ਸਰਵ ਰੋਗ ਨਿਵਾਰਕ ਹੈ ਨਿੰਮ ਦਾ ਤੇਲ

Updated: 27 Apr, 2015 12:01 PM

ਨਿੰਮ ਕੁਦਰਤ ਵਲੋਂ ਸਾਨੂੰ ਦਿੱਤਾ ਗਿਆ ਇਕ ਤੋਹਫਾ ਹੈ, ਇਸ ਦੀਆਂ ਪੱਤੀਆਂ, ਬੀਜ, ਜੜ੍ਹਾਂ ਅਤੇ ਇਥੋਂ ਤੱਕ ਕਿ ਤੇਲ ਵੀ ਵਰਤਿਆ ਜਾਂਦਾ ਹੈ। ਨਿੰਮ ਦੇ ਬੀਜ 'ਚੋਂ ਕੱਢਿਆ ਗਿਆ ਤੇਲ ਸਾਡੇ ਕਈ ਕੰਮ ਆ ਸਕਦਾ ਹੈ ਕਿਉਂਕਿ ਇਸ 'ਚ ਬਹੁਤ ਸਾਰੇ ਔਸ਼ਧੀ ਗੁਣ ਲੁਕੇ ਹੋਏ ਹਨ। ਇਸ ਲਈ ਇਹ ਤੇਲ ਸਿਹਤ ਸੰਬੰਧੀ ਲਾਭਾਂ ਨਾਲ ਭਰਪੂਰ ਹੈ। ਆਯੁਰਵੇਦ 'ਚ ਨਿੰਮ ਨੂੰ ਸਰਵ ਰੋਗ ਨਿਵਾਰਕ ਕਿਹਾ ਗਿਆ ਹੈ। ਨਿੰਮ ਦਾ ਤੇਲ ਹਲਕੇ ਭੂਰੇ ਰੰਗ ਦਾ ਹੁੰਦਾ ਹੈ, ਜੋ ਸਵਾਦ 'ਚ ਕਸੈਲਾ ਹੁੰਦਾ ਹੈ। ਜਾਣਦੇ ਹਾਂ ਸਾਡੀ ਸਿਹਤ ਲਈ ਨਿੰਮ ਦਾ ਤੇਲ ਕਿਹੜੇ ਮਾਇਨਿਆਂ 'ਚ ਲਾਭਦਾਇਕ ਹੈ।
ਐਗਜ਼ਿਮਾ
ਨਿੰਮ ਕਿਉਂਕਿ ਐਂਟੀਸੈਪਟਿਕ ਗੁਣਾਂ ਨਾਲ ਭਰਿਆ ਪਿਆ ਹੈ, ਜੋ ਐਗਜ਼ਿਮਾ 'ਚ ਹੋਣ ਵਾਲੀ ਸੋਜ ਅਤੇ ਖਾਰਸ਼ ਨੂੰ ਘੱਟ ਕਰਦਾ ਹੈ। ਇਹ ਖੁਸ਼ਕ ਚਮੜੀ ਨੂੰ ਵੀ ਠੀਕ ਕਰਦਾ ਹੈ।
ਮਲੇਰੀਆ
ਨਿੰਮ ਦਾ ਤੇਲ ਰੋਗ ਗ੍ਰਸਤ ਸਰੀਰਕ ਅੰਗਾਂ 'ਚ ਲਾਰਵਾ ਦੇ ਜਨਮ ਦੀ ਗਿਣਤੀ ਨੂੰ ਘੱਟ ਕਰਨ 'ਚ ਅਸਰਦਾਰ ਹੁੰਦਾ ਹੈ। ਨਿੰਮ ਦੇ ਤੇਲ ਦੀ ਵਰਤੋਂ ਮਲੇਰੀਏ ਨੂੰ ਕੰਟਰੋਲ ਕਰਨ ਲਈ ਬਿਲਕੁਲ ਠੀਕ ਹੈ।
ਦੰਦਾਂ ਲਈ
ਨਿੰਮ ਦਾ ਤੇਲ ਮਸੂੜਿਆਂ ਦੀ ਸੋਜ ਅਤੇ ਦੰਦਾਂ ਦੀ ਸੜਨ ਵੀ ਦੂਰ ਕਰਦਾ ਹੈ।
ਜੀਵਾਣੂ ਰਹਿਤ ਗੁਣ
ਨਿੰਮ ਦੇ ਤੇਲ ਦੀ ਵਰਤੋਂ ਦਵਾਈਆਂ 'ਚ ਵੀ ਕੀਤੀ ਜਾਂਦੀ ਹੈ। ਜ਼ਖਮ ਅਤੇ ਝਰੀਟਾਂ ਨੂੰ ਠੀਕ ਕਰਨ ਲਈ ਇਸ ਦੇ ਤੇਲ ਦੀ ਵਰਤੋਂ ਕਰੋ ਕਿਉਂਕਿ ਇਹ ਇਨਫੈਕਸ਼ਨ ਦਾ ਇਲਾਜ ਕਰਦਾ ਹੈ।
ਚਮੜੀ ਦੀ ਇਨਫੈਕਸ਼ਨ ਲਈ
ਐਥਲੀਟ ਫੁੱਟ, ਨਹੁੰ ਕਵਕ ਵਰਗੇ ਚਮੜੀ ਦੇ ਰੋਗ ਫੰਗਲ ਇਨਫੈਕਸ਼ਨ ਕਾਰਨ ਹੁੰਦੇ ਹਨ। ਨਿੰਮ 'ਚ ਪਾਏ ਜਾਣ ਵਾਲੇ ਦੋ ਯੌਗਿਕ ਗੇਦੁਨਿਨ ਅਤੇ ਨਿਬਿਡੋਲ ਚਮੜੀ 'ਚ ਪਾਏ ਜਾਣ ਵਾਲੀ ਫਫੂੰਦ ਨੂੰ ਖਤਮ ਕਰਦੇ ਹਨ ਅਤੇ ਇਨਫੈਕਸ਼ਨ ਨੂੰ ਰੋਕਦੇ ਹਨ।
ਸਿੱਕਰੀ ਕਰੇ ਦੂਰ
ਰੋਜ਼ਾਨਾ ਨਿੰਮ ਦਾ ਤੇਲ ਲਗਾਉਣ ਨਾਲ ਸਿਰ ਦੀ ਖੁਸ਼ਕੀ ਦੂਰ ਹੁੰਦੀ ਹੈ, ਜਿਸ ਨਾਲ ਸਿੱਕਰੀ ਦੀ ਸਮੱਸਿਆ ਠੀਕ ਹੋ ਜਾਂਦੀ ਹੈ। ਇਸ ਦੇ ਤੇਲ ਨਾਲ ਦੋ-ਮੂੰਹੇ ਵਾਲਾਂ ਦੀ ਸਮੱਸਿਆ ਤੋਂ ਵੀ ਛੁਟਕਾਰਾ ਮਿਲਦਾ ਹੈ।