ਪਟਿਆਲਾ (ਜੋਸਨ)-ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਬਿਜਲੀ ਚੋਰੀ ਦੇ ਰੋਕਣ ਦੇ ਮੰਤਵ ਨਾਲ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਨੂੰ ਦਿੱਤੀਆਂ ਹਦਾਇਤਾਂ ਦੇ ਸਾਰਥਕ ਨਤੀਜੇ ਸਾਹਮਣੇ ਆਏ ਹਨ। ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਨੇ ਜੁਲਾਈ ਮਹੀਨੇ ਦੇ 2 ਹਫਤਿਆਂ ਅੰਦਰ ਬਿਜਲੀ ਨਿਗਮ ਦੇ ਵੰਡ ਸਰਕਲ ਦੀਆਂ ਟੀਮਾਂ ਦੁਆਰਾ ਵੱਡੇ ਪੱਧਰ 'ਤੇ ਛਾਪੇ ਮਾਰੇ। ਇਸ 'ਚ ਸੂਬੇ ਭਰ ਤੋਂ ਬਿਜਲੀ ਚੋਰੀ ਕਰਨ ਵਾਲੇ 2643 ਖਪਤਕਾਰਾਂ ਨੂੰ 521.13 ਲੱਖ ਰੁਪਏ ਦਾ ਜੁਰਮਾਨਾ ਠੋਕਿਆ।
ਪਾਵਰਕਾਮ ਦੀਆਂ ਟੀਮਾਂ ਨੇ 39953 ਖਪਤਕਾਰਾਂ ਦੇ ਛਾਪੇ ਮਾਰੇ। ਅੰਮ੍ਰਿਤਸਰ ਜ਼ੋਨ ਦੀਆਂ ਟੀਮਾਂ ਨੇ 19290 ਖਪਤਕਾਰਾਂ ਦੀ ਚੈਕਿੰਗ ਕੀਤੀ ਅਤੇ 1026 ਖਪਤਕਾਰਾਂ ਨੂੰ 161.68 ਲੱਖ ਰੁਪਏ ਦਾ ਜੁਰਮਾਨਾ ਠੋਕਿਆ। ਬਠਿੰਡਾ ਜ਼ੋਨ 1514 ਖਪਤਾਕਾਰਾਂ ਦੀ ਜਾਂਚ ਕੀਤੀ ਅਤੇ 590 ਖਪਤਕਾਰਾਂ ਨੂੰ 131.54 ਲੱਖ ਜੁਰਮਾਨਾ ਕੀਤਾ। ਪਟਿਆਲਾ ਜ਼ੋਨ 'ਚ 442 ਖਪਤਕਾਰਾਂ 76.84 ਲੱਖ ਦੇ ਜੁਰਮਾਨੇ ਕੀਤੇ। ਉਦਯੋਗਿਕ ਸ਼ਹਿਰ ਲੁਧਿਆਣਾ ਅਤੇ ਖੰਨਾ ਸਰਕਲ ਦੇ 4264 ਖਪਤਕਾਰਾਂ ਦੀ ਜਾਂਚ ਕਰ ਕੇ 160 ਖਪਤਕਾਰਾਂ ਨੂੰ 37.94 ਲੱਖ ਜੁਰਮਾਨਾ ਠੋਕਿਆ। ਜਲੰਧਰ ਦੀਆਂ ਟੀਮਾਂ ਨੇ 7125 ਖਪਤਕਾਰਾਂ ਦੀ ਜਾਂਚ ਕੀਤੀ ਅਤੇ 165 ਖਪਤਕਾਰਾਂ ਨੂੰ 83.86 ਲੱਖ ਜੁਰਮਾਨਾ ਕੀਤਾ।
ਸਿੱਧੂ ਦੇ ਅਸਤੀਫੇ ਨਾਲ ਵਧੇ ਪੰਜਾਬ ਦੀ ਸਿਆਸਤ ’ਚ ਨਵੇਂ ਗਠਜੋੜ ਦੇ ਆਸਾਰ
NEXT STORY 
