ਫਤਿਹਗੜ੍ਹ ਸਾਹਿਬ (ਜਗਦੇਵ)- ਤਰਕਸ਼ੀਲ ਸੋਸਾਇਟੀ ਪੰਜਾਬ ਵਲੋਂ ਗਿਆਨ ਦਾ ਫੈਲਾਅ ਕਰਨ ਲਈ ਤਰਕਸ਼ੀਲ ਸਾਹਿਤਕ ਵੈਨ ਪੂਰੇ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ, ਕਸਬਿਆਂ ਤੇ ਸਕੂਲਾਂ ’ਚ ਜਾ ਰਹੀ ਹੈ। ਇਸ ਤਹਿਤ ਪਿਛਲੇ ਦਿਨੀਂ ਤਰਕਸ਼ੀਲ ਸੋਸਾਇਟੀ ਸਰਹਿੰਦ ਇਕਾਈ ਦੀ ਅਗਵਾਈ ’ਚ ਤਰਕਸ਼ੀਲ ਸਾਹਿਤਕ ਵੈਨ ਦਾ ਦੋ ਰੋਜ਼ਾ ਰੂਟ ਐੱਸ. ਪੀ. ਐੱਸ. ਸਕੂਲ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪੰਜੋਲੀ ਕਲਾਂ, ਸਰਕਾਰੀ ਸੈਕੰਡਰੀ ਸਕੂਲ ਮੂਲੇਪੁਰ, ਸਰਕਾਰੀ ਹਾਈ ਸਕੂਲ ਚਨਾਰਥਲ ਖੁਰਦ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਚਨਾਰਥਲ ਕਲਾਂ, ਸਰਕਾਰੀ ਹਾਈ ਸਕੂਲ ਸਾਨੀਪੁਰ ਤੇ ਫ਼ਤਿਹਗਡ਼੍ਹ ਸਾਹਿਬ ਦੀਆਂ ਵੱਖ-ਵੱਖ ਜਨਤਕ ਥਾਵਾਂ ’ਤੇ ਇਹ ਸਾਹਿਤਕ ਵੈਨ ਪਹੁੰਚੀ। ਇਸ ਵੈਨ ਦਾ ਦੋ ਰੋਜ਼ਾ ਸਫ਼ਰ ਮਾਸਟਰ ਹਰਜੀਤ ਸਿੰਘ ਤਰਖਾਣ ਮਾਜਰਾ, ਬਲਦੇਵ ਜਲਾਲ, ਮਨਦੀਪ ਸਿੰਘ ਮਾਜਰੀ ਸੋਢੀਆਂ, ਜਗਜੀਤ ਸਿੰਘ ਪੰਜੋਲੀ ਆਦਿ ਆਗੂਆਂ ਦੀ ਦੇਖ-ਰੇਖ ਹੇਠ ਲਗਾਇਆ ਗਿਆ। ਇਸ ਮੌਕੇ ਤਰਕਸ਼ੀਲ ਸੋਸਾਇਟੀ ਸਰਹਿੰਦ ਇਕਾਈ ਦੇ ਆਗੂਆਂ ਨੇ ਕਿਹਾ ਕਿ ਸਾਹਿਤਕ ਵੈਨ ਦਾ ਦੋ ਰੋਜ਼ਾ ਟੂਰ ਆਪਣੇ ਆਪ ’ਚ ਸਫਲਤਾਪੂਰਵਕ ਸੰਪੰਨ ਹੋਇਆ ਕਿਉਂਕਿ ਜਿਥੇ ਪਾਠਕਾਂ, ਵਿਦਿਆਰਥੀਆਂ ਨੇ ਬਡ਼ੇ ਉਤਸ਼ਾਹ ਨਾਲ ਗਿਆਨ ਭਰਪੂਰ ਸਾਹਿਤਕ ਸਮੱਗਰੀ ਖਰੀਦੀ ਉਥੇ ਵੈਨ ’ਚੋਂ ਕਈ ਥਾਵਾਂ ਤੇ ਲਾਇਬਰੇਰੀਆਂ ਲਈ ਸਾਹਿਤਕ ਸੰਸਥਾਵਾਂ ਨੇ ਪੜ੍ਹਨਯੋਗ ਸਮੱਗਰੀ ਖਰੀਦੀ। ਤਰਕਸ਼ੀਲ ਆਗੂਆਂ ਨੇ ਜਿਥੇ ਦੀਵਾਲੀ ਦੇ ਮੌਕੇ ਵਿਦਿਆਰਥੀਆਂ ਨੂੰ ਪਟਾਕੇ ਨਾ ਚਲਾਉਣ ਲਈ ਪ੍ਰੇਰਿਤ ਕੀਤਾ ਉਥੇ ਉਸਾਰੂ ਤੇ ਗਿਆਨ ਭਰਪੂਰ ਸਾਹਿਤ ਨਾਲ ਜੁਡ਼ਨ, ਪਡ਼੍ਹਨ ਤੇ ਖਰੀਦਣ ਲਈ ਵੀ ਵਿਦਿਆਰਥੀਆਂ ਨੂੰ ਉਤਸ਼ਾਹਿਤ ਕੀਤਾ ਜਿਸ ਦੇ ਸਿੱਟੇ ਵਜੋਂ ਇਹ ਸਾਹਿਤਕ ਵੈਨ ਦੀ ਫ਼ੇਰੀ ਆਪਣੇ ਆਪ ਵਿਚ ਸਫਲ ਸਿੱਧ ਹੋਈ। ਸਰਕਾਰੀ ਸੈਕੰਡਰੀ ਸਕੂਲ ਪੰਜੋਲੀ ਕਲਾਂ ਵਿਖੇ ਸਾਹਿਤਕ ਵੈਨ ਪਹੁੰਚਣ ’ਤੇ ਜਥੇਦਾਰ ਕਰਨੈਲ ਸਿੰਘ ਪੰਜੋਲੀ ਮੈਂਬਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਲੈਕਚਰਾਰ ਮੈਡਮ ਬਲਵਿੰਦਰ ਕੌਰ, ਲੈਕਚਰਾਰ ਮੈਡਮ ਹਰਜੀਤ ਕੌਰ ਵੱਲੋਂ ਸਾਂਝੇ ਰੂਪ ’ਚ ਵੈਨ ਦਾ ਭਰਵਾਂ ਸਵਾਗਤ ਕੀਤਾ ਗਿਆ ।
ਪਰਾਲੀ ਸਾਡ਼ਨ ਦਾ ਰੁਝਾਨ ਬਾਦਸਤੂਰ ਜਾਰੀ
NEXT STORY 
