ਤੁਲਸੀ
ਤੁਲਸੀ ਲੱਗਭਗ ਭਾਰਤ ਦੇ ਹਰੇਕ ਘਰ 'ਚ ਮਿਲਦੀ ਹੈ ਕਿਉਂਕਿ ਹਿੰਦੂ ਸਮਾਜ 'ਚ ਇਸ ਨੂੰ ਪੂਜਣਯੋਗ ਮੰਨਿਆ ਜਾਂਦਾ ਹੈ। ਆਦੀਵਾਸੀ ਇਲਾਕਿਆਂ 'ਚ ਪਾਣੀ ਦੀ ਸ਼ੁੱਧੀ ਲਈ ਤੁਲਸੀ ਦੇ ਪੱਤੇ ਪਾਣੀ ਵਾਲੇ ਬਰਤਨ 'ਚ ਪਾ ਦਿੱਤੇ ਜਾਂਦੇ ਹਨ ਅਤੇ ਘੱਟੋ-ਘੱਟ ਸਵਾ ਘੰਟੇ ਤੱਕ ਪੱਤਿਆਂ ਨੂੰ ਪਾਣੀ 'ਚ ਰੱਖਿਆ ਜਾਂਦਾ ਹੈ। ਕੱਪੜੇ ਨਾਲ ਪਾਣੀ ਨੂੰ ਪੁਣ ਕੇ ਹੀ ਪੀਣ ਲਈ ਵਰਤਿਆ ਜਾਂਦਾ ਹੈ।
1. ਕਿਉਂਕਿ ਤੁਲਸੀ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹੁੰਦੀ ਹੈ। ਇਸ ਲਈ ਇਸ ਦੇ ਰਸ 'ਚ ਥਾਇਮੋਲ ਤੱਤ ਪਾਇਆ ਜਾਂਦਾ ਹੈ, ਜਿਸ ਨਾਲ ਚਮੜੀ ਰੋਗਾਂ 'ਚ ਲਾਭ ਮਿਲਦਾ ਹੈ। ਜੇਕਰ ਗੁਰਦੇ 'ਚ ਪੱਥਰੀ ਹੈ ਤਾਂ ਤੁਲਸੀ ਦੀਆਂ ਪੱਤੀਆਂ ਨੂੰ ਉਬਾਲ ਕੇ ਬਣਾਇਆ ਗਿਆ ਕਾੜ੍ਹਾ 6 ਮਹੀਨਿਆਂ ਤੱਕ ਰੋਜ਼ਾਨਾ ਸ਼ਹਿਦ ਨਾਲ ਪੀਣ 'ਤੇ ਪੱਥਰੀ ਮੂਤਰ ਮਾਰਗ ਰਾਹੀਂ ਬਾਹਰ ਨਿਕਲ ਜਾਂਦੀ ਹੈ।
2. ਦਿਲ ਦੀ ਬੀਮਾਰੀ 'ਚ ਤੁਲਸੀ ਵਰਦਾਨ ਸਿੱਧ ਹੁੰਦੀ ਹੈ ਕਿਉਂਕਿ ਇਹ ਖੂਨ 'ਚ ਕੋਲੈਸਟ੍ਰਾਲ ਨੂੰ ਕੰਟਰੋਲ ਕਰਦੀ ਹੈ। ਇਸ ਦੀਆਂ ਪੱਤੀਆਂ ਦਾ ਰਸ ਕੱਢ ਕੇ ਬਰਾਬਰ ਮਾਤਰਾ 'ਚ ਨਿੰਬੂ ਦਾ ਰਸ ਮਿਲਾਓ ਅਤੇ ਰਾਤ ਨੂੰ ਚਿਹਰੇ 'ਤੇ ਲਗਾਓ। ਇਸ ਨਾਲ ਛਾਈਆਂ ਨਹੀਂ ਪੈਂਦੀਆਂ, ਫਿਨਸੀਆਂ ਵੀ ਠੀਕ ਹੁੰਦੀਆਂ ਹਨ ਅਤੇ ਚਿਹਰੇ ਦੀ ਰੰਗਤ ਨਿਖਰਦੀ ਹੈ। ਹੈ ਨ ਇਕ ਤਰੀਕੇ ਨਾਲ ਦੋਹਰਾ ਫਾਇਦਾ।
