ਸ੍ਰੀ ਮੁਕਤਸਰ ਸਾਹਿਬ (ਕੁਲਦੀਪ ਰਿਣੀ) : ਤੁਸੀਂ ਵਿਆਹ ਦੇ ਕਾਰਡ ਤਾਂ ਬਹੁਤ ਦੇਖੇ ਹੋਣਗੇ ਜਿਨ੍ਹਾਂ ’ਤੇ ਧਾਰਮਿਕ ਚਿੰਨ੍ਹ ਜਾਂ ਵਿਆਹ ਵਾਲੇ ਜੋੜੇ ਦੀਆਂ ਤਸਵੀਰਾਂ ਹੁੰਦੀਆਂ ਹਨ ਪਰ ਕੀ ਤੁਸੀਂ ਕਦੇ ਸਿਆਸੀ ਪਾਰਟੀ ਦੇ ਚੋਣ ਨਿਸ਼ਾਨ ਵਾਲਾ ਵਿਆਹ ਕਾਰਡ ਵੇਖਿਆ ਹੈ। ਦਰਅਸਲ੍ ਇੰਨੀ ਦਿਨੀਂ ਸ੍ਰੀ ਮੁਕਤਸਰ ਸਾਹਿਬ ’ਚ ਵਿਆਹ ਦਾ ਇਹ ਕਾਰਡ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਕਾਰਡ ਦੀ ਚਰਚਾ ਮਹਿਜ਼ ਲੋਕਾਂ ਦੀ ਜ਼ੁਬਾਨ ’ਤੇ ਹੀ ਨਹੀਂ ਸਗੋਂ ਸਿਆਸੀ ਗਲਿਆਰਿਆਂ ’ਚ ਵੀ ਹੋ ਰਹੀ ਹੈ।
ਇਹ ਕਾਰਡ ਆਮ ਆਦਮੀ ਪਾਰਟੀ ਦੇ ਮੁਕਤਸਰ ਸਾਹਿਬ ਤੋਂ ਯੂਥ ਪ੍ਰਧਾਨ ਅਰਸ਼ ਬਰਾੜ ਦੇ ਵਿਆਹ ਦਾ ਹੈ, ਜਿਨ੍ਹਾਂ ਵਲੋਂ ਆਪਣੇ ਵਿਆਹ ਦੇ ਕਾਰਡ ’ਤੇ ਖਾਸ ਡਿਜ਼ਾਈਨ ਕਰਵਾਇਆ ਗਿਆ ਹੈ। ਇਹ ਵਿਆਹ ਵਾਲਾ ਕਾਰਡ ਇਸ ਲਈ ਵੀ ਚਰਚਾ ਵਿਚ ਹੈ ਕਿਉਂਕਿ ਅਰਸ਼ ਬਰਾੜ ਨੇ ਵਿਆਹ ਦੇ ਕਾਰਡ ’ਤੇ ਆਗਾਮੀ ਚੋਣਾਂ ਨੂੰ ਲੈ ਕੇ ਆਮ ਆਦਮੀ ਪਾਰਟੀ ਦਾ ਪ੍ਰਚਾਰ ਕੀਤਾ ਹੈ। ਕਾਰਡ ਦੇ ਬਾਹਰ ਆਮ ਆਦਮੀ ਪਾਰਟੀ ਦਾ ਚੋਣ ਨਿਸ਼ਾਨ ਝਾੜੂ ਛਪਵਾਇਆ ਗਿਆ ਹੈ ਅਤੇ ਉਸ ਦੇ ਹੇਠ ਮਿਸ਼ਨ 2022 ਲਿਖਵਾਇਆ ਗਿਆ ਹੈ।
ਵਿਆਹ ਦੇ ਇਸ ਕਾਰਡ ਸਬੰਧੀ ਅਰਸ਼ ਬਰਾੜ ਨੇ ਕਿਹਾ ਕਿ ਉਹ ਆਮ ਆਦਮੀ ਪਾਰਟੀ ਨਾਲ ਦਿਲ ਤੋਂ ਜੁੜੇ ਹੋਏ ਹਨ ਅਤੇ ਇਹ ਇਕ ਸਮਾਜ ਸੇਵਾ ਦੀ ਲਹਿਰ ਹੈ। ਇਹ ਕਾਰਡ ਘਰ-ਘਰ ਪਹੁੰਚਣਾ ਹੈ ਤੇ ਇਸ ਤੋਂ ਵਧੀਆ ਪ੍ਚਾਰ ਹੋ ਹੀ ਨਹੀਂ ਸੀ ਸਕਦਾ । ਉਹਨਾਂ ਕਿਹਾ ਕਿ ਇਹ ਕੰਮ ਵੀ ਆਮ ਆਦਮੀ ਪਾਰਟੀ ਵਾਲੇ ਹੀ ਕਰ ਸਕਦੇ ਹਨ ਕਿਉਂਕਿ ਉਹ ਦਿਲ ਤੋਂ ਜੁੜੇ ਹੋਏ ਹਨ ਅਕਾਲੀ ਅਤੇ ਕਾਂਗਰਸੀ ਇਹ ਕੰਮ ਨਹੀਂ ਕਰ ਸਕਦੇ।
ਇਹ ਵੀ ਪੜ੍ਹੋ : Women's Day 2020 : 104 ਸਾਲ ਦੀ ਮਾਨ ਕੌਰ ਨੂੰ ਮਿਲਿਆ ਨਾਰੀ ਸ਼ਕਤੀ ਐਵਾਰਡ
ਖਾਲਸੇ ਦੀ ਜਨਮ ਭੂਮੀ ਵਿਖੇ ਹੋਲੇ-ਮਹੱਲੇ ਦਾ ਹੋਇਆ ਸ਼ਾਨਦਾਰ ਆਗਾਜ਼ (ਤਸਵੀਰਾਂ)
NEXT STORY 
