ਸੁੱਕੀ ਖਾਂਸੀ ਦੀ ਸਮੱਸਿਆ ਅੱਜਕਲ ਆਮ ਹੋ ਗਈ ਹੈ। ਇਸ ਦੇ ਕਈ ਕਾਰਨ ਹੋ ਸਕਦੇ ਹਨ ਜਿਵੇਂ ਵਾਇਰਲ, ਸਰਦੀ, ਫਲੂ, ਸਿਗਰਟਨੋਸ਼ੀ ਜਾਂ ਦਮਾ, ਟੀ.ਬੀ. ਅਤੇ ਫੇਫੜਿਆਂ ਦੇ ਕੈਂਸਰ ਵਰਗੇ ਹੋਰ ਰੋਗ। ਸੁੱਕੀ ਖਾਂਸੀ ਲਈ ਚਾਹੋ ਤਾਂ ਕੁਝ ਘਰੇਲੂ ਉਪਾਅ ਅਪਣਾ ਸਕਦੇ ਹੋ। ਜ਼ਿਕਰ ਕਰਾਂਗੇ ਅੱਜ ਕੁਝ ਘਰੇਲੂ ਉਪਾਵਾਂ ਦਾ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਇਸ ਸਮੱਸਿਆ ਤੋਂ ਅਸਾਨੀ ਨਾਲ ਛੁਟਕਾਰਾ ਹਾਸਲ ਕਰ ਸਕਦੇ ਹੋ।
ਇਕ ਚੱਮਚ ਸ਼ਹਿਦ
ਸ਼ੁੱਧ ਸ਼ਹਿਦ 'ਚ ਅਜਿਹੇ ਐਂਜਾਈਮ ਹੁੰਦੇ ਹਨ, ਜੋ ਕਫ ਤੋਂ ਰਾਹਤ ਦਿਵਾਉਂਦੇ ਹਨ। ਸੁੱਕੀ ਖਾਂਸੀ ਨੂੰ ਦੂਰ ਕਰਨ ਲਈ ਤੁਹਾਨੂੰ ਦਿਨ 'ਚ 1 ਚੱਮਚ ਸ਼ਹਿਦ ਤਿੰਨ ਵਾਰ ਲੈਣਾ ਚਾਹੀਦੈ।
ਗਰਮ ਪਾਣੀ ਨਾਲ ਗਰਾਰੇ ਕਰਨਾ
ਜਦੋਂ ਤੁਸੀਂ ਨਮਕ ਮਿਲੇ ਪਾਣੀ ਨਾਲ ਗਰਾਰੇ ਕਰਦੇ ਹੋ ਤਾਂ ਗਲੇ ਦਾ ਦਰਦ ਅਤੇ ਖਾਂਸੀ ਤੁਰੰਤ ਗਾਇਬ ਹੋ ਜਾਂਦੀ ਹੈ। 1 ਗਲਾਸ ਗਰਮ ਪਾਣੀ 'ਚ 1 ਚੱਮਚ ਨਮਕ ਮਿਲਾ ਕੇ ਸਵੇਰੇ-ਸ਼ਾਮ ਗਰਾਰੇ ਕਰਨ ਨਾਲ ਅਰਾਮ ਮਿਲਦਾ ਹੈ।
ਕਾਲੀ ਮਿਰਚ
ਪੀਸੀ ਹੋਈ ਕਾਲੀ ਮਿਰਚ ਨੂੰ ਘਿਓ 'ਚ ਭੁੰਨ ਕੇ ਖਾਣ ਨਾਲ ਗਲੇ ਨੂੰ ਅਰਾਮ ਮਿਲਦਾ ਹੈ।
ਹਰਬਲ ਟੀ
ਤੁਲਸੀ, ਕਾਲੀ ਮਿਰਚ ਅਤੇ ਅਦਰਕ ਦੀ ਚਾਹ ਖਾਂਸੀ ਦੇ ਇਲਾਜ ਲਈ ਸਭ ਤੋਂ ਵਧੀਆ ਮੰਨੀ ਜਾਂਦੀ ਹੈ।