3. ਫਲੂ ਰੋਗ ਹੋਵੇ ਤਾਂ ਤੁਲਸੀ ਦਾ ਕਾੜ੍ਹਾ ਬਣਾ ਕੇ ਇਸ 'ਚ ਪਾਕਿਸਤਾਨੀ ਨਮਕ ਮਿਲਾਓ। ਪਾਤਾਲਕੋਟ ਦੇ ਆਦੀਵਾਸੀ ਹਰਬਲ ਜਾਣਕਾਰ ਤੁਲਸੀ ਨੂੰ ਥਕਾਵਟ ਦੂਰ ਕਰਨ ਵਾਲੀ ਔਸ਼ਧੀ ਮੰਨਦੇ ਹਨ। ਉਨ੍ਹਾਂ ਅਨੁਸਾਰ ਬੇਹੱਦ ਥਕਾਵਟ ਹੋਣ 'ਤੇ ਤੁਲਸੀ ਦੀਆਂ ਪੱਤੀਆਂ ਅਤੇ ਮੰਜਰੀ ਦੇ ਸੇਵਨ ਨਾਲ ਥਕਾਵਟ ਦੂਰ ਹੁੰਦੀ ਹੈ।
ਧਨੀਆ
ਆਮ ਤੌਰ 'ਤੇ ਸਬਜ਼ੀਆਂ 'ਚ ਮਸਾਲੇ ਅਤੇ ਸੁਗੰਧ ਲਈ ਵਰਤਿਆ ਜਾਣ ਵਾਲਾ ਧਨੀਆ ਵੀ ਖੇਤਾਂ ਤੋਂ ਇਲਾਵਾ ਲੱਗਭਗ ਹਰ ਘਰ 'ਚ ਗਮਲੇ 'ਚ ਲੱਗਾ ਦੇਖਣ ਨੂੰ ਮਿਲ ਜਾਂਦਾ ਹੈ।
1. ਧਨੀਏ ਦੀਆਂ 20 ਗ੍ਰਾਮ ਪੱਤੀਆਂ 'ਤੇ ਚੁਟਕੀ ਕੁ ਕਪੂਰ ਮਿਲਾ ਕੇ ਪੀਸ ਲਓ। ਇਸ ਨੂੰ ਛਾਣ ਲਓ। ਇਸ ਦੇ ਰਸ ਦੀਆਂ ਦੋ ਬੂੰਦਾਂ ਦੋਹਾਂ ਨਾਸਾਂ 'ਚ ਪਾਉਣ ਨਾਲ ਅਤੇ ਇਸ ਦੇ ਰਸ ਨੂੰ ਮੱਥੇ 'ਤੇ ਲਗਾਉਣ ਨਾਲ ਹਲਕੀ-ਹਲਕੀ ਮਸਾਜ ਕਰਨ ਨਾਲ ਨੱਕ 'ਚ ਨਿਕਲਣ ਵਾਲਾ ਖੂਨ ਭਾਵ ਨਕਸੀਰ ਤੁਰੰਤ ਬੰਦ ਹੋ ਜਾਂਦੀ ਹੈ।
2. ਥੋੜ੍ਹਾ ਜਿਹਾ ਸਾਬਤ ਧਨੀਆ ਕੁੱਟ ਕੇ ਪਾਣੀ 'ਚ ਉਬਾਲ ਕੇ ਠੰਡਾ ਕਰ ਲਓ। ਇਸ ਨੂੰ ਮੋਟੇ ਕੱਪੜੇ ਨਾਲ ਛਾਣ ਕੇ ਸ਼ੀਸ਼ੀ 'ਚ ਭਰ ਲਓ। ਇਸ ਦੀਆਂ ਦੋ ਬੂੰਦਾਂ ਅੱਖਾਂ 'ਚ ਪਾਉਣ ਨਾਲ ਅੱਖਾਂ 'ਚ ਜਲਨ, ਦਰਦ ਅਤੇ ਪਾਣੀ ਵਗਣ ਵਰਗੀਆਂ ਸਮੱਸਿਆਵਾਂ ਦੂਰ ਹੁੰਦੀਆਂ ਹਨ।
