ਪਸੀਨਾ ਆਉਣਾ ਸਰੀਰ ਲਈ ਚੰਗਾ ਹੈ। ਚਮੜੀ 'ਤੇ ਪਸੀਨੇ ਦੀਆਂ ਬੂੰਦਾਂ ਜਮ੍ਹਾ ਹੋਣ ਨਾਲ ਸਰੀਰ ਦਾ ਤਾਪਮਾਨ ਘੱਟ ਹੁੰਦਾ ਹੈ ਕਿਉਂਕਿ ਤਾਪਮਾਨ ਬਹੁਤ ਜ਼ਿਆਦਾ ਹੋ ਜਾਣ ਨਾਲ ਜਾਨ ਵੀ ਜਾ ਸਕਦੀ ਹੈ। ਮਨੁੱਖੀ ਸਰੀਰ ਵਿਚ 20 ਤੋਂ 30 ਲੱਖ ਪਸੀਨੇ ਦੀਆਂ ਗ੍ਰੰਥੀਆਂ ਹੁੰਦੀਆਂ ਹਨ, ਜੋ ਤਾਪਮਾਨ ਨੂੰ ਕਾਬੂ ਵਿਚ ਰੱਖਣ ਦੇ ਕੰਮ ਵਿਚ ਲੱਗੀਆਂ ਰਹਿੰਦੀਆਂ ਹਨ।
ਸਭ ਤੋਂ ਵਧੇਰੇ ਪਸੀਨਾ ਆਉਂਦਾ ਹੈ ਅੰਡਰ ਆਰਮਜ਼ ਭਾਵ ਬਗਲਾਂ 'ਚ ਕਿਉਂਕਿ ਇਥੇ ਸਭ ਤੋਂ ਵਧੇਰੇ ਗ੍ਰੰਥੀਆਂ ਮੌਜੂਦ ਹੁੰਦੀਆਂ ਹਨ। ਇਸ ਤੋਂ ਬਾਅਦ ਹੱਥਾਂ ਅਤੇ ਪੈਰਾਂ 'ਚ ਪਸੀਨਾ ਆਉਂਦਾ ਹੈ। ਲੋੜ ਤੋਂ ਵਧੇਰੇ ਪਸੀਨਾ ਤਕਲੀਫਦੇਹ ਹੋ ਸਕਦਾ ਹੈ। ਇਸ ਨੂੰ ਹਾਈਪਰਹਾਈਡ੍ਰੋਸਿਸ ਕਹਿੰਦੇ ਹਨ। ਅਜਿਹੇ ਲੋਕਾਂ ਨੂੰ ਵੱਧ ਤੋਂ ਵੱਧ ਪਾਣੀ ਪੀਣ ਦੀ ਲੋੜ ਹੁੰਦੀ ਹੈ।
ਹਾਈਪਰਹਾਈਡ੍ਰੋਸਿਸ ਦੇ ਕਈ ਕਾਰਨ ਹੋ ਸਕਦੇ ਹਨ। ਕਿਸੇ ਵੀ ਵਿਅਕਤੀ ਨੂੰ ਕਿੰਨਾ ਪਸੀਨਾ ਆਉਂਦਾ ਹੈ, ਇਹ ਉਸ ਦੀ ਜੀਨ ਸਰੰਚਨਾ 'ਤੇ ਨਿਰਭਰ ਕਰਦਾ ਹੈ। ਕਸਰਤ ਕਰਨ 'ਤੇ ਸਰੀਰ ਦਾ ਤਾਪਮਾਨ ਵਧਣਾ ਸ਼ੁਰੂ ਹੋ ਜਾਂਦਾ ਹੈ। ਅਜਿਹੇ ਵਿਚ ਪਸੀਨਾ ਆਉਂਦਾ ਹੈ। ਬਹੁਤ ਜ਼ਿਆਦਾ ਮਸਾਲੇ ਵਾਲਾ ਜਾਂ ਕਰਾਰਾ ਭੋਜਨ ਖਾਣ ਨਾਲ ਵੀ ਪਸੀਨਾ ਆਉਂਦਾ ਹੈ। ਇਸੇ ਤਰ੍ਹਾਂ ਘਬਰਾਹਟ ਹੋਣ ਅਤੇ ਡਰ ਲੱਗਣ 'ਤੇ ਵੀ ਪਸੀਨਾ ਆਉਂਦਾ ਹੈ।
ਸਰੀਰ 'ਤੇ ਜਦੋਂ ਪਸੀਨਾ ਆਉਂਦਾ ਹੈ ਤਾਂ ਨਾ ਹੀ ਉਸ ਵਿਚ ਕੋਈ ਰੰਗ ਹੁੰਦਾ ਹੈ ਅਤੇ ਨਾ ਹੀ ਬਦਬੂ। ਬਦਬੂਦਾਰ ਪਸੀਨੇ ਦਾ ਕਾਰਨ ਬੈਕਟੀਰੀਆ ਹੈ। ਸਰੀਰ ਦਾ ਤਾਪਮਾਨ ਅਤੇ ਪਸੀਨੇ ਨਾਲ ਹੋਣ ਵਾਲੀ ਨਮੀ ਬੈਕਟੀਰੀਆ ਲਈ ਇਕਦਮ ਸਹੀ ਮਾਹੌਲ ਬਣਾ ਦਿੰਦੇ ਹਨ, ਇਸ ਲਈ ਜ਼ਰੂਰੀ ਹੈ ਕਿ ਰੋਜ਼ਾਨਾ ਨਹਾਉਣ ਦੀ ਆਦਤ ਪਾਓ।
ਕਈ ਖੋਜਾਂ ਦਰਸਾਉਂਦੀਆਂ ਹਨ ਕਿ ਇਕ ਪਰਿਵਾਰ ਦੇ ਲੋਕਾਂ ਦੀ ਸਰੀਰਕ ਗੰਧ ਇਕੋ ਜਿਹੀ ਹੁੰਦੀ ਹੈ। ਇਕ ਟੈਸਟ ਦੌਰਾਨ ਦੇਖਿਆ ਗਿਆ ਕਿ ਜੌੜੇ ਭੈਣ-ਭਰਾਵਾਂ ਦੇ ਮਾਮਲੇ 'ਚ ਜਾਨਵਰ ਉਨ੍ਹਾਂ ਦੀ ਗੰਧ ਕਾਰਨ ਵੀ ਦੋਹਾਂ ਵਿਚ ਫਰਕ ਨਹੀਂ ਸਮਝ ਸਕਦੇ।
ਔਰਤਾਂ ਦੀ ਚਮੜੀ 'ਤੇ ਮਾਈਕ੍ਰੋਕੋਕਸ ਬੈਕਟੀਰੀਆ ਵਧੇਰੇ ਪਾਇਆ ਜਾਂਦਾ ਹੈ। ਇਹ ਬੈਕਟੀਰੀਆ ਉਨ੍ਹਾਂ ਦੀ ਪਸੀਨੇ ਦੀ ਬਦਬੂ ਕਾਰਨ ਵੀ ਹੁੰਦਾ ਹੈ ਜਦੋਂ ਕਿ ਮਰਦਾਂ ਵਿਚ ਪਸੀਨੇ ਦੀ ਬਦਬੂ ਔਰਤਾਂ ਦੀ ਤੁਲਨਾ ਵਿਚ ਕਾਫੀ ਜ਼ਿਆਦਾ ਹੁੰਦੀ ਹੈ। ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ ਉਨ੍ਹਾਂ ਦੀ ਚਮੜੀ 'ਤੇ ਪਿਲੋਫਾਈਲ ਡਿਫਟੇਰੀਓਡ ਨਾਂ ਦਾ ਬੈਕਟੀਰੀਆ ਵਧੇਰੇ ਸਰਗਰਮ ਹੁੰਦਾ ਹੈ। ਸਰੀਰ 'ਚ ਫੈਟ ਦੀ ਵਧੇਰੇ ਮਾਤਰਾ ਵੀ ਪਸੀਨੇ ਦਾ ਮੁਖ ਕਾਰਨ ਹੈ। ਜ਼ਿਆਦਾ ਪਸੀਨਾ ਨਹੀਂ ਚਾਹੁੰਦੇ ਤਾਂ ਮੋਟਾਪੇ ਤੋਂ ਬਚੋ, ਜ਼ਿਆਦਾ ਮਸਾਲੇਦਾਰ ਚੀਜ਼ਾਂ ਨਾ ਖਾਓ, ਸ਼ਰਾਬ ਅਤੇ ਚਾਹ-ਕੌਫੀ ਦਾ ਸੇਵਨ ਘੱਟ ਕਰੋ। ਸੂਤੀ ਕੱਪੜੇ ਪਹਿਨੋ ਅਤੇ ਤਣਾਅ ਮੁਕਤ ਰਹਿਣ ਦੀ ਕੋਸ਼ਿਸ਼ ਕਰੋ।
ਡਿਓਡ੍ਰੈਂਟ ਵੱਖ-ਵੱਖ ਤਰ੍ਹਾਂ ਦੇ ਹੁੰਦੇ ਹਨ। ਕੁਝ 'ਚ ਸਿਰਫ ਖੁਸ਼ਬੂ ਹੁੰਦੀ ਹੈ ਅਤੇ ਕੁਝ ਅਜਿਹੇ ਹੁੰਦੇ ਹਨ, ਜੋ ਬੈਕਟੀਰੀਆ ਖਿਲਾਫ ਕੰਮ ਕਰਦੇ ਹਨ। ਨਾਲ ਹੀ ਪਸੀਨੇ ਦੀਆਂ ਕੁਝ ਗ੍ਰੰਥੀਆਂ ਨੂੰ ਹੀ ਬੰਦ ਕਰ ਦਿੰਦੇ ਹਨ। ਰੋਲ ਆਨ ਦੀ ਥਾਂ ਸਪ੍ਰੇਅ ਕਰਨ ਵਾਲੇ ਡਿਓਡ੍ਰੈਂਟ ਵਧੀਆ ਮੰਨੇ ਜਾਂਦੇ ਹਨ।
ਇਸ ਮੌਸਮ ਦੀਆਂ ਬੀਮਾਰੀਆਂ ਤੋਂ ਬਚਣਾ ਹੈ ਤਾਂ ਅਜ਼ਮਾਓ ਇਹ ਦੇਸੀ ਨੁਸਖੇ
NEXT STORY 
