ਮੁੰਬਈ- ਬਾਲੀਵੁੱਡ ਦਬੰਗ ਸਟਾਰ ਸਲਮਾਨ ਖਾਨ 'ਤੇ ਇਕ ਵਾਰ ਫਿਰ ਜੇਲ ਜਾਣ ਦੀ ਤਲਵਾਰ ਲਟਕ ਗਈ ਹੈ। ਇਥੇ ਦੱਸਣਯੋਗ ਹੈ ਕਿ ਅੱਜ ਯਾਨੀ ਬੁੱਧਵਾਰ ਨੂੰ ਇਸ ਕੇਸ 'ਚ ਸਲਮਾਨ ਖਿਲਾਫ ਕਾਰਵਾਈ ਕਰਦੇ ਹੋਏ ਮੁੰਬਈ ਸੈਸ਼ਨ ਅਦਾਲਤ ਨੇ ਉਨ੍ਹਾਂ ਨੂੰ 5 ਸਾਲ ਦੀ ਸਜ਼ਾ ਸੁਣਾਈ ਅਤੇ ਇਸ ਦੇ ਨਾਲ ਹੀ 25 ਹਜ਼ਾਰ ਦਾ ਜੁਰਮਾਨਾ ਵੀ ਲਗਾਇਆ। ਹਾਲਾਂਕਿ ਸਲਮਾਨ ਖਾਨ ਨੂੰ 2 ਦਿਨਾਂ ਦੀ ਜ਼ਮਾਨਤ ਦਿੱਤੀ ਗਈ ਹੈ। ਇਸ ਕੇਸ 'ਤੇ ਹੁਣ 8 ਮਈ ਨੂੰ ਕਾਰਵਾਈ ਕੀਤੀ ਜਾਵੇਗੀ। ਤੁਹਾਨੂੰ ਦੱਸ ਦਈਏ ਸਲਮਾਨ ਹੀ ਅਜਿਹੇ ਸਿਤਾਰੇ ਨਹੀਂ ਹਨ ਜੋ ਜੇਲ ਦੀ ਹਵਾ ਖਾਣਗੇ। ਇਸ ਤੋਂ ਪਹਿਲਾਂ ਕਈ ਹੋਰ ਸਿਤਾਰੇ ਵੀ ਵਿਵਾਦਾਂ 'ਚ ਫੱਸ ਜੇਲ ਜਾ ਚੁੱਕੇ ਹਨ।
ਸੰਜੇ ਦੱਤ- ਸੰਜੇ ਦੱਤ ਨੂੰ ਸਾਲ 1993 'ਚ ਸੀਰੀਅਲ ਬਲਾਸਟ ਦੇ ਤਹਿਤ ਗੈਰ-ਕਾਨੂੰਨੀ ਹਥਿਆਰ ਰੱਖਣ ਦੇ ਦੋਸ਼ 'ਚ 5 ਸਾਲ ਦੀ ਸਜ਼ਾ ਮਿਲੀ ਹੈ, ਜਿਸ 'ਚ ਉਹ 18 ਮਹੀਨੇ ਪਹਿਲਾਂ ਹੀ ਕੱਟ ਚੁੱਕੇ ਸਨ। ਬਾਕੀ ਮਿਆਦ ਯਾਨੀ 42 ਮਹੀਨਿਆਂ ਲਈ ਉਨ੍ਹਾਂ ਨੂੰ ਮਈ ਸਾਲ 2013 'ਚ ਫਿਰ ਤੋਂ ਜੇਲ ਭੇਜਿਆ ਗਿਆ ਸੀ।
ਜਾਨ ਅਬ੍ਰਾਹਿਮ- ਇਸ ਅਭਿਨੇਤਾ ਨੂੰ ਬਾਈਕ ਚਲਾਉਣ ਦਾ ਬਹੁਤ ਸ਼ੌਕ ਹੈ ਅਤੇ ਉਹ ਅਕਸਰ ਤੇਜ ਰਫਤਾਰ 'ਚ ਆਪਣੀ ਬਾਈਕ ਚਲਾਉਂਦੇ ਦਿਖਦੇ ਹਨ। ਉਹ ਰੇਸ ਲਗਾ ਰਹੇ ਸਨ ਅਤੇ ਇਹ ਮਾਮਲਾ ਕੁਝ ਅਜਿਹਾ ਹੋਇਆ ਕਿ ਉਨ੍ਹਾਂ ਨੂੰ ਕੋਰਟ 