ਮੋਹਾਲੀ (ਰਣਬੀਰ)- ਜ਼ਿਲ੍ਹਾ ਮੋਹਾਲੀ ਦੇ ਪੰਜ ਵਿਦਿਆਰਥੀ ਪੀ. ਐੱਸ. ਈ. ਬੀ. 8ਵੀਂ ਜਮਾਤ ਦੇ ਨਤੀਜੇ ਵਿਚ ਮੈਰਿਟ ਸੂਚੀ 'ਚ ਜਗ੍ਹਾ ਬਣਾਉਣ 'ਚ ਕਾਮਯਾਬ ਹੋਏ ਹਨ। ਇਨ੍ਹਾਂ 'ਚ ਚਾਰ ਕੁੜੀਆਂ ਤੇ ਇਕ ਮੁੰਡਾ ਸ਼ਾਮਲ ਹਨ। ਖ਼ਾਸ ਗੱਲ ਇਹ ਹੈ ਕਿ ਇਨ੍ਹਾਂ 'ਚੋਂ ਤਿੰਨ ਕੁੜੀਆਂ ਇੱਕੋ ਸਕੂਲ ਦੀਆਂ ਵਿਦਿਆਰਥਣਾਂ ਹਨ। ਖਰੜ ਤਹਿਸੀਲ ਦੇ ਪਿੰਡ ਦੇਹ ਕਲਾਂ ਦੇ ਸਰਕਾਰੀ ਮਿਡਲ ਸਕੂਲ ਦੀ ਵਿਦਿਆਰਥਣ ਸਹਿਨੂਰ ਕੌਰ ਪੁੱਤਰੀ ਲਖਵਿੰਦਰ ਸਿੰਘ ਨੇ 600 'ਚੋਂ 591 ਅੰਕ ਹਾਸਲ ਕਰਕੇ 98.5 ਫ਼ੀਸਦੀ ਅੰਕਾਂ ਨਾਲ ਜ਼ਿਲ੍ਹੇ 'ਚ ਪਹਿਲਾ ਅਤੇ ਪੰਜਾਬ 'ਚ ਨੌਵਾਂ ਰੈਂਕ ਹਾਸਲ ਕੀਤਾ ਹੈ। ਇਸੇ ਸਕੂਲ ਦੀ ਦਿਵਿਆ ਪੁੱਤਰੀ ਪੱਪੂ ਲਾਲ ਖੱਤਰੀ ਨੇ ਵੀ ਸਹਿਨੂਰ ਜਿੰਨੇ ਹੀ ਅੰਕ ਹਾਸਲ ਕੀਤੇ ਹਨ। ਉਸ ਦਾ ਜ਼ਿਲ੍ਹੇ 'ਚ ਦੂਜਾ ਅਤੇ ਪੰਜਾਬ 'ਚ ਨੌਵਾਂ ਰੈਂਕ ਹੈ। ਇਸੇ ਸਕੂਲ ਦੀ ਰੇਸ਼ਮੀ ਕੁਮਾਰੀ ਪੁੱਤਰੀ ਸੁਰੇਸ਼ ਮੰਡਲ ਨੇ 600 'ਚੋਂ 586 ਅੰਕ ਲੈ ਕੇ 97.67 ਫ਼ੀਸਦੀ ਅੰਕਾਂ ਨਾਲ ਜ਼ਿਲ੍ਹੇ 'ਚ ਤੀਜਾ ਅਤੇ ਪੰਜਾਬ 'ਚ 14ਵਾਂ ਸਥਾਨ ਹਾਸਲ ਕੀਤਾ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਦੇ SHO ਸਮੇਤ 3 ਪੁਲਸ ਮੁਲਾਜ਼ਮਾਂ 'ਤੇ ਡਿੱਗੀ ਗਾਜ! ਹੋਈ ਵੱਡੀ ਕਾਰਵਾਈ
ਬਾਦਲ ਪੁੱਤਰ ਦਵਿੰਦਰ ਦਾਸ ਸਰਕਾਰੀ ਮਿਡਲ ਸਕੂਲ ਨਗਲਾ ਸਿਟੀ ਨੇ 584 ਅੰਕਾਂ ਨਾਲ 97.33 ਫ਼ੀਸਦੀ ਅੰਕ ਲੈ ਕੇ ਜ਼ਿਲ੍ਹੇ 'ਚ ਚੌਥਾ ਤੇ ਪੰਜਾਬ 'ਚ 16 ਵਾਂ ਰੈਂਕ ਹਾਸਲ ਕੀਤਾ ਹੈ। ਸਰਕਾਰੀ ਹਾਈ ਸਕੂਲ ਲਾਂਡਰਾਂ ਦੀ ਸ਼ਹਿਨਾਜ਼ ਪੁੱਤਰੀ ਮੁਹੰਮਦ ਮੋਹਸਿਮ ਨੇ 600 'ਚੋਂ 584 ਅੰਕ ਪ੍ਰਾਪਤ ਕਰਕੇ ਜ਼ਿਲ੍ਹੇ 'ਚ ਪੰਜਵਾਂ ਅਤੇ ਪੰਜਾਬ 'ਚ 16ਵਾਂ ਸਥਾਨ ਹਾਸਲ ਕੀਤਾ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਅਧਿਆਪਕਾਂ ਲਈ ਅਹਿਮ ਖ਼ਬਰ! 'ਐਮ ਸਟਾਰ' ਐਪ ਬਣੀ ਵੱਡੀ ਮੁਸੀਬਤ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਬਹੁ-ਚਰਚਿਤ ਨਾਬਾਲਗ ਰੇਪ ਕੇਸ ਮਾਮਲੇ ਵਿਚ ਮੁਲਜ਼ਮ ਬਰੀ
NEXT STORY 