3. ਔਰਤਾਂ ਲਈ ਇਹ ਬਹੁਤ ਫਾਇਦੇਮੰਦ ਹੈ ਕਿਉਂਕਿ ਮਾਹਵਾਰੀ 'ਚ ਹੋਣ ਵਾਲਾ ਅਸਹਿ ਦਰਦ ਧਨੀਏ ਨਾਲ ਦੂਰ ਹੁੰਦਾ ਹੈ। ਜੇਕਰ ਮਾਹਵਾਰੀ ਸਾਧਾਰਨ ਤੋਂ ਵਧੇਰੇ ਹੋਵੇ ਤਾਂ ਅੱਧੇ ਲਿਟਰ ਪਾਣੀ 'ਚ ਲੱਗਭਗ 6 ਗ੍ਰਾਮ ਧਨੀਏ ਦੇ ਬੀਜ ਪਾ ਕੇ ਉਬਾਲੋ। ਇਸ 'ਚ ਖੰਡ ਪਾ ਕੇ ਪੀਓ। ਫਾਇਦਾ ਜ਼ਰੂਰ ਮਿਲਦਾ ਹੈ।
4. ਸ਼ੂਗਰ ਦੇ ਮਰੀਜ਼ਾਂ ਲਈ ਵੀ ਧਨੀਆ ਵਧੀਆ ਸਿੱਧ ਹੁੰਦੀ ਹੈ। ਇਸ ਦੇ ਸੇਵਨ ਨਾਲ ਖੂਨ 'ਚ ਇੰਸੁਲਿਨ ਦੀ ਮਾਤਰਾ ਕੰਟਰੋਲ ਰਹਿੰਦੀ ਹੈ। ਧਨੀਆ ਚਮੜੀ ਲਈ ਵੀ ਫਾਇਦੇਮੰਦ ਹੈ। ਧਨੀਏ ਦੇ ਜੂਸ 'ਚ ਹਲਦੀ ਮਿਲਾ ਕੇ ਚਿਹਰੇ 'ਤੇ ਲਗਾਓ। ਇਸ ਨਾਲ ਮੁਹਾਸੇ ਦੂਰ ਹੁੰਦੇ ਹਨ ਅਤੇ ਬਲੈਕਹੈੱਡਸ ਵੀ ਦੂਰ ਹੋ ਜਾਂਦੇ ਹਨ।
ਪਿਆਜ
ਪਿਆਜ ਤੋਂ ਬਿਨਾਂ ਤਾਂ ਭਾਰਤੀ ਪਕਵਾਨਾਂ ਦੀ ਕਲਪਨਾ ਹੀ ਨਹੀਂ ਕੀਤੀ ਜਾਂਦੀ। ਹਰ ਘਰ ਦੀ ਰਸੋਈ 'ਚ ਆਉਣ ਵਾਲੀ ਸ਼ਾਇਦ ਇਹ ਪਹਿਲੀ ਸਬਜ਼ੀ ਹੁੰਦੀ ਹੈ। ਪਿਆਜ ਇਕ ਗੁਣਕਾਰੀ ਪੌਦਾ ਹੈ। ਇਸ ਦੇ ਬੀਜਾਂ ਨੂੰ ਪੀਸ ਕੇ ਸਿਰਕੇ 'ਚ ਮਿਲਾ ਕੇ ਲਗਾਉਣ ਨਾਲ ਦੱਦਰ ਅਤੇ ਖਾਰਸ਼ 'ਚ ਅਰਾਮ ਮਿਲਦਾ ਹੈ।
1. ਪਿਆਜ ਦੇ ਰਸ ਨੂੰ ਸਰ੍ਹੋ ਦੇ ਤੇਲ 'ਚ ਮਿਲਾ ਕੇ ਜੋੜਾਂ ਦੀ ਮਾਲਸ਼ ਕਰਨ ਨਾਲ ਗਠੀਏ ਅਤੇ ਜੋੜਾਂ ਦੇ ਦਰਦ 'ਚ ਅਰਾਮ ਮਿਲਦਾ ਹੈ। ਬਜ਼ੁਰਗਾਂ ਅਤੇ ਬੱਚਿਆਂ ਨੂੰ ਕੱਫ ਹੋਣ 'ਤੇ ਪਿਆਜ ਦੇ ਰਸ 'ਚ ਮਿਸ਼ਰੀ ਮਿਲਾ ਕੇ ਚੱਟਣ ਨਾਲ ਫਾਇਦਾ ਮਿਲਦਾ ਹੈ।