'ਚ ਪੇਸ਼ ਹੋਣਾ ਪਿਆ। ਹੋਇਆ ਇੰਝ ਸੀ ਕਿ ਜਾਨ ਨੇ 2 ਲੋਕਾਂ ਨੂੰ ਟੱਕਰ ਮਾਰ ਦਿੱਤੀ ਸੀ, ਜਿਸ 'ਚ ਉਹ ਗੰਭੀਰ ਤੌਰ 'ਤੇ ਜ਼ਖਮੀ ਹੋ ਗਏ ਸਨ। ਸੂਚਨਾ ਮੁਤਾਬਕ ਜਾਨ ਨੇ 15 ਦਿਨ ਜੇਲ 'ਚ ਕੱਟੇ ਸਨ।
ਸੈਫ ਅਲੀ ਖਾਨ- ਬਾਲੀਵੁੱਡ ਦੇ ਛੋਟੇ ਨਵਾਬ ਸੈਫ ਅਲੀ ਖਾਨ ਵੀ ਜੇਲ ਜਾ ਚੁੱਕੇ ਸਨ। ਹੋਇਆ ਇੰਝ ਸੀ ਕਿ ਸੈਫ, ਕਰੀਨਾ ਅਤੇ ਮਲਾਇਕਾ ਅਰੋੜਾ ਖਾਨ ਨਾਲ ਹੋਟਲ ਤਾਜ 'ਚ ਡਿਨਰ ਲਈ ਪਹੁੰਚੇ ਸਨ। ਇਥੇ ਇਹ ਤਿੰਨੋਂ ਮਸਤੀ ਕਰਦੇ ਦਿਖੇ ਅਤੇ ਇਨ੍ਹਾਂ ਦੇ ਕੋਲ ਬੈਠੇ ਇਕ ਵਿਅਕਤੀ ਨੇ ਇਨ੍ਹਾਂ ਨੂੰ ਸ਼ਾਂਤ ਰਹਿਣ ਲਈ ਕਿਹਾ ਸੀ। ਇਸੇ ਗੱਲ 'ਤੇ ਸੈਫ ਨੇ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ ਸੀ। ਕੁੱਟਮਾਰ ਤੋਂ ਬਾਅਦ ਉਹ ਥਾਣੇ ਪਹੁੰਚੇ ਪਰ ਬਾਅਦ 'ਚ ਇਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਸੀ।
ਅੰਕਿਤ ਤਿਵਾਰੀ- ਸਾਲ 2014 'ਚ ਗਾਇਕ ਅੰਕਿਤ ਤਿਵਾਰੀ ਨੂੰ ਬਲਾਤਕਾਰ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਦਰਅਸਲ ਅੰਕਿਤ ਦੀ ਗਰਲਫ੍ਰੈਂਡ ਨਿਧੀ ਖੰਨਾ ਨੇ ਉਸ 'ਤੇ ਰੇਪ ਦਾ ਦੋਸ਼ ਲਗਾਇਆ ਗਿਆ ਸੀ। ਇਸੇ ਮਾਮਲੇ ਤਹਿਤ ਉਨ੍ਹਾਂ ਨੂੰ 8 ਮਈ 2014 ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਅਕਸ਼ੈ ਕੁਮਾਰ- ਲੈਕਮੇ ਫੈਸ਼ਨ ਵੀਕ ਦੌਰਾਨ ਅਕਸ਼ੈ ਕੁਮਾਰ ਅਤੇ ਟਵਿੰਕਲ ਖੰਨਾ ਇਕੱਠੇ ਸਨ। ਉਥੇ ਹੀ ਸਾਰਿਆਂ ਦੇ ਸਾਹਮਣੇ ਟਵਿੰਕਲ ਨੇ ਉਨ੍ਹਾਂ ਦੀ ਜੀਨਸ ਦਾ ਬਟਨ ਖੋਲ ਦਿੱਤਾ ਸੀ। ਇਸ ਹਰਕਤ ਕਾਰਨ ਅਕਸ਼ੈ ਨੂੰ ਥਾਣੇ ਜਾਣਾ ਪਿਆ ਸੀ। ਬਾਅਦ 'ਚ ਉਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਸੀ।
ਇੰਦਰ ਕੁਮਾਰ- ਸਾਲ 2014 ਨੂੰ ਬਾਲੀਵੁੱਡ ਅਭਿਨੇਤਾ ਇੰਦਰ ਕੁਮਾਰ 'ਤੇ ਉਨ੍ਹਾਂ ਦੀ ਗਰਲਫ੍ਰੈਂਡ ਦਾ ਬਲਾਤਕਾਰ ਕਰਨ ਦਾ ਦੋਸ਼ ਲੱਗਾ ਸੀ। ਸੂਤਰਾਂ ਅਨੁਸਾਰ ਇੰਦਰ 'ਤੇ ਗਰਲਫ੍ਰੈਂਡ ਨੂੰ ਬਾਲੀਵੁੱਡ 'ਚ ਕੰਮ ਦੇਣ ਦਾ ਭਰੋਸਾ ਦੇ ਕੇ ਉਸ ਨਾਲ ਬਲਾਤਕਾਰ ਕੀਤਾ ਸੀ। ਇਸੇ ਕਾਰਨ ਹੀ ਇੰਦਰ ਜੇਲ ਗਏ ਸਨ।
ਸ਼ਾਇਨੀ ਆਹੁਜਾ- ਸ਼ਾਇਨੀ ਅਹੁਜਾ 'ਤੇ ਸਾਲ 2009 'ਚ ਉਨ੍ਹਾਂ ਦੀ ਨੌਕਰਾਣੀ ਨੇ ਰੇਪ ਦਾ ਦੋਸ਼ ਲਗਾਇਆ ਸੀ। ਉਸ ਦਾ ਕਹਿਣਾ ਸੀ ਕਿ ਜਦੋਂ ਉਨ੍ਹਾਂ ਨੇ ਬਲਾਤਕਾਰ ਕੀਤਾ ਸੀ ਤਾਂ ਉਸ ਸਮੇਂ ਸ਼ਾਇਨੀ ਦੀ ਪਤਨੀ ਸ਼ਹਿਰ 'ਚ ਨਹੀਂ ਸੀ। ਇਸ ਦਾ ਮਾਮਲਾ ਹਾਲੇ ਤੱਕ ਕੋਰਟ 'ਚ ਚੱਲ ਰਿਹਾ ਹੈ।
ਫਰਦੀਨ ਖਾਨ- ਫਰਦੀਨ ਖਾਨ ਨੂੰ ਡਰੱਗਸ ਖਰੀਦਣ ਦੇ ਦੋਸ਼ 'ਚ ਪੁਲਸ ਨੇ ਰੰਗੋ ਹੱਥੋਂ ਫੜਿਆ ਸੀ। ਉਨ੍ਹਾਂ ਕੋਲੋ 9 ਗ੍ਰਾਮ ਕੋਕੀਨ ਪਾਈ ਗਈ ਸੀ। ਇਸੇ ਦੌਰਾਨ ਉਹ ਕਈ ਦਿਨ ਜੇਲ 'ਚ ਰਹੇ ਸਨ।
ਦੋ ਮਾਵਾਂ ਦੇ ਪੁੱਤ ਸਲਮਾਨ, ਕੁਝ ਅਜਿਹੀ ਹੈ ਉਨ੍ਹਾਂ ਦੀ ਫੈਮਿਲੀ (ਦੇਖੋ ਤਸਵੀਰਾਂ)
NEXT STORY 