ਤੁਲਸੀ
ਤੁਲਸੀ ਦੇ ਪੱਤਿਆ ਨੂੰ ਪੀਸ ਕੇ ਰਸ ਕੱਢ ਲਓ, ਫਿਰ ਉਸ ਰਸ 'ਚ ਅਦਰਕ ਅਤੇ ਸ਼ਹਿਦ ਮਿਲਾ ਕੇ ਲਓ।
ਅਦਰਕ
ਅਦਰਕ ਨੂੰ ਪਾਣੀ 'ਚ ਚੰਗੀ ਤਰ੍ਹਾਂ ਉਬਾਲ ਕੇ ਉਸ 'ਚ 2 ਚੱਮਚ ਸ਼ਹਿਦ ਮਿਲਾ ਕੇ ਦਿਨ 'ਚ ਤਿੰਨ ਵਾਰ ਪੀਓ।
ਹਲਦੀ
ਅੱਧਾ ਕੱਪ ਪਾਣੀ ਉਬਾਲੋ, ਇਸ 'ਚ ਇਕ ਛੋਟਾ ਚੱਮਚ ਪੀਸੀ ਕਾਲੀ ਮਿਰਚ ਮਿਲਾਓ। ਚਾਹੋ ਤਾਂ ਇਸ 'ਚ ਦਾਲਚੀਨੀ ਵੀ ਪਾ ਸਕਦੇ ਹੋ। ਇਸ ਨੂੰ ਉਬਾਲ ਕੇ ਹੌਲੀ-ਹੌਲੀ ਉਦੋਂ ਤੱਕ ਪੀਓ, ਜਦੋਂ ਤੱਕ ਕਿ ਅਰਾਮ ਨਾ ਮਿਲ ਜਾਏ।
ਨਿੰਬੂ
2 ਚੱਮਚ ਨਿੰਬੂ ਦੇ ਰਸ 'ਚ 1 ਚੱਮਚ ਸ਼ਹਿਦ ਮਿਲਾਓ। ਇਸ ਨੂੰ ਦਿਨ 'ਚ ਕਈ ਵਾਰ ਲਓ। ਇਸ ਨਾਲ ਗਲੇ ਦ ਖਾਰਸ਼ ਦੂਰ ਹੁੰਦੀ ਹੈ।
ਲਸਣ
ਇਹ ਐਂਟੀਬੈਕਟੀਰੀਅਲ ਹੁੰਦਾ ਹੈ, ਜੋ ਗਲੇ ਦੀ ਖਾਂਸੀ ਨੂੰ ਤੁਰੰਤ ਠੀਕ ਕਰਦਾ ਹੈ। 1 ਕੱਪ 'ਚ ਦੋ ਜਾਂ ਤਿੰਨ ਲਸਣ ਦੀਆਂ ਕਲੀਆਂ ਉਬਾਲੋ। ਜਦੋਂ ਪਾਣੀ ਹਲਕਾ ਠੰਡਾ ਹੋ ਜਾਏ ਤਾਂ ਇਸ 'ਚ ਸ਼ਹਿਦ ਮਿਲਾ ਕੇ ਪੀਓ।
ਪਿਆਜ
ਅੱਧਾ ਚੱਮਚ ਪਿਆਜ ਦੇ ਰਸ 'ਚ 1 ਛੋਟਾ ਚੱਮਚ ਸ਼ਹਿਦ ਮਿਲਾ ਕੇ ਦਿਨ 'ਚ ਦੋ ਵਾਰ ਸੇਵਨ ਕਰਨ 'ਤੇ ਕਫ-ਖਾਂਸੀ ਤੋਂ ਰਾਹਤ ਮਿਲਦੀ ਹੈ।
ਜੇ ਆਵੇ ਵਧੇਰੇ ਪਸੀਨਾ ਤਾਂ ਅਜ਼ਮਾਓ ਇਹ ਤਰੀਕੇ
NEXT STORY 