2. ਗਰਮੀਆਂ 'ਚ ਸਿਰਦਰਦ ਖਾਸ ਕਰੇ ਮੱਥੇ ਦਾ ਦਰਦ ਠੀਕ ਕਰਨਾ ਹੋਵੇ ਤਾਂ ਪਿਆਜ ਦੇ ਸਫੇਦ ਕੰਦ ਨੂੰ ਤੋੜ ਕੇ ਸੁੰਘਣਾ ਚਾਹੀਦੈ ਅਤੇ ਚੰਦਨ 'ਚ ਕਪੂਰ ਰਗੜ ਕੇ ਸਿਰ 'ਤੇ ਲਗਾਉਣ ਨਾਲ ਬੜੀ ਛੇਤੀ ਅਰਾਮ ਮਿਲਦਾ ਹੈ।
ਟਮਾਟਰ
ਟਮਾਟਰ ਨੂੰ ਸਬਜ਼ੀਆਂ, ਸਲਾਦ, ਚੱਟਨੀ ਅਤੇ ਸੂਪ 'ਚ ਵਰਤਿਆ ਜਾਂਦਾ ਹੈ। ਇਸ 'ਚ ਪਾਏ ਜਾਣ ਵਾਲੇ ਵਿਟਾਮਿਨਾਂ ਦੀ ਖਾਸੀਅਤ ਹੈ ਕਿ ਇਹ ਗਰਮ ਕਰਨ ਨਾਲ ਖਤਮ ਨਹੀਂ ਹੁੰਦੇ। ਆਦੀਵਾਸੀਆਂ ਦੀ ਮੰਨੀਏ ਤਾਂ ਇਹ ਸੰਤਰੇ ਅਤੇ ਅੰਗੂਰ ਤੋਂ ਵੀ ਵਧੇਰੇ ਲਾਭਦਾਇਕ ਹੁੰਦਾ ਹੈ।
1. ਐਨੀਮਿਕ ਲੋਕ ਖਾਸ ਕਰ ਔਰਤਾਂ ਨੂੰ ਇਕ ਗਲਾਸ ਟਮਾਟਰ ਦਾ ਰਸ ਪਿਲਾਓ, ਇਸ ਨਾਲ ਖੂਨ ਵਧਦਾ ਹੈ। ਘੱਟ ਭਾਰ ਵਾਲੇ ਲੋਕ ਜੇਕਰ ਭੋਜਨ ਦੇ ਨਾਲ ਪੱਕੇ ਹੋਏ ਟਮਾਟਰ ਖਾਣ ਤਾਂ ਉਨ੍ਹਾਂ ਦਾ ਭਾਰ ਵਧਣ ਲੱਗਦਾ ਹੈ।
2. ਡਾਂਗ-ਗੁਜਰਾਤ ਦੇ ਹਰਬਲ ਜਾਣਕਾਰਾਂ ਅਨੁਸਾਰ ਲਾਲ ਟਮਾਟਰ 'ਤੇ ਪਾਕਿਸਤਾਨੀ ਨਮਕ ਅਤੇ ਅਦਰਕ ਪਾ ਕੇ ਖਾਣ ਨਾਲ ਅਪੈਂਡਿਕਸ ਸਾਇਟਿਸ 'ਚ ਲਾਭ ਮਿਲਦਾ ਹੈ। ਜੇਕਰ ਚਿਹਰੇ 'ਤੇ ਕਾਲੇ ਦਾਗ ਜਾਂ ਧੱਬੇ ਹੋਣ ਤਾਂ ਟਮਾਟਰ ਦੇ ਰਸ 'ਚ ਰੂੰ ਭਿਓਂ ਕੇ ਲਗਾਉਣ ਨਾਲ ਕਾਲੇ ਧੱਬੇ ਖਤਮ ਹੋ ਜਾਂਦੇ ਹਨ।
ਲਸਣ
