਵੱਡਾ ਹੂਟਰ ਵੀ ਲਗਾਇਆ ਹੋਇਆ ਸੀ। ਭੜਕੇ ਹੋਏ ਲੋਕਾਂ ਨੇ ਦੋਹਾਂ ਨੂੰ ਰੋਕਣ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਉਹ ਫਰਾਰ ਹੋਣ 'ਚ ਸਫਲ ਹੋ ਗਏ ਅਤੇ ਜਾਂਦੇ-ਜਾਂਦੇ ਕੁੜੀ ਨੂੰ ਸਾਈਕਲ ਦੀ ਚਾਬੀ ਵੀ ਦੇ ਗਏ। ਪੀ. ਸੀ. ਆਰ. ਮੁਲਾਜ਼ਮ ਜਦੋਂ ਘਟਨਾ ਵਾਲੀ ਜਗ੍ਹਾ 'ਤੇ ਪਹੁੰਚੇ ਤਾਂ ਉੱਥੇ ਲੋਕਾਂ ਦੀ ਭੀੜ ਤਾਂ ਮੌਜੂਦ ਸੀ ਪਰ ਮੋਟਰਸਾਈਕਲ ਸਵਾਰ ਮਾਂ-ਪੁੱਤ ਉੱਥੋਂ ਜਾ ਚੁੱਕੇ ਸਨ।
...ਜਦੋਂ ਆ ਜਾਵੇ 'ਭੂਚਾਲ' ਤਾਂ ਬਚਣ ਲਈ ਕੀ ਕਰੀਏ (ਦੇਖੋ ਤਸਵੀਰਾਂ)
NEXT STORY 