ਸਰਦੀਆਂ 'ਚ ਲਸਣ ਦੀ ਵਰਤੋਂ ਸਾਨੂੰ ਗਰਮਾਇਸ਼ ਦਿੰਦੀ ਹੈ ਅਤੇ ਹਰ ਮੌਸਮ 'ਚ ਇਸ ਦੀ ਵਰਤੋਂ ਸਾਨੂੰ ਬਹੁਤ ਸਾਰੇ ਰੋਗਾਂ ਤੋਂ ਬਚਾਉਂਦੀ ਹੈ।
1. ਸੁੱਕੇ ਲਸਣ ਦੀਆਂ 15 ਕਲੀਆਂ, ਡੇਢ ਲਿਟਰ ਦੁੱਧ ਅਤੇ 5 ਲਿਟਰ ਪਾਣੀ ਨੂੰ ਇਕੱਠੇ ਉਬਾਲੋ। ਫਿਰ ਇਸ ਨੂੰ ਵੱਤ ਅਤੇ ਦਿਲ ਦੇ ਰੋਗ ਤੋਂ ਪੀੜਤ ਮਰੀਜ਼ਾਂ ਨੂੰ ਦਿਓ। ਛੇਤੀ ਅਰਾਮ ਮਿਲਦਾ ਹੈ। ਜੋੜਾਂ ਦਾ ਦਰਦ, ਗਠੀਏ ਵਰਗੀ ਸ਼ਿਕਾਇਤ ਹੋਵੇ ਤਾਂ ਲਸਣ ਦੀਆਂ ਕੱਚੀਆਂ ਕਲੀਆਂ ਚਿੱਥਣ ਨਾਲ ਫਾਇਦਾ ਮਿਲਦਾ ਹੈ।
2. ਅਕਸਰ ਬੱਚਿਆਂ ਨੂੰ ਪੇਟ ਦੇ ਕੀੜਿਆਂ ਦੀ ਸ਼ਿਕਾਇਤ ਹੁੰਦੀ ਹੈ। ਇਸ ਦੇ ਲਈ ਲਸਣ ਦੀਆਂ ਕੱੱਚੀਆਂ ਕਲੀਆਂ ਨੂੰ 20-30 ਬੂੰਦਾਂ ਇਕ ਗਲਾਸ ਦੁੱਧ 'ਚ ਮਿਲਾ ਕੇ ਦੇਣ ਨਾਲ ਕੀੜ ਮਰ ਜਾਂਦੇ ਹਨ ਅਤੇ ਪਖਾਨੇ ਨਾਲ ਬਾਹਰ ਨਿਕਲ ਆਉਂਦੇ ਹਨ।
3. ਹਾਈ ਬਲੱਡ ਪ੍ਰੈਸ਼ਰ ਦੀ ਸ਼ਿਕਾਇਤ ਦੇ ਮਰੀਜ਼ਾਂ ਨੂੰ ਰੋਜ਼ਾਨਾ ਸਵੇਰੇ ਲਸਣ ਦੀਆਂ ਕਲੀਆਂ ਚਿੱਥਣੀਆਂ ਚਾਹੀਦੀਆਂ ਹਨ। ਨਮਕ ਅਤੇ ਲਸਣ ਦਾ ਸਿੱਧਾ ਸੇਵਨ ਖੂਨ ਦੀ ਸਫਾਈ ਕਰਦਾ ਹੈ। ਜਿਨ੍ਹਾਂ ਨੂੰ ਖੂਨ 'ਚ ਪਲੇਟਲੈੱਟਸ ਦੀ ਕਮੀ ਹੁੰਦੀ ਹੈ, ਉਨ੍ਹਾਂ ਨੂੰ ਵੀ ਨਮਕ ਅਤੇ ਲਸਣ ਦੀ ਬਰਾਬਰ ਮਾਤਰਾ ਦਾ ਸੇਵਨ ਕਰਨਾ ਚਾਹੀਦੈ। ਲਾਭ ਮਿਲੇਗਾ।
ਮੋਟਾਪਾ ਤੇ ਹੋਰ ਅਣਗਿਣਤ ਬੀਮਾਰੀਆਂ ਦਾ ਇਕੋ ਹੱਲ ਈਸਬਗੋਲ
NEXT STORY 
